Proverbios 13:8 - Chayahuita (Shahui)

⁸ Isoroꞌpaꞌ marëꞌ maꞌhuansoꞌ, coriquinën quëran nanitërin chaꞌëcasoꞌ. Popriyaso napoaponahuëꞌ, co aquëtë huarëꞌ pinosapihuëꞌ.

Proverbios 13:8 ပူးပေါင်းရင်းမြစ်များ

2 Reyes 24:14

Naporahuaton Quirosarinquë yaꞌhuëpisopita, yaꞌipi pochin quiquirin. Huaꞌanoꞌsa nipisopita, noya noya sontaroꞌsaꞌ, maꞌsha ninaꞌpiroꞌsaꞌ, huaꞌna camayoroꞌsaꞌ, inapita. Yaꞌipiya quëran shonca huaranca yaꞌpi pochin quëpapi. Caraya pochin piyapiꞌsa Cota huëntonquë quëparitopi. Saꞌa saꞌahua nipisopitaráchin patopi. Naporoꞌ Coaquin copirnontaꞌ, aꞌshinë chachin quëpapi. Saꞌinpita, huaꞌanoꞌsaꞌ, maꞌhuanoꞌsaꞌ, yaꞌipi inapita Quirosarin quëran Papironiaꞌpaꞌ quëpapi. Canchisë huaranca sontaroꞌsa míso ahuëtopiráchin quëpapi. Maꞌsha ninaꞌpiroꞌsaꞌ, huaꞌna camayoroꞌsa inapitantaꞌ, huaranca icanpi.

2 Reyes 25:12

Inapotahuatonaꞌ, caraíchin pochin patopi huachi. Saꞌahua nipisopita, nosorotapisopita, inapitaíchin pataantapi. Oparoroꞌsaꞌ, iminoꞌsaꞌ, inaquëpita sacatacaiso marëꞌ patopi.

Copo naporinso' 2:4

Siniorori napotopirinhuëꞌ, inariso itaantapon: —Maꞌshanënpita ayatopiranhuëꞌ, inaora chachinso co maꞌsha onpotëranhuë niꞌton, ina pochin cancantarin.

Proverbios 13:7

Aꞌnaquën maꞌhuan pochin yaꞌnoponaraihuëꞌ, co manta yaꞌhuëtopihuëꞌ. Aꞌnaquëontaꞌ, popriya pochin yaꞌnoponaraihuëꞌ, co manta pahuantopihuëꞌ.

Proverbios 13:9

Noya nipisopitasoꞌ, aꞌpiánahuaninso pochin nisapi. Co noyahuëꞌ nipisopitaso nipirinhuëꞌ, nanparin tacopirinso pochin nisapi.

Mateo 16:26

Yaꞌipi maꞌsha isoroꞌpaquë yaꞌhuërinsopita canapiramahuëꞌ, co huaꞌyanëmaꞌ chaꞌëpachinhuëꞌ topinan quëran nisarin. ¡Onpontaꞌ pahuërëtapiramahuëꞌ, co huachi huaꞌyanëmaꞌ nanitarinhuëꞌ chaꞌëcasoꞌ!

Lucas 12:23

Yosë chachin ananpirinpoaꞌ. Nonënpoaꞌ quëtërinpoaꞌ. Co capacaso marëáchin isoroꞌpaquë acorinpoahuëꞌ. Noyápiachin aꞌmocasontaꞌ co onpopinchin yonquicasoꞌ yaꞌhuërinhuëꞌ. Yosë naꞌcon naꞌcon yonquihuatëhuaꞌ, catahuarinpoaꞌ noya yaꞌhuëcasoꞌ.