Oseas 6:6 - Chayahuita (Shahui)

⁶ Chinotatomaco maꞌsha tëpamasoꞌ, co onpopinchin nohuantërahuëꞌ. Nosoroamacosoꞌ tëhuënchinsoꞌ, naꞌcon naꞌcon nohuantërahuë. Oshanëma marënta maꞌsha tëparahuatoma yaꞌipi ahuiquitamasoꞌ, co onpopinchin nohuantërahuëꞌ. ‘Inasoꞌ Yosë niꞌton, natëaꞌhuaiso yaꞌhuërin,’ taꞌcamaso naꞌcon naꞌcon nohuantërahuë,” itërinquëmaꞌ.

Oseas 6:6 ပူးပေါင်းရင်းမြစ်များ

Isaías 58:6

Ama ina pochin yonquicosohuëꞌ. Co ina pochin ayono nicacaso yaꞌhuërinhuëꞌ. Noya nicaꞌhuanquëmaso marëꞌ ayonahuatamaꞌ, isopocoꞌ: Noꞌtëquënáchin yonquirapitomaꞌ, aꞌnapitanta noya niꞌcoꞌ. Co manta onpopirinahuëꞌ catinaquëtohuachinaꞌ, parisitopi. Inapita pochin nitopisopita, iꞌshiritatë pochin nitocoꞌ. Toro asacatohuachinara, onquinënquë nara oyontopi. Ina tonpotopisoꞌ iꞌshiritatë pochin, piyapiꞌsa inapo aparisitapisoꞌ, nichaꞌëcoꞌ. Ama huachi noꞌhuitatoma piyapiꞌsa inapo aparisitocosohuëꞌ.

Jeremías 7:22

Napopiramahuëꞌ, Iquipito quëran shimashonëmapita ocoiapo, maꞌsha ca marëꞌ tëparahuatona aꞌnaquën yaꞌipi ahuiquitacaisoꞌ, aꞌnaquëonta tomaquën ahuiquitacaisoꞌ, inapita nicacaisoꞌ, co camairahuëꞌ.

Daniel 4:27

Napoaton carinquën pënëinquën: Noꞌtëquënáchin nicaton, ama huachi aquëtë oshahuaantaquësohuëꞌ. Co noyahuëꞌ ninansopitanta aꞌporahuaton, popriyatopisopita catahuacaso cancantëquëꞌ. Tapona inaporanso marëꞌ noya yayaꞌhuërápiranhuëꞌ,” itërinco.

Oseas 4:1

Israiroꞌsanquëmaꞌ. Sinioro naporinso natancoꞌ: “Iso noꞌpaquë yaꞌhuëpisopita paꞌpi co noyahuëꞌ nipi. Isëquësoꞌ, co noꞌtëquën ninosoropihuëꞌ. Nisha nisha cancantopi. Caso Yosëco nipirahuëꞌ, co nohuitërinacohuëꞌ. Nonpiáponaraihuëꞌ, ‘Yoscoarëꞌ,’ niitopi. Apira apira nitëpapi, niihuapi, nitëhuananpitopi, paꞌpi noꞌhuitërayaroꞌsa nipi, napopi.

Amós 5:21

Naquëranchin Sinioro taantarin: “Chinotamacoso marëꞌ pita ninamasopita, co quëꞌyarahuëꞌ. Niyontonpatamara paꞌyápiro nipiramahuëꞌ, co costarincohuëꞌ.

Miqueas 6:6

Canpitaso naporamaꞌ: “Siniorosoꞌ, Yosë. Inápaquë yaꞌhuërinsopitanta huaꞌanëntërin. Ina noya nicainpoaso marëꞌ ¿maꞌta aꞌnotatëhua chinotërëꞌpëhuaya? Toroaꞌhuaroꞌsa aꞌna piꞌipihuaninso oshanënpoa marëꞌ yaꞌipi ahuiquitohuatëhuaꞌ, ¿noya niꞌnëpënpoaꞌ?

Miqueas 6:8

Napopiramahuëꞌ, co inapita Siniorosoꞌ nataninquëmahuëꞌ. Nani inaso maꞌsona nicacasoꞌ shaꞌhuitërinpoaꞌ. Piyapiꞌsa nosoroatëhua paꞌpoyacaso yaꞌhuërin. Maꞌsona nicacasoꞌ shaꞌhuihuatëra, ananicaso yaꞌhuërin. Naporahuaton: “Caora co nanitërahuë noya nicaꞌhuasoꞌ,” taꞌtëhuaꞌ, Sinioroíchin natëcaso yaꞌhuërin.

Mateo 12:7

Yosë chachin naporin: “Piyapiꞌsaꞌ nosorocamasoꞌ naꞌcon naꞌcon nohuantërahuë. Maꞌsha oshanëma marëꞌ tëparahuatoma yaꞌipi ahuiquitamasoꞌ, co onpopinchin nohuantërahuëꞌ,” tënin quiricanënquë. Nontopiramahuëꞌ, co natantochináchinhuëꞌ cancantëramaꞌ. Noꞌtëquën yonquiramaꞌ naporini, co topinan quëran shaꞌhuirapiitomahuëꞌ.

Mateo 5:7

Aꞌnapita nosorohuatamaꞌ, Yosë nosoroarinquëmaꞌ canpitantaꞌ. Noya cancantaramaꞌ.

Mateo 9:13

Oshahuanoꞌsaꞌ pënënaꞌhuaso marëꞌ oꞌmarahuë. “Co noyahuëꞌ yonquiramasopita naniantatomaꞌ, Yosë chachin tahuërëtantacoꞌ,” itërahuë. Aꞌnapitasoꞌ: “Quiyasoꞌ co oshahuancoihuëꞌ,” topiso marëꞌ co naꞌcon aꞌchintërahuëꞌ. Paatomaꞌ, Yosë quiricanën noya nitotocoꞌ noꞌtëquën yonquicamaquë. Inaquë iráca ninshitopi: “Aꞌnaquën topinan quëran chinotatonaco oshanëna marëꞌ maꞌsha tëpapirinahuëꞌ, co aꞌnapita nosoropihuëꞌ. Nosorotacasoꞌ naꞌcon naꞌcon nohuantërahuë,” tënin Yosë, itërin Quisosori.

Marcos 12:33

Yaꞌipi cancanënpoa quëran, yaꞌipi yonquinënpoa quëran, yaꞌipi chinirëhua quëran, yaꞌipi inaquëranpita nosoromiatacasoꞌ yaꞌhuërin. Naporahuaton, canpoara ninosororëso pochachin aꞌnapitantaꞌ nosorocasoꞌ yaꞌhuërin. Iráca Moisësë pënëninpoaꞌ. “Yosë yachinotohuatamaꞌ, oshanëma marëꞌ maꞌsha tëpatomaꞌ, ahuiquitocoꞌ,” itërinpoaꞌ. Inapopirëhuahuëꞌ, co Yosë nosorohuatëhuahuëꞌ, co piyapiꞌsantaꞌ nosorohuatëhuahuëꞌ, Yosësoꞌ co onpopinchin noya niꞌsarinpoahuëꞌ, itërin.

1 Juan 2:3

Yosë nohuitohuatëhuaꞌ, pënëninpoasoꞌ natëarëhuaꞌ. Noꞌtëquën natëcasoꞌ nohuantarihuaꞌ. Ina natëhuatëhuaꞌ, tëhuënchachin Yosë nohuitërëhuaꞌ.

1 Juan 3:6

Tëhuënchachin imapatëhuaꞌ, nóya nisarëhuaꞌ. Co paꞌyatarihuahuëꞌ oshahuanacasoꞌ. Nani tahuëri co noyahuëꞌ nipatëhuaꞌ, co Yosë nohuitërëhuahuëꞌ. Co yaꞌcoancantërinpoahuëꞌ.

1 Samuel 15:22

Napotohuachina Samoirori itapon: “Maꞌsha Sinioro marëꞌ tëpatona piꞌpian ahuiquitacaisoꞌ, noya. Yaꞌipi ahuiquitacaisontaꞌ, noya. Sinioro camaitërinso natëcasoso nipirinhuëꞌ, noya noya. Maꞌsha Sinioro marëꞌ tëpatona piꞌpian ahuiquitacaisoꞌ, noya. Carniro tomaquën ahuiquitasontaꞌ, noya. Camaitërinso noya natanatë natëcasoso nipirinhuëꞌ, noya noya.