Oseas 5:14 - Chayahuita (Shahui)

¹⁴ Paꞌpiniꞌ, niirahuaton mapintërinso pochin israiroꞌsaꞌ, Cota huënton israiroꞌsaꞌ, inapita nitarahuë. Cari chachin paꞌsa paꞌsatërëso pochin aparisitarahuë. Inapotahuato patarahuë. Quëpatë pochin nipatontaꞌ, co insonta osërëtiincosoꞌ nanitarinhuëꞌ.

Oseas 5:14 ပူးပေါင်းရင်းမြစ်များ

Oseas 13:6

Napoaponahuëꞌ, naꞌcon naꞌcon cosharohuanahuatomaꞌ, nocantochináchin cancantëramaꞌ. Inapoatoma naniantëramaco.

Oseas 2:12

Monshihuantë sanapisoꞌ, monshinpitarëꞌ poꞌninso marëꞌ maꞌsha quëtopi. Inapochachin israiroꞌsantaꞌ: ‘Mamanshi catahuarincoi niꞌton, oparoroꞌsaꞌ, iquiraroroꞌsaꞌ, inapita noya noya yaꞌhuëtërincoi,’ toconpi. Napopiso marëꞌ ina oparoroꞌsaꞌ, iquiraroroꞌsaꞌ, inapita, ataꞌhuantarahuë. Tanan maꞌsharoꞌsari pëꞌyapon. Ina noꞌparoꞌsantaꞌ, pacananoꞌsa atarantapo.

Oseas 6:1

Canpitaso israiroꞌsanquëma naporamaꞌ: “Huëco yaꞌipinpoa Sinioro chachin chinotaantaꞌahuaꞌ. Chiníquën anaꞌintopirinpoahuëꞌ, nontohuatëhua anoyataantarinpoaꞌ. Apisáchin pochin acopirinpoahuëꞌ, inachachin nonëantarinpoaꞌ. Noya chinotohuatëhuaꞌ, aꞌnaroáchin anoyatarinpoaꞌ. Ananpitaantarinpoaso pochin catahuararinpoa niꞌton, noya niꞌsarinpoaꞌ. Chiníquën cancantatëhua Sinioro nohuitahuaꞌ. Inapohuatëhuaꞌ, Siniorosoꞌ huëcapaiantarinpoaꞌ. Nani tahuëri piꞌi pipirinso pochin, oꞌnápiquë noꞌpaꞌ caniororinso pochin huëcapaiantarinpoaꞌ,” tënamaꞌ.

Amós 2:14

Chiníquën taꞌapiramahuëntaꞌ, co chaꞌësaramahuëꞌ. Chini chiníquën nininso tëranta co huachi napoarinhuëꞌ. Chini chiníquën cancantërinso tëranta co chaꞌësarinhuëꞌ.

Miqueas 5:8

Naporoꞌ aꞌnapitanta nisha nisha nacionquë yacapatapirinahuëꞌ, paꞌpiniꞌ pochin nicaponaꞌ. Yaꞌipi maꞌsharoꞌsa quëran paꞌpinisoꞌ, chini chiníquën ninin. Inapochachin inapitanta nicaponaꞌ. Paꞌpiniri ohuicaroꞌsa yaꞌcontaton, tiquirinso pochin co aꞌnaya tëranta nichaꞌëponahuëꞌ.

Deuteronomio 32:39

Casáchin Yosëco. Mamanshiroꞌsasoꞌ, co ca pochin nipihuëꞌ. Ca nohuanto piyapiꞌsa nanpirapi, ca nohuanto chiminapi. Ca nohuanto piyapiꞌsa maꞌsha onpopi. Ca nohuanto chachin noyataantapi. Anaꞌintaꞌhuaso chinotohuato, co insonta chaꞌëtarincohuëꞌ. Chini chiníquënco niꞌto, anaꞌintarahuë.