Proverbios 1:15 - Chayahuita (Shahui)

¹⁵ Napotopirinënhuëꞌ, ¡ama huaꞌhua imatëquësohuëꞌ! Inahuasoꞌ, co noyahuëꞌ yonquiatona paꞌsapi. Yaꞌhuincananpiquëꞌ.

Proverbios 1:15 ပူးပေါင်းရင်းမြစ်များ

Salmos 1:1

Cancanënpoa quëran huarëꞌ Yosë imapatëhuaꞌ, noya niꞌsarinpoaꞌ. Ina marëꞌ tëhuënchachin noya cancantarihuaꞌ. Co noyahuëꞌ nipisopitasoꞌ, yaanishacancantërinënpoaꞌ. Yainapotohuachinënpoaꞌ, ¡ama natëahuasohuëꞌ! Oshahuanoꞌsa napopisoꞌ, ¡ama nonanapatahuasohuëꞌ! Aꞌnaquënsoꞌ, Yosë yatëhuapi. ¡Co inapita payacaso yaꞌhuërinhuëꞌ!

Salmos 119:101

Nanamën natëcaꞌhuaso marëꞌ co noyahuëꞌ ninahuësopita aꞌporahuë.

Proverbios 1:14

Huëquë napopináchin sacatahuaꞌ. Inaquëráchin coriquinta tapahuaꞌ,” itarinënquën.

Proverbios 13:20

Yonquínahuanoꞌsarëꞌquën nipayapatan, yonquínahuan nisaran. Co noyahuëꞌ yonquipisopitarëꞌquën nipayapatan, nitapicancanaran.

Proverbios 24:1

(-)

Proverbios 3:31

Ama ahuëtonoꞌsaꞌ noyapaquësohuëꞌ. Ama co noyahuëꞌ nininsoꞌ, nonanquësohuëꞌ.

Isaías 33:15

Aꞌnaquën noꞌtëquënáchin yonquiatonaꞌ, noꞌtëquënáchin nonpi. Co piyapiꞌsa maꞌsha onpotatona maꞌhuanpihuëꞌ. Maꞌsha yanicanapirinahuë tërantaꞌ, noꞌtëquën anaꞌintopi. Tëpatacaso marëꞌ shaꞌhuitopirinahuëꞌ, co nohuantopihuëꞌ. Co noyahuëꞌ nicacaisoꞌ, co piꞌpian tëranta yonquipihuëꞌ. Napopisopitasoꞌ, noya yaꞌhuëaponaꞌ. Natëtëanaroꞌsaquë yaꞌcopiinamën acorinso pochin nisapi. Cosharoꞌ, oꞌoi, inapita co pahuantapihuëꞌ.

Jeremías 14:10

Israiroꞌsa yonquiaton Sinioro tapon: “Canpitasoꞌ nisha nisha mamanshi mosharama niꞌton, co noyahuëꞌ niꞌnanquëmaꞌ. Napoaton oshanëma yonquiato anaꞌintaranquëmaꞌ,” tënin.

2 Corintios 6:17

Ina quëran Siniorori itantarin: “Aꞌnaquën co noyahuëꞌ cancantohuachinaꞌ, ama inapitarëꞌquëmaꞌ nipayacosohuëꞌ. Co noyahuëꞌ yonquipisoꞌ tananpitocoꞌ. Inapotohuatamaꞌ, noya niꞌsaranquëmaꞌ.