Oseas 13:8 - Chayahuita (Shahui)

^8-9 Tocaniꞌ huaꞌhuinpita ayataton paaso piyapi quënanpachina, tëparin. Inapotahuaton ninopinën paꞌsa paꞌsatërin. Inapochachin carinquëmantaꞌ, nitaranquëmaꞌ. Paꞌpininta mapintohuachina, mapinën inaranchin pëꞌyarinso pochin nitaranquëmaꞌ. Maton maꞌshantaꞌ, mapinën paꞌsa paꞌsatërin. Inapochachin carinquëmantaꞌ, israiroꞌsanquëma ataꞌhuantaranquëmaꞌ. Co insonta paꞌpoyaponquëmahuëꞌ.

Oseas 13:8 ပူးပေါင်းရင်းမြစ်များ

2 Samuel 17:8

Nani quëmasoꞌ tataparin nohuitëran. Inasoꞌ, piyapinënpitarë chachin chiníquën cancantonaꞌpiroꞌsaꞌ. Apiramiachin inahuasoꞌ, paꞌpi noꞌhuitapi. Tocani paya huaꞌhuinpita matopiso pochin cancantapi. Naporahuaton tatasoꞌ ahuëton nichinapon chachin nani tantiarin inimiconënpitari ahuëcaisoꞌ. Inapo yonquiaton tashisoꞌ, co piyapinënpitarëꞌ huëꞌëponhuëꞌ.

Oseas 2:12

Monshihuantë sanapisoꞌ, monshinpitarëꞌ poꞌninso marëꞌ maꞌsha quëtopi. Inapochachin israiroꞌsantaꞌ: ‘Mamanshi catahuarincoi niꞌton, oparoroꞌsaꞌ, iquiraroroꞌsaꞌ, inapita noya noya yaꞌhuëtërincoi,’ toconpi. Napopiso marëꞌ ina oparoroꞌsaꞌ, iquiraroroꞌsaꞌ, inapita, ataꞌhuantarahuë. Tanan maꞌsharoꞌsari pëꞌyapon. Ina noꞌparoꞌsantaꞌ, pacananoꞌsa atarantapo.

Oseas 5:14

Paꞌpiniꞌ, niirahuaton mapintërinso pochin israiroꞌsaꞌ, Cota huënton israiroꞌsaꞌ, inapita nitarahuë. Cari chachin paꞌsa paꞌsatërëso pochin aparisitarahuë. Inapotahuato patarahuë. Quëpatë pochin nipatontaꞌ, co insonta osërëtiincosoꞌ nanitarinhuëꞌ.