Oseas 4:12 - Chayahuita (Shahui)

¹² Piyapinëhuëpitasoꞌ, nara mamanshiroꞌsa maꞌsha nitotacaiso marëꞌ natanpi. Inapitaso nara quëran nipirinahuëꞌ, ‘mamanshi aꞌpairincoi,’ toconpi. Mamanshi marëꞌ sacatopisopita sanapiꞌsarëꞌ pocatonaꞌ, huaꞌyantërëso pochin nipi. Inapoatona piyapinëhuëpitasoꞌ, chihuërëso pochin nipi. Monshihuanápaiso marëꞌ Yosënënaco nipirahuëꞌ aꞌporinaco.

Oseas 4:12 ပူးပေါင်းရင်းမြစ်များ

Salmos 73:27

Co imarinënquënsopitasohuëꞌ, quëmari ataꞌhuantapon. Aꞌporinënquënsopitantaꞌ, acopitapon.

Jeremías 2:27

Nara nipirinhuëꞌ, ‘quëmaso tatahuëinquën,’ itëramaꞌ. Naꞌpinta nipirinhuëꞌ, ‘quëmasoꞌ mamahuëinquën,’ itëramaꞌ. Inapoatoma caso co huachi tahuërëtëramacohuëꞌ. Napoapomarahuëꞌ maꞌsha onpohuatamara: ‘¡Nichaꞌëcoi Sinioro!’ itaantaramaco.

Jeremías 23:13

Iráca Samariaquë pënëntonaꞌpiroꞌsa yaꞌhuëpisopita napopisoꞌ niꞌnahuë. Paꞌpi noꞌhuípiro niꞌnahuëso nipi. Paaro marëꞌ pënëntopi. Inapoatona piyapinëhuëpita israiroꞌsa itopisoꞌ achihuëpi.

Oseas 14:3

Asiriaroꞌsa co nichaꞌësarincoihuëꞌ. Co cahuarioroꞌsaquë taꞌatoi chaꞌëpoihuëꞌ. Quiyaora mamanshi nicatoi ‘yosënëhuëi,’ itopiraihuëꞌ, co huachi ina pochin nohuitapoihuëꞌ. Quëmasoꞌ Sinioro, saꞌahuaroꞌsa nosororan. Quëmasáchin chinotarainquën,” itahuaꞌ.

Oseas 5:4

Israiroꞌsaso Yosë piyapinënpita nipirinahuëꞌ, co noyahuëꞌ nisápi. Napopisoari yaꞌcopirin niꞌton, co yaꞌipi cancanëna quëran ina chinotaantacaiso nanitopihuëꞌ. Mamanshi marëꞌ sacatopisopita sanapiꞌsarëꞌ pocatonaꞌ, co Sinioro noya nohuitacaisoꞌ nanitopihuëꞌ.

Miqueas 2:11

Nonpi nanan shaꞌhuitonaꞌ: ‘Naꞌcon huino yaꞌhuëapon. Nisha nisha oꞌoi yaꞌhuëhuachin, oꞌotoma noꞌpirápomaꞌ,’ topisopita tëhuënchinsoꞌ, canpitaso paꞌyatëramaꞌ,” itërin.

Habacuc 2:19

Mamanshi nara quëranhuë nipon, naꞌpi quëranhuë nipon ninamasoꞌ nontatomaꞌ: ‘Nichaꞌëcoi quiyantaꞌ,’ itëramaꞌ. Napotopiramahuëꞌ, ¡inapitaso co manta aꞌpaniponquëmahuëꞌ! Oro quëran, prata quëran inaquëranpita pashitopirinahuëꞌ, co manta pacaritaponahuëꞌ. Naporamaso marëꞌ carinquëma anaꞌintaranquëma niꞌton, ¡maꞌhuantacha nisarama paya!

Deuteronomio 31:16

Naporoꞌ Siniorori Moisësë itapon: “Co huaꞌquiya quëranhuë quëmasoꞌ chiminapon. Aꞌnapitaso noꞌpaꞌ quëtarahuëquë yaꞌconpachinaꞌ, nisha cancantapi. Inapoatonaꞌ, nisha nisha mamanshiroꞌsa yaꞌhuëhuanoꞌsari moshapisoꞌ, moshatona aꞌpoaponaco. Inapitaroꞌco nani anoyatopirahuëꞌ, napoatona anoyatërahuëso tapiaponaꞌ.