Proverbios 1:5 - Chayahuita (Shahui)

⁵ Yonquínahuan nipisopitasoꞌ, pënëinpoaso marëꞌ ninshitopisoꞌ, paꞌyatapona natanacaisoꞌ. Inapoatonaꞌ, yonqui yonquínahuanoꞌsa nicaponaꞌ.

Proverbios 1:5 ပူးပေါင်းရင်းမြစ်များ

Proverbios 8:33

Noya yonquicaso marëꞌ aꞌchintohuachinënquëmaꞌ, noya natancoꞌ.

Eclesiastés 9:11

Isopitantaꞌ, isoroꞌpaquë niꞌnahuë: Taꞌapisopita nicanahuachinara, co chini chiníquën taꞌapisopitaráchin canatopihuëꞌ. Ahuëtohuachinarantaꞌ, co chiníquën cancantopisopitaráchin canatopihuëꞌ. Co yonquínahuan nipisopitaráchin cosharohuanpihuëꞌ. Co yonqui yonquicharapisopitaráchin maꞌhuanpihuëꞌ. Co nitotonoꞌsaráchin piyapiꞌsari noya niꞌpihuëꞌ. Yaꞌipinpoa capainchiaquë huarëꞌ noya ninëhuaꞌ.

1 Corintios 10:15

Canpitasoꞌ nitoyonquiramaꞌ. Shaꞌhuitëranquëmasoꞌ yonquicoꞌ noꞌtëquën nitotacamaso marëꞌ.

Deuteronomio 4:6

Natëtatomaꞌ, ina inachachin nicoꞌ. Inapohuatamaꞌ, nisha nisha piyapiꞌsa naꞌcon nitotatoma yonquínahuanoꞌsa ninamasoꞌ, nitotapi huachi. Ina nitotohuachinaꞌ: ‘¡Ma noyacha inapitaso pënëntërinso nanan yaꞌhuëtopi paya! Napoaton naꞌcon nitotatonaꞌ, yonquínahuanoꞌsa nipi,’ tosapi.