Proverbios 13:4 - Chayahuita (Shahui)

⁴ Chirotëso maꞌsha nohuantopirinhuëꞌ, co sacatërinhuëꞌ niꞌton, co yaꞌhuëtërinhuëꞌ. Sacaton nipachinasoꞌ, noya yaꞌhuëaponaꞌ.

Proverbios 13:4 ပူးပေါင်းရင်းမြစ်များ

Génesis 26:32

Naporo tahuëri chachin, Isaco piyapinënpitari huëꞌsahuatonaꞌ, shaꞌhuitiipi: “Poso ihuaráraisoꞌ, nani iꞌsha quënanai,” itiipi.

Proverbios 13:3

Noya yonquiatë nonpatëra, noya niaꞌpairëso pochin ninëhuaꞌ. Macatë macatë nonpatërasoꞌ, canpora chachin maꞌsha onpocasoꞌ yonisarëhuaꞌ.

Proverbios 13:5

Piyapi noya nipachinsoꞌ, nonpinacasoꞌ co paꞌyatërinhuëꞌ. Co noyahuëꞌ nipisopitaso nipirinhuëꞌ, taparo nicatona nahuinaponaꞌ.

Proverbios 20:4

Shaꞌto tahuëri nipirinhuëꞌ, chirotëso co shaꞌtërinhuëꞌ. Macacaso tahuëriꞌsa huarëꞌ yonípirinhuëꞌ, co quëtaponahuëꞌ.

Proverbios 6:6

Aꞌnaquëmasoꞌ, chiroconamaꞌ. Paatoma canpitaso nipi niꞌconcoꞌ. Maꞌpitaso nisarinso nicatomaꞌ, cancan macoꞌ.

Proverbios 8:34

Aꞌpaitonaꞌpisoꞌ, nani tahuëri yaꞌcoana aꞌpairin. Inso tëranta noya natanatonco ina pochin cancantohuachinco, tëhuënchachin capa cancantapon.

Isaías 58:11

Carima noꞌtën ira quëpatáponquëmaꞌ. Co piyapi yaꞌhuërinquëhuë niponahuëꞌ, natëaquë huarëꞌ aꞌcaponquëmaꞌ. Ca nohuanton chiníquën nisaramaꞌ. Yancoroꞌ noyá oporapitërëso pochin nisaramaꞌ. Huinan co yanirinsohuë pochin nisaramaꞌ.

Números 23:10

Amocan tomontërinso pochin, co onpo pichichináchinhuëꞌ naꞌapi. Onposo yaꞌhuëpisoꞌ, co insonta nitotërinhuëꞌ. Inahuaso noyasáchin nipi niꞌton, noyasha chiminaponaꞌ. Inahua pochin cantaꞌ, chiminahuë naporini, noya noya cancanchitohuëꞌ, tënahuë,” itërin.

Juan 6:27

Cosharomia aꞌnaroáchin chanatërin. Ama inasáchin nohuantocosohuëꞌ. Cosharo pochin nininsoꞌ yaꞌhuërin. Cancanëma marëꞌ quëtaranquëmaꞌ. Ina co onporontaꞌ chanatarinhuëꞌ. Yaꞌhuëtohuachinquëmaꞌ, Yosë nohuitatomaꞌ nanpimiatarama. Ina naꞌcon naꞌcon yonquicoꞌ. Yosë quëran quëmapico niꞌto, quëtaranquëmaꞌ. Ina marëꞌ Tata Yosë acorinco. Ina nohuanton, nani maꞌsha nanitaparahuë nohuitamacoso marëꞌ, itërin.

Hebreos 6:11

Chiníquën cancantatomaꞌ, yaꞌipinquëmaꞌ imamiatocoꞌ. “Yosë co naniantarinpoahuëꞌ. Aꞌna tahuëri yaꞌhuërinꞌpaꞌ quëpantarinpoaꞌ,” taꞌtomaꞌ, chiminaquë huarëꞌ nóya imacoꞌ.