Oseas 3:5 - Chayahuita (Shahui)

⁵ Ina piquëran israiroꞌsasoꞌ, Yosë chachin tahuërëtaantaponaꞌ. Naporahuaton aꞌnara Tapi copirno shiin, copirnonëna nisarin. Tahuëri yanitiquirahuachin, Sinioro noya nicatonaꞌ, chinotapi. Inapotohuachina inarintaꞌ, noya nicaton catahuaantapon.

Oseas 3:5 ပူးပေါင်းရင်းမြစ်များ

1 Reyes 12:16

Copirnori napotërinsoꞌ Israiro huaꞌanoꞌsasoꞌ, natanpi. Ina natanatonaꞌ: “¡Coꞌchi natërinpoahuë paya!” topi. Napoatona copirno chiníquën nontopi: “Tapi quëran pipipisopita, co huachi huaꞌanëntiincoiso yaꞌhuërinhuëꞌ. Quisi chiminpachina maꞌshanënpita Tapiri manin. Co ina quëran canpoasoꞌ maꞌsha tëranta manëhuahuëꞌ. Ma topinanta shinpita natëráparihuaꞌ. Napoaton, ¡huëco patahua huachi! Sacataton inantaꞌ, huiꞌninpita nocomaꞌin,” itopi. Napotatonaꞌ, inapitaso yaꞌhuëpiꞌpaꞌ paꞌpi huachi.

Isaías 2:2

Ayaro tahuëri yaꞌcaritohuachin, Sinioro chinotacaso pëi yaꞌhuërinquë motopisoꞌ, Siniorori noya noya acoapon. Aꞌnapita motopiroꞌsa quëran ina inápa nisarin. Nisha nisha nacionquë yaꞌhuëpisopita inaquë huëcaponaꞌ.

Isaías 2:3

Notohuaroꞌ piyapiroꞌsa huëꞌsahuatonaꞌ: “Huëco Sinioro motopinënquë pantaꞌahuaꞌ. Israiroꞌsari chinotërinso pëinënquë pantaꞌahuaꞌ. Pënëntërinsopita aꞌchinchinpoaꞌ. Aꞌchintohuachinpoa noya natëahuaꞌ. Sion motopi quëran Yosë chachin aꞌchintarinpoaꞌ. Quirosarin ninano quëran nanamën aꞌchinapi,” tëcaponaꞌ.

Isaías 60:5

Inapita nicaton, capa cancantomiataran. Marë soꞌtonoꞌsaquë yaꞌhuëpisopita, maꞌsha naꞌcon naꞌcon paꞌtërinsoꞌ quëshiarinëmaꞌ. Nisha nisha piyapiꞌsa maꞌhuanatona huaꞌanëntopisoꞌ, quëtáponëmaꞌ.

Jeremías 23:5

Ina quëran Sinioro taantarin: “Ca nohuanton aꞌna tahuëri Tapi shiin yaꞌhuëapon. Ina huaꞌanëntohuachin, yonquínahuan copirno nisarin. Noyasáchin nicaton, noya coisë pochin nicapon.

Oseas 1:11

Naporo tahuëriꞌsa Cota huënton israiroꞌsasoꞌ, aꞌnapita israiroꞌsarë aꞌnaíchin huaꞌanëna yaꞌhuëtaponaꞌ. Naquëranchin yaꞌhuëpiquë chachin yaꞌhuëantaponaꞌ. Naporahuaton notohuaroꞌ naꞌamiataponaꞌ. Piyapinëhuëpita yaꞌhuëpiquë chachin acoantapo. Piyapi iminënquë sharoꞌsa shaꞌninso pochin nitapo. Quisiriro motopiana cari anoyataantahuato, ¡ina tahuëri paꞌpi noya nisarin!

Oseas 11:10

(-)

Oseas 5:15

Ina quëran huaꞌquimiachin tananpitarahuë: ‘Oshahuanëhua niꞌton, Sinioro poꞌtërinpoaꞌ,’ taꞌcaihuarëꞌ catahuaantarahuë. Parisitatona co napion cancantohuachinaꞌ, oshanëna inquitaꞌhuaso marëꞌ yoníponaco,” tënin.

Oseas 5:6

Ohuicanënaꞌ, ohuacanënaꞌ, inapita tëparahuatonaꞌ, Sinioro chinotapona nipirinhuëꞌ, co quënanapihuëꞌ. Aꞌporin niꞌton, co quënanapihuëꞌ.

Oseas 6:1

Canpitaso israiroꞌsanquëma naporamaꞌ: “Huëco yaꞌipinpoa Sinioro chachin chinotaantaꞌahuaꞌ. Chiníquën anaꞌintopirinpoahuëꞌ, nontohuatëhua anoyataantarinpoaꞌ. Apisáchin pochin acopirinpoahuëꞌ, inachachin nonëantarinpoaꞌ. Noya chinotohuatëhuaꞌ, aꞌnaroáchin anoyatarinpoaꞌ. Ananpitaantarinpoaso pochin catahuararinpoa niꞌton, noya niꞌsarinpoaꞌ. Chiníquën cancantatëhua Sinioro nohuitahuaꞌ. Inapohuatëhuaꞌ, Siniorosoꞌ huëcapaiantarinpoaꞌ. Nani tahuëri piꞌi pipirinso pochin, oꞌnápiquë noꞌpaꞌ caniororinso pochin huëcapaiantarinpoaꞌ,” tënamaꞌ.

Amós 9:11

Naquëranchin Sinioro taantarin: “Co huaꞌquiya quëranhuëꞌ israiroꞌsa noya acoantarahuë. Iráca Tapi copirnori huaꞌanëntapon naporinso pochachin acoantarahuë.

Miqueas 4:1

Ayaro tahuëri yaꞌcaritohuachin, Sinioro chinotërëhuaso pëi yaꞌhuërinquë motopiaꞌhua, aꞌnapita motopiroꞌsa quëran noya noya Siniorori acoapon. Naporahuaton aꞌnapita motopiroꞌsa quëran ina inápa acoapon. Yaꞌipi isoroꞌpaquë yaꞌhuëpisopita inaquë huëcaponaꞌ.

Números 24:14

Iporasoꞌ mini quëma naporanso chachin, yaꞌhuërahuëquë paantarahuë. Napoaponahuëꞌ, coꞌhuara paꞌshátërasocohuëꞌ, maꞌsona pasopita aꞌna tahuëri onpotiinquëmaso shaꞌhuichinquën.

Romanos 11:25

Yosë yonquirinsoꞌ iyaroꞌsaꞌ shaꞌhuichinquëmaꞌ, noꞌtëquën nitotacamaso marëꞌ. Aꞌnapita co nitotopirinahuëꞌ, ama nocantamaso marëhuëꞌ shaꞌhuitaranquëmaꞌ. “Quiyasáchin noꞌtëquën yonquirai,” ama tocosohuëꞌ. Iporasoꞌ naꞌa nisha piyapinquëmaꞌ Yosë huëntonënquë yaꞌconaramaꞌ. Yaꞌipi Yosë nohuantërinquëmasopita yaꞌconamaquë huarëꞌ naꞌa israiroꞌsaꞌ co natantochináchinhuëꞌ cancantapi.

Romanos 2:4

Yosë nosororinpoasoꞌ co noꞌtëquën yonquiramahuëꞌ. “Co aꞌnaroáchin noꞌhuirinpoahuëꞌ,” taꞌtomaꞌ, co noyahuëꞌ ninamaꞌ. Tëhuënchachin co aꞌnaroáchin anaꞌintërinquëmahuëꞌ. “Oshaquëran co noyahuëꞌ yonquipisopita naniantaponaꞌ nimara,” taꞌton, ninarárin.

Deuteronomio 4:30

Nisha nisha parisitápatomaꞌ, mamanshi chinotëramaso aꞌpoaramaꞌ. Ina aꞌpoatoma Sinioroíchin chinotocoꞌ. Napohuatamaꞌ, inaso nóya nichinapon chachin, co aꞌpoarinquëmahuëꞌ. Co ataꞌhuantarinquëmahuëꞌ. Noya cancantaantahuatamaꞌ, shimashonëmapitarëꞌ anoyatërinso yonquiaton catahuantarinquëmaꞌ: ‘Caso Yosëco niꞌto, noꞌtëquën nontëranquën,’ itërin niꞌton, catahuarinquëmaꞌ.