Oseas 14:9 - Chayahuita (Shahui)

⁹ Yonquínahuan niꞌtomaꞌ, niyátainpichin yaꞌhuëhuatamaꞌ, isoíchin shaꞌhuitaranquëmasoꞌ yonquicoꞌ: “Onpopinsona nanpicasoꞌ Sinioro pënëninpoaꞌ. Inasoꞌ, noꞌtëquënáchin pënëntërin. Noya nipisopitasoꞌ, ina natëpi. Co noyahuëꞌ nipisopitaso nipirinhuëꞌ, co ina natëpihuëꞌ tënahuë,” tënin Osiasë.

Oseas 14:9 ပူးပေါင်းရင်းမြစ်များ

Génesis 18:25

¡Ama Sinioro napoquësohuëꞌ! ¡Tëhuëpisopita, co tëhuëpisopitahuëꞌ co napopináchin oshahuanpiso pochin anaꞌintamaso yaꞌhuërinhuëꞌ! ¡Ama napoquësohuëꞌ! ¡Quëmasoꞌ, noya noya coisë yaꞌipi isoroꞌpaꞌ marëꞌ ninan niꞌton, noꞌtëquënáchin anaꞌintamaso yaꞌhuërin! itërin.

Salmos 107:43

Yonquínahuan nipatamasoꞌ, shaꞌhuitaranquëmasopita yonquicoꞌ. Yosë nóya nosororinpoasoꞌ, yonquirácoꞌ.

Salmos 84:5

Catahuaransopitantaꞌ, tëhuënchachin capa cancantopi. Napoaton huaꞌanëntëranquë huarëꞌ nohuantopi iratacaisoꞌ.

Salmos 84:7

Yaꞌcaritapona pochin, chini chiníquën cancantëraponaꞌ. Quirosarinquë canconpachinara, Yosë chachin quënanëso pochin nicaponaꞌ.

Isaías 1:28

Co natëtochináchinhuëꞌ cancantopisopita, oshahuanoꞌsaꞌ, inapitasoꞌ, tëshi paꞌquirëso pochin nitarahuë. Aꞌporinacosopitantaꞌ, chiminaponaꞌ.

Jeremías 9:12

¿Inta yonquínahuan niꞌton, nanitërin onpoatonsona napopisoꞌ nitotacasoꞌ? ¿Inso pënëntonaꞌpita Yosëri anitotërin niꞌton, nanitërin onpoatonsona napopisoꞌ shaꞌhuitiinpoasoꞌ? Inotërosoꞌ, yaꞌshi yaꞌshin. Co insonta inaquëchin paꞌninhuëꞌ. ¿Onpoatonta iso noꞌpanënpoanta taꞌhuantaton, ina pochin ninin? tënahuë.

Ezequiel 18:25

Napohuatora canpitasoꞌ: ‘Siniorosoꞌ, co noyahuëꞌ nisarin,’ tëcapoma aꞌna nimara. Napopiramahuëꞌ, ¡canpita mini tëhuënchinsoꞌ co noꞌtëquën yonquiatomahuëꞌ, co noyahuëꞌ nisaramaꞌ!

Ezequiel 36:25

Canpitaso mamanshiroꞌsa moshatomaꞌ, nëꞌhuëtërinso pochin ninamaꞌ. Napoatoma co noyahuëꞌ nipiramahuëꞌ. Naporamasoꞌ, inquitaranquëmaꞌ. Nëꞌmëtë nëꞌhuëtërinsoꞌ, noyaiquë pëꞌsarëso pochin nitaranquëmaꞌ.

Mateo 11:19

Caso nipirinhuëꞌ, Yosë quëran quëmapico niporahuëꞌ coshatërahuë, oꞌorahuë. Ina marëꞌ pinoramaco cantaꞌ. ‘Quisoso coshatárin, oꞌopatárin. Oshahuanoꞌsarëꞌ nipayarin. Copirno marëꞌ coriqui maꞌpatonaꞌpiroꞌsarëntaꞌ nipayarin,’ toconamaꞌ. Nisha nisha yonquiconamaꞌ. Aꞌnaquënso nipirinhuëꞌ noya yonquiatonaꞌ, Yosë natëapi huachi. Noꞌtëquën pënënahuë niꞌton, noꞌtëquën yonquiapi huachi,” tënin Quisoso.

Lucas 2:34

—Yosë noya aꞌpainquëmaꞌ, itërin Simioni. Ina quëran aꞌshin itantapon: —Huaꞌhuan mashotohuachin, yaꞌipi israiroꞌsaꞌ pënënarin. Natanahuatonaꞌ, aꞌnaquën natëtonaꞌ, noya cancantapi. Aꞌnaquënso nipirinhuëꞌ co nohuantapihuëꞌ niꞌton, anotërëso pochin nisapi. Yosë nohuitacaiso marëꞌ noꞌtëquën pënëntapirinhuëꞌ, chiníquën noꞌhuiapi.

Lucas 7:23

Yaꞌipi cancanëma quëran natëhuatamaco, noya cancantaramaꞌ. Co nisha nisha yonquiamacosoꞌ yaꞌhuërinhuëꞌ, itërin Quisosori.

Juan 15:24

Naꞌa piyapiꞌsaꞌ aꞌnaroáchin anoyatërahuë. Nani maꞌsha Yosë pochin ninahuë. Aꞌnapita piyapiꞌsasoꞌ co nanitapapihuëꞌ. Yosë anohuitaꞌhuaso marëꞌ sacaiꞌ nininsoꞌ aꞌnotërahuë. Co aꞌnotërahuëꞌ naporini, co ina marëꞌ oshahuaintonahuëꞌ. Nani nicaponaracohuëꞌ, noꞌhuirinaco. Tata Yosëntaꞌ noꞌhuipi.

Juan 18:37

—Napoahuarëꞌ ¿quëmasoꞌ copirnonquën? itërin Piratori. —Inaco mini. Ina marëꞌ nasitimarahuë. Oꞌmarahuë noꞌtën nanan pënëntaꞌhuaso marëꞌ. Noꞌtëquën yonquipisopita natëarinaco, itërin.

Juan 8:47

Yosë piyapinënpita ina nanamën noya natanpi. Canpitaso nipirinhuëꞌ co Yosë piyapinënquëmahuëꞌ niꞌton, co yanatanamahuëꞌ, itaantarin Quisosori.

Juan 9:39

Napotohuachina, Quisosori itërin: —Isoroꞌpaquë oꞌmarahuë piyapiꞌsaꞌ noꞌtëquën shaꞌhuitaꞌhuaso marëꞌ. Somarayaroꞌsa nipisopita anoyarayatarahuë. Napoaponahuëꞌ: “Quiyaso noya niꞌtërai topisopitasoꞌ, asomarayatë pochin nitarahuë,” itërin.

Hechos 13:10

—Quëmasoꞌ sopai pochin cancantëran. Yosësoꞌ noya noya nipirinhuëꞌ, yainimicotëran. Tëhuënchachin nonpintënquën, paꞌpi co noya quëmapinquënhuëꞌ. Sinioro noꞌtëquën shaꞌhuitopirinpoahuëꞌ, ¿onpoatontaꞌ quëmari nonpintaton, aꞌnapita anishacancantaran?

Romanos 7:12

Yosë chachin pënëninpoaꞌ. Shaꞌhuitërinpoasoꞌ nóya. Noꞌtëquën nonin.

Deuteronomio 32:4

Inasoꞌ, nóya paꞌpoyarinpoaꞌ. Maꞌsha nipachina, co tëhuërinhuëꞌ. Noꞌtëquënáchin nicaton nóya ninin. Inasoꞌ Yosë, noꞌtëquënáchin nonin. Topinansoꞌ co onporonta piyapi maꞌsha onpotërinhuëꞌ. Noꞌtëquënáchin ninin. Inaíchin Yosësoꞌ.

Apocalipsis 15:3

Iráca Moisësë Yosëíchin natëton, inimiconënpita minsërahuaton, cantarin. Inapochachin isopitantaꞌ cantarapi. Carniroaꞌhua cantarinsontaꞌ cantarapi. “¡Ma noyanquëncha, Sinioro, quëmaso paya! Yaꞌipi nanitaparan. Ma noyacha catahuarancoi paya. Chiníquën nanantaton, noya ninan. Noya huaꞌanëntaton, noꞌtëquën anaꞌintëran. Co onporontaꞌ nonpinanhuëꞌ. Yaꞌipi piyapiꞌsaꞌ natëinënquën.