Oseas 14:6 - Chayahuita (Shahui)

⁶ Sëꞌpaquënpita quëran panca taꞌantapon. Oripo sëꞌparoꞌsa pochin noyápiachin yaꞌnopon. Nipano motopiroꞌsaquë nonararoꞌsa pimoaninso pochin nicaponaꞌ.

Oseas 14:6 ပူးပေါင်းရင်းမြစ်များ

Génesis 27:27

Cacopori paꞌpin apinocaso marëꞌ yaꞌcaritohuachina, Isacori aꞌmorinso huëꞌëropinën imërin. Naporoꞌ noya yaꞌhuëcaso marëꞌ iso pochin shaꞌhuitërin: “Naporin taꞌa, ina pochin mini huëꞌëropitëran. Siniorori catahuahuachina imin noya noyatërin. Napohuachina pimoanahuaninso pochin quëmanta huëꞌëropitëran.

Isaías 35:2

Nirio yanco huësoatërinso pochin capa cancantomiachin. Yosë nohuanton Nipano tanan pochin nicapon. Carmiro motopi, Saron motopiana, inapita noyaroꞌparoꞌsaquë pochin nani maꞌsha shaꞌpachinaꞌ, noya noyatapon. Inapohuachinaꞌ, Yosë chini chiníquën nanantërinsoꞌ niꞌsapi. Noya noya nininsoꞌ yaꞌnopon huachi.

Mateo 13:31

Ina quëran itaantarin: “Yosë huaꞌanëntërinsoꞌ aꞌchintaantaꞌinquëmaꞌ. Mostasaraya pochin ninin. Inaso yaꞌpirin piꞌpiraꞌhuaya niponahuëꞌ,

Juan 15:1

Ina quëran itantarincoi: “Casáchin noꞌtëquën aꞌchintatënquëmaꞌ, opa naraꞌhuaya pochin ninahuë. Tata Yosësoꞌ huaꞌanën pochin ninin.

Filipenses 4:18

Iporasoꞌ nóya iꞌhuërëtëramaco huachi. Napoaton noya yaꞌhuarahuë. Co mantaꞌ pahuantërincohuëꞌ. Iꞌhua Ipapërotito huëꞌpachina, coriqui aꞌpatëramaco niꞌton, maꞌsha yaꞌhuëtërinco. Ina marëꞌ “Yosparinquëmaꞌ,” itëranquëmaꞌ. Yosë nosoroatomaꞌ, aꞌpatiramaco. Yosë chinotacaiso marëꞌ pimóchin nininsoꞌ aꞌpëhuachinara, Yosëri noya niꞌnin. Inapochachin canpitantaꞌ coriqui aꞌpatëramaco niꞌton, Yosë noya niꞌninquëmaꞌ.