Oseas 5:3 - Chayahuita (Shahui)

³ Iprain huënton israiroꞌsantaꞌ, nohuitërahuë. Yaꞌipi israiroꞌsa nohuitërahuë. Iprain israiroꞌsanquëmaꞌ. Canpitaso aꞌporahuatomaco mamanshiráchin mosharamaꞌ. Yaꞌipi israiroꞌsanquëmanta oshahuanatomaꞌ, aꞌmoramaso tapiatë pochin cancanëma tapiramaꞌ,” itërin.

Oseas 5:3 ပူးပေါင်းရင်းမြစ်များ

Isaías 7:16

Ina huaꞌhuasha coꞌhuara chinotoaꞌhua nishátërasohuëꞌ, ipora cato copirnoroꞌsa aꞌpayaninquënsopita noꞌpanënaꞌ, ataꞌhuantapona huachi.

Isaías 7:17

Sinioro nohuanton quëmanta tahuëri cantiarinquën. Piyapinënpitanta cantiipon. Quëmá quëran pipipisopitanta cantiarin. Iráca shimashonëmapita israiroꞌsarë niaꞌpopiso pochachin paꞌpi parisitamasoꞌ cantiarinquëmaꞌ. Naporosoꞌ, Asiria copirno quëran napoaramaꞌ.

Oseas 1:2

Siniorori Osiasë yaꞌnan camaiapon: “Yaꞌipi israiroꞌsa aꞌporahuatonaco, soꞌina tëhuananpitopiso pochin nitërinaco. Napoaton quëmanta inapita aꞌchintaꞌhuaso marëꞌ, aꞌnara sanapi maquëꞌ. Ina masahuaton huiꞌnahuanquëꞌ. Inaso napoaponahuëꞌ, mananso piquëran tëhuananpitarinquën. Napoaton inaquë huiꞌnahuanansopitasoꞌ: ‘Monshihuantë sanapi huaꞌhuinpita,’ itaponaꞌ,” itërin.

Oseas 13:1

(-)

Oseas 13:5

Inotëro parti huëcasënquëmaꞌ, aꞌpairanquëmaꞌ. Inaquëso paꞌpi chiníquën piꞌi piꞌcatopirinhuëꞌ, aꞌpairanquëmaꞌ.

Oseas 5:11

Iprain huënton israiroꞌsasoꞌ, inimiconënpitari aparisitápi. Inapotápi niꞌton, co huachi chiníquën cancantopihuëꞌ. Mamanshiráchin cancantopisoꞌ, co aꞌpopihuëꞌ niꞌton, inapotápi.

Oseas 5:13

Israiroꞌsa paꞌpi caniaꞌpi pochin acorahuësoꞌ niniꞌsapi. Cota huënton israiroꞌsantaꞌ, apipiso pochin nipisoꞌ, niniꞌsapi. Napohuachina inapitasoꞌ, Asiria copirnori catahuacaso marëꞌ pahuaponaꞌ. Inasoꞌ, chiníquën nanantopirinhuëꞌ, caniopiso pochin nipisoꞌ co anoyatarinhuëꞌ. Apipiso pochin nipisontaꞌ, co anoyatarinhuëꞌ.

Oseas 5:9

Israiro nacion huëntonënpitaquë, tëhuënchachin napoarinso shaꞌhuitaranquëmaꞌ. Anaꞌintacaso tahuëri nanihuachin, Iprain huënton noꞌpanënaꞌ, ataꞌhuantaponaꞌ.

Oseas 6:4

Napopiramahuë Siniorosoꞌ: “Iprain huënton israiroꞌsanquëmaꞌ, Cota huënton israiroꞌsanquëmaꞌ, ¿Maꞌcha onpotatënquëma anoyachinquëma nicaya? Canpita nosororamacosoꞌ, co huaꞌquiarinhuëꞌ. Tashiramiachin chitoro iꞌcopihuachina, co huaꞌquirinhuëꞌ. Poroncayonta shipihuanpachina, aꞌnaroáchin yanirin. Inapita napopiso pochin nosororamacosoꞌ nisarin.

Amós 3:2

“Isoroꞌpaquë nisha nisha nacionoꞌsa yaꞌhuëpirinhuëꞌ, canpitasáchin huayonanquëmaꞌ. Inapotopiranquëmahuëꞌ, co noyahuëꞌ ninama niꞌton, anaꞌintaꞌhuanquëmaso yaꞌhuërin.

Amós 5:12

Paꞌpi co noyahuëꞌ ninamasopita caso nitotërahuë. Oshahuanamasontaꞌ, co pichinahuanhuëꞌ niconin. Noya nipisopita ihuaramaꞌ. Maꞌhuanoꞌsa pahuërëhuachinquëmara, co huachi noꞌtëquën anaꞌintëramahuëꞌ. Coisëroꞌsanta maꞌhuanoꞌsa catahuapi niꞌton, popriyaroꞌsara anaꞌintopi.

Deuteronomio 33:17

Toro yaꞌnan huiꞌnahuaninsoꞌ, noya noyatërin. Tanan ohuacanta chini chiníquën ninin. Inapitasoꞌ pomonëna quëran patatatonaꞌ, chinitërinsopita aꞌpapi. Inapita pochin Cosi huiꞌninpita huëntonoꞌsa nisapi. Huaꞌhuayátërahuë sontaroꞌsa Iprain huëntonquë yaꞌhuapon. Mamasisi huëntonquënta napoapon. Yaꞌipi nisha nisha piyapiroꞌsa minsëaponaꞌ. Isoroꞌpaꞌ nanirinquë huarëꞌ aꞌpaponaꞌ,” tënin.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.

Apocalipsis 3:15

Casoꞌ nohuitëranquëmaꞌ. Yaꞌipi ninamasopitantaꞌ nitotato, co noya niꞌnanquëmahuëꞌ. Niꞌcoꞌ. Tëꞌnaiꞌ noyápiachin oꞌorëꞌ. Ahuaihuatërantaꞌ, yashin oꞌorëꞌ. Co noya huairinsohuëꞌ nipirinhuëꞌ oꞌopatëra, amirotërëꞌ, topi. Inapochachin niꞌnanquëmaꞌ. Aꞌnaquën noya ahuairëso pochin noya imarinaco. Canpitantaꞌ noya imaramaco naporini, noya niꞌitënquëmahuëꞌ. Aꞌnaquëontaꞌ tëꞌnai pochin nipi. Co nitochátërapihuëꞌ niꞌton, nosororahuë.