Proverbios 13:20 - Chayahuita (Shahui)

²⁰ Yonquínahuanoꞌsarëꞌquën nipayapatan, yonquínahuan nisaran. Co noyahuëꞌ yonquipisopitarëꞌquën nipayapatan, nitapicancanaran.

Proverbios 13:20 ပူးပေါင်းရင်းမြစ်များ

Génesis 14:12

Sotomaquë, Apran apin Notontaꞌ, yaꞌhuërin niꞌton, inanta quëpapi. Yaꞌipi maꞌshanënpitarë chachin quëpapi.

1 Reyes 12:8

Napotopirinahuëꞌ, inariso co natërinhuëꞌ. Co natëtonhuëꞌ, aꞌnapita huaꞌanoꞌsa co masho nipisopitahuëꞌ amatërin. Huëꞌpachinara, inahuanta ina chachin natanin. Natanpachina, inahuariso itaponaꞌ: —Ama huachi coꞌchachin asacatocoisohuëꞌ. Naporahuaton pahuërëtaꞌhuaiso nininsontaꞌ, aꞌpamaquëꞌ, itërinën. Napotërinënsopita, iso pochin shaꞌhuitëquëꞌ: “Tatahuësoꞌ chiníquën asacatërinquëmaꞌ. Carimaso nipirinhuëꞌ, chini chiníquën asacataranquëmaꞌ. Naꞌcon pahuërëtacasoꞌ camairinquëmaꞌ. Caso nipirinhuëꞌ, naꞌcon naꞌcon pahuërëtamasoꞌ camaiaranquëmaꞌ. Inasoꞌ, sintoron quëran ahuihuitërinquëmaꞌ. Carimaso nipirinhuëꞌ, huaꞌnaraꞌhuaquë motoanpinan huihuitiinanquë, ahuihuitaranquëmaꞌ,” itëquëꞌ, itopi.

1 Reyes 22:32

Napotohuachina inapitasoꞌ, Cosahuato quënanpi: “Iso mini Israiro copirno,” taꞌtona tancapitopi. Inapotohuachinara, inaso “yai,” tënin.

1 Reyes 22:4

Napotahuaton, Cosahuatonta natanin: —Siria sontaroꞌsa Namotoquë yaꞌhuëapi. ¿Coꞌtama quëmanta inapita ahuëaꞌhuaiso catahuaponcoihuëꞌ to? itërin. —Quëma topatan, catahuainquën nipachin. Sontaronëhuëpita ira paꞌtopisoꞌ, cahuarioquë paꞌpisoꞌ, inapitanta quëma sontaronënpita catahuararin.

Proverbios 13:19

Nohuantërëhuaso chachin yaꞌhuëtohuachinpoaꞌ, acapacancaninpoaꞌ. Co noyahuëꞌ yonquipisopitaso nipirinhuëꞌ, co nohuantopihuëꞌ co noyahuëꞌ nipiso aꞌpocaisoꞌ.

Proverbios 7:27

Ina sanapi pëinënquë pacacasosoꞌ, chimipiroꞌsa yaꞌhuërinquë ira paꞌninso pochin ninin.

Malaquías 3:16

Sinioro noya nicatona natëpisopitasoꞌ, Sinioro naporinso natanpi. Ina natanatonaꞌ, niachinicancanacaiso marëꞌ noya ninontopi. Napopiso Sinioronta noya natanaton, nininëna aꞌna quiricaquë aninshitërin: “Isopitasoꞌ, paꞌyatërinaco. Naporahuatonaꞌ, noya nicatonaco natërinaco. Ina marëꞌ, co onporontaꞌ naniantacaso yaꞌhuërinhuëꞌ,” tënin aninshitaton.

Hechos 2:42

Caꞌtanoꞌsa aꞌchinpachinara, paꞌyatopi natanacaisoꞌ. Noya natanatonaꞌ, natëpi. Noya niniꞌtonaꞌ, yaꞌhuërapi. Quisoso chimininsoꞌ yonquiatonaꞌ, coshatapatapi. Naporahuatonaꞌ, apira apira Yosë nontapi.

Hebreos 10:24

Aꞌnapitantaꞌ yonquiaꞌahuaꞌ. Naꞌcon nosoroatëhuaꞌ, catahuahuaꞌ inahuantaꞌ noya ninosorocaiso marëꞌ. Nipënëahuanꞌ noya nicacaso marëꞌ.

Apocalipsis 18:4

Ina topachina, inápa quëran aꞌnari itërin: —Yaꞌipi imaramasopita pënënaranquëmaꞌ, natanco. Niꞌcona papironiaroꞌsaꞌ anishacancantochinënquëmaꞌ. Ina quëran pipiramaso pochin nicatomaꞌ, ama inapita pochin cancantocosohuëꞌ. Co noyahuëꞌ nipatamaꞌ, Yosë anaꞌintarinquëmaꞌ canpitantaꞌ.