10-33 (-)
Ipora quënanapon chachin Acapori itapon: —¡Iꞌyan! Israiroꞌsa aparisitápiranhuëꞌ, nani quënananquën huachi, itërin.
Napotohuachina, paꞌsahuaton Siniorori napotërinsoꞌ Acapo shaꞌhuitonin. Napotohuachina Acapori itapon: —¡Quëmasoꞌ inimiconëhuënquën nipiranhuëꞌ, niquënanëchi paya! itërin. Napotohuachina Inari itapon: —Co Sinioro costarinsohuëráchin ninanso marëꞌ niquënanëꞌ.
—Yaꞌhuërin mini aꞌnara. Inasoꞌ, Imiro huiꞌnin Micaiasë itopisoꞌ. Cariso napoaporahuëꞌ, co quëꞌyarahuëꞌ. Maꞌsha onpocaꞌhuasoráchin shaꞌhuitërinco niꞌton, naporahuë, tënin Acapo. Napopirinhuëꞌ: —Ama napoquësohuëꞌ, itërin Cosahuatori.
Napoatomaꞌ, pënënanquëmasopita nocanamaꞌ. Aꞌchintëranquëmasopitantaꞌ, co yaimaramahuëꞌ.
Yaotëatënquëma napotápiranquëmahuëꞌ, pënënanquëmasopita nocanamaꞌ.
Yonquínahuan huiꞌnapi nipachin, paꞌpini pënënaton anaꞌintohuachina, noya cancantërin. Co natantonhuëꞌ nininsosoꞌ, co pënënacasoꞌ tëranta nohuantërinhuëꞌ.
Co noyahuëꞌ nipisopita napopisoꞌ, co Siniorori ahuantërinhuëꞌ. Noyasáchin nipisopitaso nipirinhuëꞌ, nosororin.
Caso Yosënëmaco niꞌto, ira aꞌnotërëso pochin nitápiranquëmahuëꞌ, aꞌporamaco. Napoaton naporamaꞌ.
Co noyahuëꞌ nipisopita co tahuëri pochin nininsoꞌ nohuantopihuëꞌ. Aꞌpininquë aꞌninquëchin huanicaisoꞌ co nohuantopihuëꞌ. Tahuëri nipachina, maꞌsha co noya nipisohuëꞌ quënanëꞌ.
Canpitasoꞌ piyapiꞌsaꞌ co noꞌhuirinënquëmahuëꞌ. Caso nipirinhuëꞌ noꞌhuirinaco. “Co noyahuëꞌ ninamaꞌ,” itërahuëso marëꞌ noꞌhuirinaco.
