Oseas 4:3 - Chayahuita (Shahui)

³ Napoaton yaꞌipi Israiro noꞌpaquë, sëtatona naꞌnërápi. Caniorëso pochin co manta chinipihuëꞌ. Tanan maꞌsharoꞌsa quëran huarëꞌ taquiapi. Inairaroꞌsaꞌ, marë samiroꞌsaꞌ, inapitanta inapoapi,” tënin.

Oseas 4:3 ပူးပေါင်းရင်းမြစ်များ

Isaías 33:9

Shaꞌpirinahuëꞌ, co nítërinhuë niꞌton, noꞌpa chachionta sëtatona aꞌmopiso pochin ninin. Nipano tanan quëran huarëꞌ ahuiánahuanaton tapaninso pochin ninin. Saron motopianantaꞌ, inotëro pochin niconin. Pasan parti, Carmiro motopi parti, inaquënta nararoꞌsa ahuiánahuanatonaꞌ, nohuamonotopi.

Jeremías 23:10

Yaꞌipi Israiro noꞌpaquë monshihuantëroꞌsa pochin cancantopisopita naꞌamiatërin. Co noyahuëꞌ nicacaisoráchin cancantopisopita naꞌamiatërin. Co noyahuëꞌ ninicatona co nipaꞌpoyapihuëꞌ. Napoaton Siniorosoꞌ ama huachi isoroꞌpaꞌ noyatacaso marëhuëꞌ, shaꞌhuitërin. Inapotërin niꞌton, yanitë pochin ninin. Inotëroquë pastoroꞌsa yaꞌhuërinsopitantaꞌ, huëyarin.

Jeremías 9:10

Motopiroꞌsa paꞌtatoma naꞌnë naꞌnë́rantacoꞌ. Pastoroꞌsantaꞌ paꞌtatoma osha oshaárantacoꞌ. Yaꞌipi huiquitërin niꞌton, co huachi insonta inaëchin paꞌninhuëꞌ. Ohuacaroꞌsanta ‘maaa,’ topisoꞌ, co huachi yaꞌcaninhuëꞌ. Niꞌniroꞌsaꞌ, anpiantëhuanoꞌsaꞌ, inapitanta taꞌapi.

Jeremías 9:9

¡Napopiso marëꞌ onpopionta anaꞌintaꞌhuaso yaꞌhuërin! Caso Sinioroco shaꞌhuitaranquëmaꞌ.

Joel 1:18

Pëꞌtahuaroꞌsanta tanatonaꞌ, yamorotonaꞌ, noncarorápi. Ohuacaroꞌsa pasto yonípirinahuëꞌ, co quënanpihuëꞌ. Ohuica huëntonoꞌsantaꞌ, tanatonaꞌ, yamorotonaꞌ, taquirapi.

Amós 5:16

Isonta Sinioro shaꞌhuitaantarinquëmaꞌ: “Ca nohuanton nani prasaquë naꞌnëpomaꞌ. Nani cachiquë co napion ancantatomaꞌ, noncaropomaꞌ. Notohuaroꞌ chimipiroꞌsa yaꞌhuëapon niꞌton, canacaiso marëꞌ naꞌnëroꞌsa nipisopita, imin camayoroꞌsaꞌ, inapita naꞌnëcaiso marëꞌ amatapomaꞌ. Yaiꞌpi oparoroꞌsaquë naꞌnëpomaꞌ. Anaꞌintaꞌhuanquëmaso marëꞌ oꞌmahuato, napoaramaꞌ. Ca Sinioroco napotaranquëmaꞌ. Caso Yosëco yaipi nanitaparahuë, tënahuë,” tënin.

Amós 8:8

¡Anaꞌintohuatënquëmaꞌ, yaiꞌpi roꞌpaꞌ nacontapon! ¡Yaꞌipi piyapiroꞌsantaꞌ, naꞌnëcaisoꞌ yaꞌhuëapon! Isoroꞌpaꞌ chachiontaꞌ, Niroiꞌ pamatërinso pochin nisarin. Pamatërin quëran huinquintërinso pochin, nisarin antaꞌ,” tënin.