Oseas 2:21 - Chayahuita (Shahui)

^21-22 Ina quëran Sinioro shaꞌhuitaantatonco: “Naporo tahuëriꞌsa israiroꞌsa nontohuachinaco, aꞌnaroáchin catahuararahuë. Inapita nohuitato ‘Quisiriro’ itarahuë. Quisirirosoꞌ, Yosë shaꞌtërinsoꞌ tapon naporin. Ca nohuanton Israiro noꞌpaquë oꞌnanapon. Ca nohuanton sharoꞌsanta papotaton noyatapon. Opa, oripo, inapitanta nitaponaꞌ. Piyapinëhuëpita pan, tomaꞌ, huino, inapita yaꞌhuëtacaiso marëꞌ napoarahuë. Ca Sinioroco shaꞌhuitaranquën.

Oseas 2:21 ပူးပေါင်းရင်းမြစ်များ

Isaías 55:10

Ina quëran Sinioro taantarin: “Ocaiꞌ, oꞌnan, inapitaso inápa quëran anotërin. Napohuachina co topinan panantarinhuëꞌ. Isoroꞌpaꞌ ashipirotaton anoyatërin, yaꞌpirin apaporin, naporin. Nitohuachina, yaꞌpirin shacacaiso yaꞌhuërin. Cosharonta yaꞌhuërin huachi.

Isaías 65:24

Coꞌhuara përashátëraponacohuëꞌ, aꞌpaniarahuë. Nontërinacosonta co tiquiátërasoihuëꞌ, natanahuato aꞌpaniarahuë.

Ezequiel 36:29

Oshanëma inquitahuato, ama huachi inachachin nisápamaso marëhuëꞌ catahuaranquëmaꞌ. Ca nohuanto notohuaroꞌ trico naꞌapon niꞌton, co huachi tanarotaramahuëꞌ.

Oseas 14:7

Naporoꞌ israiroꞌsasoꞌ, noya aꞌpaiantarahuë. Trico aꞌnaroáchin soꞌsorinso pochin nicaponaꞌ. Opa yancotërinso pochin nicatonaꞌ, noya yaꞌhuëantaponaꞌ. Nipano parti huino nipisoꞌ, nahuinin. Ina pochin inapitanta nahuinaponaꞌ.

Malaquías 3:10

Nani maꞌsha yaꞌhuëtërinquëma quëran diesmo ocoirahuatomaꞌ, chinotëramacoso pëiquë quëcoꞌ. Inaquë maꞌsha tapatërinacosopita yaꞌhuërin niꞌton, quëcoꞌ. Inapohuatamaꞌ, corto huaꞌanoꞌsaꞌ, Nihuiroꞌsaꞌ, inapita cosharo yaꞌhuëtapi. Inta inapoatoma tënirico. Napohuatamaꞌ, noya noya catahuararanquëmaꞌ. Piꞌiroꞌtë huintananënpita iꞌsoatahuato, notohuaroꞌ maꞌsha noya nininsopita aꞌpatimatë pochin nitaranquëmaꞌ.

Malaquías 3:11

Shaꞌtohuatamara, nisha nisha nipisopitari shaꞌtëramasopita tapirin. Oparonëmantaꞌ, napotërin. Napotëranquëmaso chachin nipatamaꞌ, co huachi inapita apiponquëmahuëꞌ.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

Romanos 8:32

Yosë chachin nosoroatonpoaꞌ co huiꞌnin tërantaꞌ apiratërinpoahuëꞌ. Isoroꞌpaquë aꞌpaimarin chiminacaso marëꞌ. Canpoa marëꞌ chiminin. Ipora chachintaꞌ nosoroatonpoaꞌ, catahuarinpoaꞌ. ¡Quisocristo imarëhuaꞌ niꞌton, co mantaꞌ pahuantarinpoahuëꞌ Yosë pochin cancantacaso marëꞌ! Nóya nichaꞌësarinpoaꞌ.