Oseas 13:6 - Chayahuita (Shahui)

⁶ Napoaponahuëꞌ, naꞌcon naꞌcon cosharohuanahuatomaꞌ, nocantochináchin cancantëramaꞌ. Inapoatoma naniantëramaco.

Oseas 13:6 ပူးပေါင်းရင်းမြစ်များ

Nehemías 9:35

Noꞌpaꞌ ahuaꞌanëntëransosoꞌ, pancana nisahuaton noyaroꞌpaꞌ. Inaquë nani maꞌsha quëtëran. Inapotopiranhuëꞌ, co paꞌyatatënën chinotërinënhuëꞌ. Co noyahuëꞌ nipisonta co yaaꞌpopihuëꞌ.

Oseas 2:13

Mamanshiroꞌsa moshacaiso marëꞌ yonarin pochin nininsoꞌ huaꞌqui aꞌpëpi. Inapopiso marëꞌ anaꞌintarahuë. Naporo tahuëriꞌsa inapita moshacaiso marëꞌ nitapatonaꞌ, miyosáchin, poꞌmoitërasáchin niconpi. Inapoatonaꞌ, caso naniantërinaco. Ca Sinioroco shaꞌhuitaranquëmaꞌ.

Oseas 2:7

Soꞌin tëhuananpitë sanapisoꞌ, monshinpita imarin. Inapochachin israiroꞌsantaꞌ, mamanshiroꞌsa chinotopi. Inapita chinotopirinahuëꞌ, nohuantopisoso co quënanapihuëꞌ. Yonipirinahuë tërantaꞌ, co quënanapihuëꞌ. Naporo huachi monshihuantë sanapi noya yonquiantaton: ‘Yaꞌnan soꞌyatërahuëso chachin tahuërëtaantaꞌi nipachin. Inaroꞌcosoꞌ, noya noya yaꞌhuëápirahuëꞌ,’ tapon. Inapochachin israiroꞌsanta nisapi.

Oseas 4:6

Co nohuitërinacohuëꞌ niꞌton, piyapinëhuëpita ataꞌhuantarahuë. Canpita corto huaꞌanoꞌsanquëma tëhuërama niꞌton, napotarahuë. Canpita chachinta co nohuitëramacohuëꞌ. Naporahuaton co nohuantëramahuëꞌ nohuitamacosoꞌ. Napoaton cantaꞌ, co corto huaꞌanoꞌsa pochin niꞌnanquëmahuëꞌ. Pënëntërahuësonta naniantërama niꞌquëhuarëꞌ, canta canpita quëran pipipisopita catahuacaꞌhuasoꞌ, naniantarahuë.

Oseas 4:7

Naꞌcon naꞌcon corto huaꞌanoꞌsa yaꞌhuëapon pochin naꞌcon naꞌcon tëhuëtërinaco. Napoaton co huachi piyapiꞌsari noya niꞌsapihuëꞌ. Maꞌsha onpotapi tëhuënchinsoꞌ.

Oseas 5:14

Paꞌpiniꞌ, niirahuaton mapintërinso pochin israiroꞌsaꞌ, Cota huënton israiroꞌsaꞌ, inapita nitarahuë. Cari chachin paꞌsa paꞌsatërëso pochin aparisitarahuë. Inapotahuato patarahuë. Quëpatë pochin nipatontaꞌ, co insonta osërëtiincosoꞌ nanitarinhuëꞌ.

Deuteronomio 32:18

Yosëso tatama pochachin paꞌpoyarinquëmaꞌ. Ina nohuanton nanpipomarahuëꞌ, naniantëramaꞌ.