Proverbios 1:10 - Chayahuita (Shahui)

¹⁰ Oshahuanoꞌsa yanonpintohuachinquën, ama piꞌpian tëranta natëquësohuëꞌ.

Proverbios 1:10 ပူးပေါင်းရင်းမြစ်များ

Génesis 37:20

Huëco tëpaꞌahuaꞌ. Inapotatëhua poso yaninantëquë poꞌmoaꞌahuaꞌ. Ina quëran “paꞌpiniri caꞌnin,” itahuaꞌ. Inapotohuatëhuaꞌ, ¿naniintaꞌma huaꞌnarinsopita paꞌ? niitopi.

Salmos 1:1

Cancanënpoa quëran huarëꞌ Yosë imapatëhuaꞌ, noya niꞌsarinpoaꞌ. Ina marëꞌ tëhuënchachin noya cancantarihuaꞌ. Co noyahuëꞌ nipisopitasoꞌ, yaanishacancantërinënpoaꞌ. Yainapotohuachinënpoaꞌ, ¡ama natëahuasohuëꞌ! Oshahuanoꞌsa napopisoꞌ, ¡ama nonanapatahuasohuëꞌ! Aꞌnaquënsoꞌ, Yosë yatëhuapi. ¡Co inapita payacaso yaꞌhuërinhuëꞌ!

Proverbios 13:20

Yonquínahuanoꞌsarëꞌquën nipayapatan, yonquínahuan nisaran. Co noyahuëꞌ yonquipisopitarëꞌquën nipayapatan, nitapicancanaran.

Isaías 33:15

Aꞌnaquën noꞌtëquënáchin yonquiatonaꞌ, noꞌtëquënáchin nonpi. Co piyapiꞌsa maꞌsha onpotatona maꞌhuanpihuëꞌ. Maꞌsha yanicanapirinahuë tërantaꞌ, noꞌtëquën anaꞌintopi. Tëpatacaso marëꞌ shaꞌhuitopirinahuëꞌ, co nohuantopihuëꞌ. Co noyahuëꞌ nicacaisoꞌ, co piꞌpian tëranta yonquipihuëꞌ. Napopisopitasoꞌ, noya yaꞌhuëaponaꞌ. Natëtëanaroꞌsaquë yaꞌcopiinamën acorinso pochin nisapi. Cosharoꞌ, oꞌoi, inapita co pahuantapihuëꞌ.

Romanos 16:18

Quisocristosoꞌ huaꞌanënpoaꞌ nipirinhuëꞌ, co inapitarisoꞌ natëpihuëꞌ. Inahuara nohuantopisoráchin yonquipi. Noyasha nonaponaraihuëꞌ, co noꞌtëquën nonpihuëꞌ. Co noya nitotopiquëhuëꞌ aꞌchintohuachinara, aꞌnaroáchin nonpintopi.

Efesios 5:11

Aꞌnaquën tashi pochin cancantatonaꞌ, co noyahuëꞌ nipi. Topinan quëran yaꞌhuërapi niꞌton, ama inapita pochin cancantocosohuëꞌ. Noꞌtëquën shaꞌhuitocoꞌ co noyahuëꞌ nipisopita naniantacaiso marëꞌ.