Oseas 13:15 - Chayahuita (Shahui)

¹⁵ Israiroꞌsa noya yaꞌhuëantapirinahuë tërantaꞌ, cari chachin ataꞌhuantaantapo. Piꞌi pipirinso parti quëran ihuan huëcaton huinanoꞌsa ayanipon. Nitapacaiso marëꞌ paꞌton nininsopita tapapisoꞌ, inimiconënapitari matapon.

Oseas 13:15 ပူးပေါင်းရင်းမြစ်များ

Génesis 41:23

Inapita pirayan, canchisë chachin pipiantarin. Inapitasoꞌ piꞌiri ahuiquitërinso pochin yaꞌnopi.

Génesis 41:52

Ina quëran niantarinsosoꞌ, Iprain itërin. “Yosë nohuanton parisitërahuëso noꞌpaquë chachin noya noya acorinco,” taꞌton ina pochin huiꞌnin nohuitërin.

Génesis 41:6

Inapita pirayan, canchisë chachin pipiantarin. Inapitasoꞌ piꞌiri ahuiquitërinso pochin yaꞌnopi.

Génesis 48:19

Paꞌpinso nipirinhuëꞌ, co nohuantërinhuëꞌ inapocasoꞌ. Napoaton itapon: —¡Naporin mini conpa, nani nitotërahuë! Manasisinta shinpita quëran panca nacion nisarin. Iyaaꞌhuainso napoaponahuëꞌ, noya noya nicaton shinpita quëran naꞌcon naꞌcon nacionoꞌsa pipiarin.

Génesis 49:22

‘Quëmaso Cosi, iꞌsha yonsanquë huayo huanirinso pochin ninan. Inasoꞌ huayo paꞌpi notohuaroꞌ nitërin. Sëꞌpaquënpitantaꞌ, paira paꞌtërin.

Salmos 1:4

Co noyahuëꞌ nipisopitasoꞌ, co onporo napoapihuëꞌ. Arosë shaꞌhuëtë ihuani quiquiconin. Ina pochin nicatonaꞌ, co manta chiniapihuëꞌ.

Isaías 41:16

Trico pintiarëso pochin nitohuatamaꞌ, panca ihuani quiquirinso pochin yaꞌipi inimiconëmapita ataꞌhuantapomaꞌ. Canpitaso napoaponahuëꞌ, Sinioro yonquiatoma capa cancantaramaꞌ. Naporahuatomaꞌ: ‘Ma noyacha Sinioro imarai paya,’ tosaramaꞌ. Caso noyasáchin ninahuë niꞌton, Israiro chinotërinco.

Jeremías 20:5

Iso ninanoquë maꞌsha paꞌton nininsopita, Cota huënton copirnoroꞌsa paꞌton nininsopita tapapisoꞌ, yaꞌipi inapita ca nohuanton inimicoroꞌsa matarinëmaꞌ. Papironiaꞌpaꞌ yaꞌipi quëpaponaꞌ.

Oseas 2:3

Coꞌsoꞌ natëtohuachinhuëꞌ, sanapi noyá iꞌnanpiratahuatona patopiso pochin canpita noꞌpanëma nitarahuë. Yaꞌnan acoapo yaꞌhuërinso pochin acoarahuë. Noꞌpaꞌ yaniro nipachina, sharoꞌsa iꞌsha pahuanin quëran taquipiso pochin nitarahuë.

Oseas 4:19

Napopisopitasoꞌ, panca ihuani quëpatë pochin nitapon. Napohuachinara, mamanshi camayoroꞌsa nipiso marëꞌ tapanaponaꞌ,” tënin.

Jonás 4:8

Piꞌi pipihuachina Yosësoꞌ: “¡Ipora tahuëri paꞌpi chiníquën piꞌi piꞌcachin!” tënin. Napohuachina, paꞌpi chiníquën piꞌi piꞌcataton Conasë yatëparin. Piꞌi tapinantochináchin ninatanaton yachiminin: —Chiminahuë naporini, noya noya niitonhuëꞌ, tënin noꞌhuitaton.

Deuteronomio 33:17

Toro yaꞌnan huiꞌnahuaninsoꞌ, noya noyatërin. Tanan ohuacanta chini chiníquën ninin. Inapitasoꞌ pomonëna quëran patatatonaꞌ, chinitërinsopita aꞌpapi. Inapita pochin Cosi huiꞌninpita huëntonoꞌsa nisapi. Huaꞌhuayátërahuë sontaroꞌsa Iprain huëntonquë yaꞌhuapon. Mamasisi huëntonquënta napoapon. Yaꞌipi nisha nisha piyapiroꞌsa minsëaponaꞌ. Isoroꞌpaꞌ nanirinquë huarëꞌ aꞌpaponaꞌ,” tënin.