21-25 (-)
Noya ninan naporini, noya cancanchitonhuëꞌ. Nipirinhuëꞌ, co nohuantëranhuëꞌ noya nicacaso niꞌquëhuarëꞌ, co noyahuëꞌ nisápaso marëꞌ oshanën minsëarinquën. Ina nipirinhuëꞌ, noya nipatan, nanitëran ina minsëcasoꞌ,” itërin.
Inpioroꞌsasoꞌ, naꞌcon parisitaponaꞌ. Sinioro ninarëhuasopitaso nipirinhuëꞌ, canopiaꞌhua soꞌquëtërëso pochin nitatonpoaꞌ, nosoromiatërinpoaꞌ.
Camairinënquënso co natëhuatanhuëꞌ, parisitamaso yaꞌhuërin. Natëhuatanso nipirinhuëꞌ, canacamaso quënaanan.
Naquëimirarinsoꞌ, yaꞌhuëhuanoꞌsari niꞌpi. “Iso quëmapi tëpatonaꞌpi ipora. Napoaton yosëroꞌsaꞌ nohuanton, maꞌsha onpoarin iꞌhuërëtacaso marëꞌ. Marë quëran chaꞌëponahuëꞌ, chimianin,” nitopi.
