Oseas 5:15 - Chayahuita (Shahui)

¹⁵ Ina quëran huaꞌquimiachin tananpitarahuë: ‘Oshahuanëhua niꞌton, Sinioro poꞌtërinpoaꞌ,’ taꞌcaihuarëꞌ catahuaantarahuë. Parisitatona co napion cancantohuachinaꞌ, oshanëna inquitaꞌhuaso marëꞌ yoníponaco,” tënin.

Oseas 5:15 ပူးပေါင်းရင်းမြစ်များ

Génesis 42:21

Napoaponahuëꞌ, inahua capini ninontopi: —Tëhuënchachin canpoasoꞌ iráca paꞌpi co noyahuëꞌ ninëhuaꞌ. Iyaꞌhua maꞌsha onpotohuatëhuara, nosorochináchin nontopirinpoahuëꞌ, co nosororëhuahuëꞌ. Co napion ancantërinso nicarihuarahuëꞌ, co tahuërëtërëhuahuëꞌ. Napoaton iporasoꞌ canpoantaꞌ, poꞌsarëhua huachi, nitopi.

Salmos 107:13

Napohuachinara, co napion cancantatonaꞌ, Yosë nontopi. Naporoꞌ inari nichaꞌërin.

Salmos 107:19

Napohuachinara, co napion cancantatonaꞌ, Yosë nontopi. Naporoꞌ inari nichaꞌërin.

Salmos 107:28

Napohuachinara, co napion cancantatona Yosë nontopi. Naporoꞌ inari nichaꞌërin.

Salmos 107:6

Napohuachinara, co napion cancantatonaꞌ, Yosë nontopi. Naporoꞌ inari nichaꞌërin.

Proverbios 8:17

Nosororinacosopita, carinta nosororahuë. Inpitaso cancantohuachinaco, quënanarinaco.

Jeremías 2:27

Nara nipirinhuëꞌ, ‘quëmaso tatahuëinquën,’ itëramaꞌ. Naꞌpinta nipirinhuëꞌ, ‘quëmasoꞌ mamahuëinquën,’ itëramaꞌ. Inapoatoma caso co huachi tahuërëtëramacohuëꞌ. Napoapomarahuëꞌ maꞌsha onpohuatamara: ‘¡Nichaꞌëcoi Sinioro!’ itaantaramaco.

Ezequiel 36:31

Naporoꞌ co noyahuëꞌ ninamasoꞌ, nishinahuën ninamasoꞌ, inapita yonquiatoma tapanapomaꞌ.

Oseas 3:5

Ina piquëran israiroꞌsasoꞌ, Yosë chachin tahuërëtaantaponaꞌ. Naporahuaton aꞌnara Tapi copirno shiin, copirnonëna nisarin. Tahuëri yanitiquirahuachin, Sinioro noya nicatonaꞌ, chinotapi. Inapotohuachina inarintaꞌ, noya nicaton catahuaantapon.

Oseas 5:6

Ohuicanënaꞌ, ohuacanënaꞌ, inapita tëparahuatonaꞌ, Sinioro chinotapona nipirinhuëꞌ, co quënanapihuëꞌ. Aꞌporin niꞌton, co quënanapihuëꞌ.

Miqueas 1:3

Inaso yaꞌhuërin quëran pipirahuaton, motopiroꞌsa aipi huëcapon.

Números 21:7

Napohuachinara, Moisësë paaparahuatona itaponaꞌ: —¡Maꞌhuantacha ninai paya! Sinioro noꞌhuitoi, quëmanta noꞌhuitënquën oshahuanai. Sinioro nontëquë yaꞌhuanoꞌsa aꞌpachincoi, itopi. Itohuachinara, Moisësëso Sinioro nontërin. Israiroꞌsa oshanën inquitaton, catahuantacaso marëꞌ nontërin.

Lucas 13:25

Aꞌna tahuëri huaꞌanëni yaꞌcoananën oncotarin huachi. Naporo huarëꞌ aipiran huanirahuatomaꞌ, yayaꞌconpiramahuëꞌ. “Iꞌsoatocoi Sinioro,” tosapiramahuëꞌ, co nohuantarinhuëꞌ. “Co nohuitëranquëmahuëꞌ. Co canpitasoꞌ piyapinëhuëpitanquëmahuëꞌ,” itarinquëmaꞌ.

Jueces 4:3

Capinsoꞌ, iscon pasa toronanoꞌsa huaꞌnamia quëran nipisoꞌ yaꞌhuëtërin. Naporahuaton cato shonca piꞌipi israiroꞌsa huaꞌanëntaton, paꞌpi aparisitërin. Nápo piꞌipi quëran huachi, catahuacaiso marëꞌ Yosë nontopi.