Oseas 2:12 - Chayahuita (Shahui)

¹² Monshihuantë sanapisoꞌ, monshinpitarëꞌ poꞌninso marëꞌ maꞌsha quëtopi. Inapochachin israiroꞌsantaꞌ: ‘Mamanshi catahuarincoi niꞌton, oparoroꞌsaꞌ, iquiraroroꞌsaꞌ, inapita noya noya yaꞌhuëtërincoi,’ toconpi. Napopiso marëꞌ ina oparoroꞌsaꞌ, iquiraroroꞌsaꞌ, inapita, ataꞌhuantarahuë. Tanan maꞌsharoꞌsari pëꞌyapon. Ina noꞌparoꞌsantaꞌ, pacananoꞌsa atarantapo.

Oseas 2:12 ပူးပေါင်းရင်းမြစ်များ

Salmos 80:12

Quëmasoꞌ yaꞌipi nanitaparan. Quiyasoꞌ quëma opanën pochin nipiraihuëꞌ: ¿Onpoatonta co huachi paꞌpoyarancoihuëꞌ? Inimiconëhuëipita naꞌhuëpona pochin maꞌsha onpotërinacoi. Naman pochin cancantatonaꞌ, yapëꞌyarinacoi. Inápa quëran nocorahuatoncoi, nosorocoi. Ama huachi anaꞌintocoisohuëꞌ.

Isaías 5:5

Noyapaꞌ. Naporin niꞌquëhuarëꞌ, oparonëhuë maꞌsona onpotaꞌhuasoꞌ yonquirahuësoꞌ, shaꞌhuitaranquëmaꞌ: Nahuan shatërahuëso oquitarahuë yaꞌcontatona tapiinaꞌ. Pairanënta oquitohuato, pëꞌtahuaroꞌsari yaꞌcontatonaꞌ, toꞌqui toꞌquichinaꞌ.

Isaías 7:23

Ina tahuëriꞌsa nanihuachin, iminoꞌsa pantatápon. Aꞌnaquën oparo huaranca yaꞌhuë yaꞌhuëtërinsoꞌ, huarancatë coriqui paꞌtopirinhuëꞌ, pantataton, shihuarino niantapon.

Oseas 13:8

Tocaniꞌ huaꞌhuinpita ayataton paaso piyapi quënanpachina, tëparin. Inapotahuaton ninopinën paꞌsa paꞌsatërin. Inapochachin carinquëmantaꞌ, nitaranquëmaꞌ. Paꞌpininta mapintohuachina, mapinën inaranchin pëꞌyarinso pochin nitaranquëmaꞌ. Maton maꞌshantaꞌ, mapinën paꞌsa paꞌsatërin. Inapochachin carinquëmantaꞌ, israiroꞌsanquëma ataꞌhuantaranquëmaꞌ. Co insonta paꞌpoyaponquëmahuëꞌ.

Oseas 2:5

Sanapi nitapihuachina, co taparohuanhuëꞌ ninin: ‘Amiconëhuëpita nicapo paꞌsarahuë. Inapitasoꞌ, cosharoꞌ, oꞌoiꞌ, inapita quëtërinaco. Aꞌmocaꞌhuaso marëntaꞌ, huaita, rino piꞌshi, inapita quëtërinaco. Tomaꞌ, huino, inapitanta quëtërinaco,’ tënin. Inapochachin israiroꞌsanta mamanshiroꞌsa moshatonaꞌ, co taparohuanhuëꞌ, nipi.

Oseas 5:14

Paꞌpiniꞌ, niirahuaton mapintërinso pochin israiroꞌsaꞌ, Cota huënton israiroꞌsaꞌ, inapita nitarahuë. Cari chachin paꞌsa paꞌsatërëso pochin aparisitarahuë. Inapotahuato patarahuë. Quëpatë pochin nipatontaꞌ, co insonta osërëtiincosoꞌ nanitarinhuëꞌ.

Miqueas 3:12

Naporamaso marëꞌ chinotëramacoso pëi ohuatapona niꞌton, pantatápon. Quirosarin ninanontaꞌ, ina pochachin nitapi,’ tënahuë,” tënin.