Oseas 3:1 - Chayahuita (Shahui)

¹ Ina quëran Siniorosoꞌ camaiantatonco: “Paaton, saꞌan chachin maantaquëꞌ. Inasoꞌ aꞌporahuatënquën, aꞌna quëmapirëꞌ yaꞌhuëárin. Inapopirinhuëꞌ, naquëranchin nosoroantaquëꞌ. Ina pochin caso Sinioroco israiroꞌsa nosororahuë. Inapitasoꞌ mamanshiroꞌsa moshatonaꞌ, cashin panoꞌsa inahua marëꞌ quëpi. Ina quëran inapita mosharahuatonaꞌ, ina panoꞌsasoꞌ caꞌpi. Ina panoꞌsasoꞌ, opa cayarinso ayanirahuatona acotopi,” itërinco.

Oseas 3:1 ပူးပေါင်းရင်းမြစ်များ

2 Samuel 6:19

Inapotahuaton aꞌnaya aꞌnaya pan quëtëraꞌpiarin: Aꞌnara pan mia. Aꞌnasoꞌ pan pochin tatiro quëran nipisoꞌ. Aꞌnantaꞌ, opa ayanitopi quëran nipisoꞌ. Quëmapiꞌsaꞌ, sanapiꞌsaꞌ, quëtëraꞌpiarin. Ina piquëran yaꞌipiya yaꞌhuëpiꞌpaꞌ panantapi.

Nehemías 9:31

Napoaponahuëꞌ nosoromiataton, co aꞌpomiatëranhuëꞌ. Co ataꞌhuantëranhuëꞌ. Noyápiachin cancantaton, nosorochináchin cancantëran niꞌton, naporan.

Éxodo 32:6

Tahuëririnquë tashíramiachin capayatahuatonaꞌ, pëꞌtahuaroꞌsa tëpapi. Oshanëna marëꞌ itopisosoꞌ, yaꞌipi ahuiquitopi. Nanan anoyatopiso marëꞌ itopisonta tomaquën ahuiquitopi. Inaporahuatona coshatopi. Coshatatonaꞌ, oꞌosapi huachi. Naporapi quëran caniaritopi aꞌnaratipita co noyahuëꞌ nicatonaꞌ, capa cancantacaisoꞌ.

Isaías 45:22

Nisha nisha parti isoroꞌpaquë yaꞌhuëramasopita, huëco caquë nichaꞌëinquëmaꞌ. Casáchin Yosëco niꞌto, paꞌpi áquë yaꞌhuëpiramahuëꞌ, huëcoꞌ.

Jeremías 31:20

Napohuachinaꞌ cari itarahuë: ‘Canpitaso piyapinëhuëpitanquëma niꞌton, paꞌya paꞌyatëranquëmaꞌ. Co aꞌnapitaso canpita pochin nosororahuëꞌ. Aꞌna tahuëriso mini, chiníquën pënënanquëmaꞌ. Inapotopiranquëmahuëꞌ, co naniantëranquëmahuëꞌ. Yaꞌipi cancanëhuë quëran nosoromiatëranquëmaꞌ. Ca Sinioroco shaꞌhuitaranquëmaꞌ.

Oseas 11:8

Canpitaso israiroꞌsanquëmaꞌ. Noꞌhuípiro mini nipiramahuëꞌ, ¡Co nanitërahuë aꞌpomiataꞌhuanquëmasoꞌ! Atoma, Sipoin, inapita ninanoroꞌsasoꞌ, co noyahuëꞌ nipiso marëꞌ iráca ataꞌhuantërahuë. Inapita pochachin ataꞌhuantaꞌhuanquëmasoꞌ, ¡coꞌchi nanitarahuë paya! ¡Nosorochináchin cancantëranquëmaꞌ!

Oseas 2:5

Sanapi nitapihuachina, co taparohuanhuëꞌ ninin: ‘Amiconëhuëpita nicapo paꞌsarahuë. Inapitasoꞌ, cosharoꞌ, oꞌoiꞌ, inapita quëtërinaco. Aꞌmocaꞌhuaso marëntaꞌ, huaita, rino piꞌshi, inapita quëtërinaco. Tomaꞌ, huino, inapitanta quëtërinaco,’ tënin. Inapochachin israiroꞌsanta mamanshiroꞌsa moshatonaꞌ, co taparohuanhuëꞌ, nipi.

Oseas 4:11

Ina quëran Sinioro taantarin: “Mamanshi marëꞌ sacatopisopita sanapiꞌsarëꞌ poꞌpachinara, co huachi noꞌtëquën yonquipihuëꞌ. Huinonta paꞌyatohuachinara, inapochachin nipi.

Amós 2:8

Inapitasoꞌ mamanshi marëꞌ maꞌsha tëpapisoꞌ caꞌpatopi. Aꞌnanpiso pahuërëtacaisoꞌ nitotai marëꞌ aꞌmopiso maꞌpatopi. Ina huëtohuachinara, ina aipi caꞌpatopi. Topinan quëran apahuërëtahuatonaꞌ, coriqui maꞌpatopi. Ina coriquiquë huino paꞌanatonaꞌ, mamanshinëna moshapisoꞌ pëiroꞌsaquë oꞌopi,” tënin.

Amós 6:6

Huino oꞌotoma noꞌpiráramaꞌ. Noya noya huaꞌsaiꞌ pashiramaꞌ. Canpitaso taꞌhuantochináchin nisapiramahuëꞌ: “Maꞌta pini,” toconamaꞌ.

Mateo 26:50

—Maꞌsona yaninansoꞌ iyasha, manóton niquëꞌ, itërin Quisosori. Ina quëran piyapiꞌsari chiníquën masapi huachi.

1 Corintios 10:21

Aꞌnaquën mamanshi moshacaiso marëꞌ pita nipi. Sopairoꞌsaꞌ yonquiatonaꞌ, napopi. Sinioro yonquihuatamaꞌ, co sopairoꞌsaꞌ yonquicamasoꞌ yaꞌhuërinhuëꞌ. Napoaton amatohuachinënquëmaꞌ, ama pacosohuëꞌ. Quisocristo chimininsoꞌ yonquiatomaꞌ, coshatëramaꞌ, oꞌoramaꞌ. Napoaton ama sopairoꞌsaꞌ yonquiatomaꞌ, coshatocosohuëꞌ, oꞌocosohuëꞌ.

1 Corintios 10:7

Inapitasoꞌ mamanshi moshapi. “Moshatacaiso marëꞌ pita nipi. Huënsërahuatonaꞌ, coshatopi, oꞌopi. Ina quëran nansarahuatonaꞌ, capa cancantopi,” tënin Yosë quiricanënquë. Canpitaso nipirinhuëꞌ ama inapita pochin nicosohuëꞌ.

1 Pedro 4:3

Huaꞌquiꞌ co noyahuëꞌ ninamaꞌ. Monshihuanamaꞌ, nisha nisha sanapi noyaramaꞌ, noꞌpiramaꞌ. Pita nicacasoáchin yonquiramaꞌ. Mamanshi mosharamaꞌ, co inapita moshacasohuëꞌ nipirinhuëꞌ. Iráca co Yosë imatomahuëꞌ, inaporamaꞌ. Inapoatomaꞌ, tahuëri chiniaramaꞌ.