Oseas 14:7 - Chayahuita (Shahui)

⁷ Naporoꞌ israiroꞌsasoꞌ, noya aꞌpaiantarahuë. Trico aꞌnaroáchin soꞌsorinso pochin nicaponaꞌ. Opa yancotërinso pochin nicatonaꞌ, noya yaꞌhuëantaponaꞌ. Nipano parti huino nipisoꞌ, nahuinin. Ina pochin inapitanta nahuinaponaꞌ.

Oseas 14:7 ပူးပေါင်းရင်းမြစ်များ

Salmos 91:1

Siniorosoꞌ chini chiníquën nanantaton, yaꞌipi nanitaparin. Ina yaꞌipi cancanënpoa quëran imapatëhuaꞌ, sano yaꞌhuëarihuaꞌ. Chiníquën nanantaton aꞌpaiarinpoaꞌ.

Isaías 61:11

Sharoꞌsa noꞌpaquë pichopitërin. Yanco namënën iꞌtorohuatëra, papoyantërin. Inapochachin Sinioronta noꞌtëquënáchin nininsoꞌ aꞌnoarin. Ina marëꞌ yaꞌipi nacionoꞌsaquë: “¡Ma noyacha Sinioroso paya!” taꞌtonaꞌ, cantaponaꞌ.

Oseas 14:5

Israiroꞌsa catahuato, poroncayo pochin nisarahuë. Inapitanta nirio yanco huësoatërinso pochin nitaparapi. Nara chiníquën itëhuanpachina, Nipano motopi pochin chinirin. Ina nara pochin israiroꞌsanta nisapi.

Oseas 2:21

Ina quëran Sinioro shaꞌhuitaantatonco: “Naporo tahuëriꞌsa israiroꞌsa nontohuachinaco, aꞌnaroáchin catahuararahuë. Inapita nohuitato ‘Quisiriro’ itarahuë. Quisirirosoꞌ, Yosë shaꞌtërinsoꞌ tapon naporin. Ca nohuanton Israiro noꞌpaquë oꞌnanapon. Ca nohuanton sharoꞌsanta papotaton noyatapon. Opa, oripo, inapitanta nitaponaꞌ. Piyapinëhuëpita pan, tomaꞌ, huino, inapita yaꞌhuëtacaiso marëꞌ napoarahuë. Ca Sinioroco shaꞌhuitaranquën.

Juan 11:25

—Cari ananpitaantarahuë. Casáchin nanpicasoꞌ quëtërahuë. Insopitasona natëhuachinaco, chiminaponaraihuëꞌ, nanpiantarapi.

Juan 12:24

Noꞌtëquën shaꞌhuitëranquëmaꞌ. Tricoraya pochin ninin. Co shaꞌpatërahuëꞌ, co naꞌarinhuëꞌ. Aꞌnaíchin nisárin. Napoaponahuëꞌ, shaꞌpatëra, chiminin pochin niponahuëꞌ, papotohuachina, naꞌa nitërin.