Proverbios 1:7 - Chayahuita (Shahui)

⁷ Yonquínahuan nicamasoꞌ nohuantohuatamaꞌ, Sinioro noya nicatoma natëcoꞌ. Co yonquínahuanhuëꞌ nipachinara, yonquínahuan yonquipisopita nocanpi. Co aꞌchintacaiso tëranta paꞌyatopihuëꞌ.

Proverbios 1:7 ပူးပေါင်းရင်းမြစ်များ

Proverbios 1:22

“Aꞌnaquëmasoꞌ, co chinoton yonquiátëraramahuëꞌ. ¿Onporo huarëta co chinotonhuëꞌ yonquiramaso naniantapomaꞌ? Aꞌnaquëmantaꞌ, narinatoma tëhuacamasoráchin cancantaramaꞌ. ¿Onporo huarëta ina pochin cancantëramaso aꞌpoapomaꞌ? Apínapichin yonquiramasopitantaꞌ, ¿Onporo huarëta nitoton nicacamaso nohuantapomaꞌ?

Proverbios 15:5

Co yonquinahuanhuëꞌ nipachin, co paꞌpini tëranta pënënaton anaꞌintacaso nohuantërinhuëꞌ. Noya natanpachinsoꞌ, yonquínahuan nisarin.

Romanos 1:28

Co Yosë yanatëpihuëꞌ niꞌton, inari aꞌporin co noyahuëꞌ nicacaiso marëꞌ. Nitapicancamiatopi.

Deuteronomio 4:6

Natëtatomaꞌ, ina inachachin nicoꞌ. Inapohuatamaꞌ, nisha nisha piyapiꞌsa naꞌcon nitotatoma yonquínahuanoꞌsa ninamasoꞌ, nitotapi huachi. Ina nitotohuachinaꞌ: ‘¡Ma noyacha inapitaso pënëntërinso nanan yaꞌhuëtopi paya! Napoaton naꞌcon nitotatonaꞌ, yonquínahuanoꞌsa nipi,’ tosapi.