Oseas 4:10 - Chayahuita (Shahui)

¹⁰ Yaꞌipinquëma aꞌporamaco niꞌquëhuarëꞌ, anaꞌintaranquëmaꞌ. Naꞌcon capomarahuëꞌ, co natëaramahuëꞌ. Naꞌcon huiꞌnahuanamaso nohuantopiramahuëꞌ, co huiꞌnahuanaramahuëꞌ,” tënin.

Oseas 4:10 ပူးပေါင်းရင်းမြစ်များ

Jeremías 9:12

¿Inta yonquínahuan niꞌton, nanitërin onpoatonsona napopisoꞌ nitotacasoꞌ? ¿Inso pënëntonaꞌpita Yosëri anitotërin niꞌton, nanitërin onpoatonsona napopisoꞌ shaꞌhuitiinpoasoꞌ? Inotërosoꞌ, yaꞌshi yaꞌshin. Co insonta inaquëchin paꞌninhuëꞌ. ¿Onpoatonta iso noꞌpanënpoanta taꞌhuantaton, ina pochin ninin? tënahuë.

Ezequiel 18:24

Noya ninaꞌpinta noya nisarinso aꞌporahuaton, co noyahuëꞌ nininsoꞌ, noꞌhuípiro nininsoꞌ, inapita niantahuachin: ‘Onpopionta inasoꞌ, Siniorori nanpicasoꞌ quëtapon nimara,’ ¡ama tocosohuëꞌ! Noya nininsopita co huachi yonquiarahuëꞌ. Co casáchin cancantatoncohuëꞌ, oshahuaninso marëꞌ chiminapon.

Oseas 4:14

Huiꞌnama sanapiꞌsa mamanshiroꞌsa marëꞌ sacatohuachinaꞌ, co napopiso marëꞌ anaꞌintapohuëꞌ. Huiꞌnamapita saꞌinanta soꞌina tëhuananpitohuachinaꞌ, co napopiso marëꞌ anaꞌintapohuëꞌ. Canpitaora chachinta inanpi sanapiꞌsarëꞌquëma poꞌnamaꞌ. Ina sanapiroꞌsa mamanshi moshahuachinara canpitantaꞌ, mamanshiroꞌsa marëꞌ maꞌsha tëparahuatomaꞌ, inapitarëꞌquëma napopináchin moshapatëramaꞌ. Inapoatoma co manta yonquipisohuë pochin ninamaꞌ. Naporama niꞌton, nitapiamaso yaꞌhuërin.