Proverbios 13:16 - Chayahuita (Shahui)

¹⁶ Yonquínahuansoꞌ, noya yonquiaton maꞌsha ninin. Co yonquinahuanso nipirinhuëꞌ, tëhuëaponahuëꞌ co tapaninhuëꞌ.

Proverbios 13:16 ပူးပေါင်းရင်းမြစ်များ

Proverbios 15:2

Yonquinahuanoꞌsa nonpachinara, natanpisopitasoꞌ yonquínahuan nicaponaꞌ. Co yonquinahuanoꞌsahuëꞌ nonpachinara, anishacancantapi.

Isaías 52:13

Sinioro chachin naporin: “Niꞌcoꞌ. Piyapinëhuë maꞌpitaso nipachin, noya pipitarin. Cari chachin noya nicato, noya noya acoarahuë.

Mateo 10:16

Ina quëran itaantarin: “Niꞌcoꞌ iyaroꞌsaꞌ. Ohuicaroꞌsaꞌ co nanitopihuëꞌ niaꞌpaicaisoꞌ. Aꞌnaroáchin huëntonën niꞌniroꞌsari mapi. Aꞌchintohuatamaꞌ, aꞌnaquën piyapiꞌsaꞌ niꞌniroꞌsa pochin cancantatonaꞌ, noꞌhuiarinënquëmaꞌ. Napoaton noya yonquicoꞌ. Noꞌhuipirinënquëmaontaꞌ, ama noꞌhuicosohuëꞌ. Noya cancantatomaꞌ, sanoanan quëran nontocoꞌ.

Romanos 16:19

Canpitaso nipirinhuëꞌ noya natëramaꞌ niꞌton, yaꞌipi piyapiꞌsaꞌ natantopi. Ina marëꞌ noya cancantërahuë. Naꞌcon yonquicoꞌ noya nicacamaso marëꞌ. Ama oshahuanamaso marëꞌ yonquicosohuëꞌ.

1 Corintios 14:20

Canpitasoꞌ iyaroꞌsaꞌ chinotonoꞌsa pochin yonquicoꞌ. Ama huaꞌhuaroꞌsa pochin yonquicosohuëꞌ. Napoaponahuëꞌ, huaꞌhuaroꞌsa pochin noyápiachin cancantatomaꞌ, noyasáchin nicoꞌ. Inapitasoꞌ co yonquiyatërapihuëꞌ oshahuanacaisoꞌ.

Efesios 5:17

Ama topinan quëran yaꞌhuëcosohuëꞌ. Yosë nohuantërinsoꞌ nitotatomaꞌ, natëcoꞌ.