Oseas 3:4 - Chayahuita (Shahui)

⁴ Inapochachin israiroꞌsantaꞌ, huaꞌqui co copirnohuanhuëꞌ nicaponaꞌ. Co maꞌsha huaꞌan tëranta yaꞌhuëtaponahuëꞌ. Chinotacaiso marëntaꞌ, co maꞌsha tëpaponahuëꞌ. Naꞌpiraꞌhuaroꞌsa Yosë nohuantërinsoꞌ nitotacaiso marëntaꞌ, co huachi yaꞌhuëaponhuëꞌ. Co huachi aꞌnaya tëranta corto huaꞌan yaꞌhuëaponhuëꞌ. Pëinënaquë mamanshiroꞌsa yaꞌhuëtopisopitantaꞌ, capa nisarin.

Oseas 3:4 ပူးပေါင်းရင်းမြစ်များ

Génesis 31:34

Naquirasoꞌ mamanshiroꞌsa masahuaton, poꞌorin. Camiyoquë huënsëcaiso marëꞌ nitopisoanaquë poꞌorin. Inapotahuaton, ina aipi huënsëtërin. Paꞌpinsoꞌ yaꞌipi nëꞌmëtë pëianaquë yonípirinhuëꞌ, co quënaninhuëꞌ.

Génesis 49:10

Co inso tëranta huaꞌan quëran, quëmasoꞌ Cota, ocoiarinënhuëꞌ. Huara sëꞌquëranso co insonta mataponënhuëꞌ. Huaꞌanën chachin oꞌmaquë huarëꞌ co nanitapaponënhuëꞌ. Ina oꞌmahuachin, yaꞌipi nacionoꞌsari natëpona huachi.

2 Samuel 6:14

Tapisoꞌ, aꞌnara ipoto rino piꞌshi quëran nipisoꞌ aꞌmorin. Ina aꞌmosahuaton yaꞌipi cancanën quëran Sinioro marëꞌ nansaraarin.

2 Reyes 23:24

Cosiasësoꞌ, Yosëíchin cancantaton, pënotonoꞌsaꞌ, ninotonaꞌpiroꞌsaꞌ, inapitanta yaꞌipi ayatërin. Quëmopinënapitarëꞌ mamanshi moshapisonta napotërin. Nisha nisha mamanshiroꞌsaꞌ, nisha nisha moshacaiso marëꞌ Quirosarinquë yaꞌhuëtopisoꞌ, Cota huëntonquënta yaꞌhuëtopisoꞌ, ayatërin. Inapitaso Yosëri co quëꞌyarinhuë niꞌton, napotërin. Iriquiasë corto huaꞌan, Sinioro chinotacaso pëiquë pënëntërinso quirica quënaninso natëton, naporin.

Daniel 9:27

Aꞌna simana marëꞌ ina copirnosoꞌ, notohuaroꞌ piyapiꞌsarëꞌ anoyatapon. Napoaponahuë ina simana huancanarahuasoꞌ, Yosë marëꞌ maꞌsha ahuiquitacaisoꞌ, acopitapon. Maꞌsha Yosë marëꞌ quëcacaisontaꞌ, inapotapon. Artaro maꞌsha Sinioro marëꞌ ahuiquitopiso notënanquë, paꞌpi co noyahuëꞌ nininso nicatonaꞌ, tapiaponaꞌ. Ina piquëranso napoaponahuëꞌ, Yosëri chachin naponaꞌpi ataꞌhuantapon huachi,” itërinco.

Oseas 13:10

¡Co Copirnonëma tëranta yaꞌipi ninanonëmaquë nichaꞌësarinquëmahuëꞌ! ¡Co huaꞌanoꞌsanëma tëranta napoarinhuëꞌ! Inapita mini iráca nohuantatomaꞌ: ‘Copirno, huaꞌanoꞌsaꞌ, inapita acotocoi,’ tënamaꞌ.

Oseas 13:11

Noꞌhuitonëhuëquë copirnoroꞌsa acotëranquëmaꞌ. Noꞌhuitonëhuëquë chachin osërëtëranquëmaꞌ.

Oseas 2:11

Inapotohuato, co huachi noya ancantacaiso yaꞌhuëaponhuëꞌ. Co maꞌsha pita tëranta naꞌhuëcaiso yaꞌhuëaponhuëꞌ. Yoquiaꞌhuaraiꞌ pitaroꞌsaquë tëranta co huachi niyontoanpihuëꞌ. Co sahuatoquë tëranta niyontoantaponahuëꞌ.

Lucas 21:24

Inimicoroꞌsaꞌ huëcatonaꞌ, naꞌa piyapiꞌsaꞌ sahuëniquë tëparapi. Nisha nisha sontaroꞌsari yaꞌhuëpiquë quëparapi asacatacaiso marëꞌ. Nisha piyapiꞌsaꞌ Quirosarinquë yaꞌconahuatonaꞌ, camaitapi. Huaꞌquiꞌ inaquë yaꞌhuaponaꞌ. Tahuërinën nanihuachina, Yosë nohuanton, pipiapi.

Juan 19:15

—Co quiyarisoꞌ nohuantëraihuëꞌ. ¡Aꞌnaroáchin atëpatëquëꞌ! ¡Corosëquë apatanantëquëꞌ chimiin! itaantapi huaꞌanoꞌsari. —Copirnonëmaꞌ nipirinhuëꞌ, ¿atëpachi ti? itërin. —¡Noma copirnoíchin natërai quiyantaꞌ! Co aꞌna copirno yaꞌhuëtërincoihuëꞌ, itopi.

Hebreos 10:26

Quisocristo nanamën nani nitotërëhuaꞌ. Nitotarihuarahuëꞌ, naquëranchin naquëranchin co noyahuëꞌ nipatëhuaꞌ, aꞌpopisopita pochin cancantararihuaꞌ. Aꞌpohuatëhuaꞌ, co insontaꞌ nanitarinhuëꞌ oshanënpoaꞌ inquitinpoasoꞌ.

Jueces 8:27

Ina oro asoquirahuaton Quitionosoꞌ aꞌnara corto huaꞌan cotonën pochin ninin. Inasoꞌ coton ipoto itopi. Ina nisahuaton ninanonën Opra itopiquë acorin. Inasáchin paꞌyatatona yaꞌipi israiroꞌsasoꞌ, co huachi Sinioroíchin paꞌyatopihuëꞌ. Ina moshaton Quitionontaꞌ, quëmopinënpitarë chachin nisha cancantopi.

1 Samuel 14:3

Corto huaꞌan Aiasi itopisonta Saonorë nisarin. Inachintërin niꞌton, ipoto itopisoꞌ aꞌmorahuaton Yosë marëꞌ Siroquë sacatërin. Aiasisoꞌ, Aitopo huiꞌnin. Inanta Huinisi huiꞌnin. Huinisënta Iri huiꞌnin. Icapotintaꞌ, Aiasi apin. Conatan catahuarinsoarë ahuëtapona paꞌpisoꞌ, co aꞌnapita Israiro sontaroꞌsasoꞌ nitotopihuëꞌ.

1 Samuel 15:23

Pënotonquë aniꞌtohuatëra oshahuanëso pochachin, Yosë camaitërinsonta co natëhuatërahuëꞌ, oshahuanëꞌ. Mamanshi moshahuatëra oshahuanëso pochachin co Yosë natëchináchinhuëꞌ cancantohuatërantaꞌ, oshahuanëꞌ. Quëmasoꞌ Sinioro camairinquënsoꞌ, nocanan. Ina pochachin inantaꞌ, quëma copirno nisápasoꞌ nocaninquën,” itërin.

1 Samuel 2:18

Inapoasoiꞌ, Samoirosoꞌ huiꞌnapiraꞌhuatarin. Rino piꞌshi quëran nipinan ipoto aꞌmosahuaton, Sinioro marëꞌ sacatarin. Corto huaꞌanoꞌsa inanpi aꞌmopi niꞌton, inanta inanpi aꞌmorin.