Proverbios 1:28 - Chayahuita (Shahui)

²⁸ Naporo huarëꞌ chinotatomaco përasaramaco. Cancantatomaco yonípiramacohuëꞌ, co huachi quënanaramacohuëꞌ.

Proverbios 1:28 ပူးပေါင်းရင်းမြစ်များ

Génesis 6:3

Napoaponahuëꞌ, Siniorori co costatonhuëꞌ tapon: “Co piyapiꞌsa yaꞌhuëmiatápaiso yaꞌhuërinhuëꞌ. Piyapi niꞌton, chiminacaiso yaꞌhuërin. Napoaton pasa cato shonca piꞌipiraꞌ, nanpiponaꞌ,” tënin.

Salmos 66:18

Co noyahuëꞌ yonquirahuë naporini, co Sinioro natëitoncohuëꞌ.

Proverbios 8:17

Nosororinacosopita, carinta nosororahuë. Inpitaso cancantohuachinaco, quënanarinaco.

Isaías 1:15

Nontamacoso marëꞌ anquihuatamara, co manta yaniꞌnanquëmahuëꞌ. Naꞌaro nontopiramacohuëꞌ, co natanaranquëmahuëꞌ. Naꞌcon tëpatërama niꞌton, huënaiꞌ imirasáchin pochin niꞌnanquëmaꞌ.

Jeremías 14:12

Onponta ayonapirinahuëꞌ, nontërinacoso co natanarahuëꞌ. Oshanëna marëꞌ onponta maꞌsha yaꞌipi ahuiquitopirinahuëꞌ, trico pochin nininsopitanta onponta quëshipirinacohuëꞌ, quëshirinacosopita co noya niꞌsarahuëꞌ. Nani yonquirahuë quira quëran, tanaro quëran, canio quëran, ina quëranpita ataꞌhuantaꞌhuasoꞌ,” itërinco.

Oseas 5:15

Ina quëran huaꞌquimiachin tananpitarahuë: ‘Oshahuanëhua niꞌton, Sinioro poꞌtërinpoaꞌ,’ taꞌcaihuarëꞌ catahuaantarahuë. Parisitatona co napion cancantohuachinaꞌ, oshanëna inquitaꞌhuaso marëꞌ yoníponaco,” tënin.

Oseas 5:6

Ohuicanënaꞌ, ohuacanënaꞌ, inapita tëparahuatonaꞌ, Sinioro chinotapona nipirinhuëꞌ, co quënanapihuëꞌ. Aꞌporin niꞌton, co quënanapihuëꞌ.

Amós 8:12

Napoatona piyapiꞌsa patë patë́rantaponaꞌ. Ca Sinioroco nonahuësoꞌ, yonitona napoaponaꞌ. Aꞌna marë quëran aꞌna marëꞌpaꞌ, norti parti quëran piꞌi pipirinso parti paponaꞌ. Napopirinahuëꞌ, co nanamëhuë natanapihuëꞌ.

Miqueas 3:4

Naporamaso marëꞌ aꞌna tahuëri maꞌsha onpoatoma nontaramaco. Nontopiramacohuëꞌ, co aꞌpaniaranquëmahuëꞌ. Paꞌpi co noyahuëꞌ ninamaso marëꞌ naꞌpitatë pochin nitaranquëmaꞌ,” itërin.

Santiago 4:3

Aꞌnaquëmaꞌ Yosë nontohuatamara, maꞌsha nipiramahuëꞌ, co quëtërinquëmahuëꞌ. Canpitaora nipaꞌyatacamaso marëꞌ maꞌsha nohuantëramaꞌ niꞌton, co quëtërinquëmahuëꞌ.

1 Samuel 8:18

Inapotohuachinënquëma aꞌna tahuëri co napion cancantaramaꞌ. Ina pochin ancantatomaꞌ, napotërinquëmaso marëꞌ Sinioro nontaramaꞌ. Naporo inasoꞌ, co tahuërëtarinquëmahuëꞌ, itërin.