Oseas 13:10 - Chayahuita (Shahui)

¹⁰ ¡Co Copirnonëma tëranta yaꞌipi ninanonëmaquë nichaꞌësarinquëmahuëꞌ! ¡Co huaꞌanoꞌsanëma tëranta napoarinhuëꞌ! Inapita mini iráca nohuantatomaꞌ: ‘Copirno, huaꞌanoꞌsaꞌ, inapita acotocoi,’ tënamaꞌ.

Oseas 13:10 ပူးပေါင်းရင်းမြစ်များ

1 Reyes 12:20

Quiropoamo Iquipito quëran huënantarinsoꞌ, yaꞌipi israiroꞌsa natantopi. Ina quëran niyontonahuatonaꞌ, amatopi. Canquihuachina, shonca huënton israiroꞌsari, copirnonëna nicacaso marëꞌ acopi. Cota huënton israiroꞌsaráchin Tapi quëran pipirinsoꞌ copirno natëpi.

Salmos 89:18

Sinioronënpoasoꞌ iscoto pochin nicaton, paꞌpoyarinpoaꞌ. Noyasáchin nicaton huaꞌanëntërinpoaꞌ.

Isaías 33:22

Siniorosoꞌ coisënënpoa niꞌton, maꞌpitaso nicacasoꞌ pënëninpoaꞌ. Inasoꞌ copirnonënpoa niꞌton, nichaꞌësarinpoaꞌ. Ina nohuanton inimicoroꞌsa nanchanënaquë pancara nara ahuanipisoꞌ, co chiniaponhuëꞌ. Sihuirinënpita ananahuatërin niꞌton, ihuani pihuicasoꞌ nëꞌmëtëntaꞌ, saꞌmoconin. Inapohuachina, inimicoroꞌsa maꞌshanëna osërëtarihuaꞌ. Somarayaroꞌsa quëran huarëꞌ maꞌsha macaponaꞌ. Sonpacharoꞌsanta maꞌsha mamiataponaꞌ.

Isaías 43:15

Caso Sinioroco. Ca nohuanton israiroꞌsanquëma yaꞌhuëramaꞌ. Caso Yosëco noyasáchin nicato huaꞌanëntëranquëmaꞌ,” tënin.

Jeremías 2:28

Cota huënton israiroꞌsanquëmaꞌ: ¿Yosëroꞌsa chinotëramasopita poꞌ? ¿Nani ninanonëmaquë aꞌnara acorama pora? Inapita nipachin huëcatonaꞌ, maꞌsha onporama quëran nichaꞌëinquëmaꞌ.

Oseas 13:4

Sinioro naporin: “Iquipitoquë yaꞌhuërama quëran huarëꞌ, casáchin Sinioroco niꞌto, Yosënëmaco. Co aꞌna ca pochin chinotamaso yaꞌhuërinhuëꞌ. Carinquëmáchin nichaꞌëranquëmaꞌ.

Oseas 3:4

Inapochachin israiroꞌsantaꞌ, huaꞌqui co copirnohuanhuëꞌ nicaponaꞌ. Co maꞌsha huaꞌan tëranta yaꞌhuëtaponahuëꞌ. Chinotacaiso marëntaꞌ, co maꞌsha tëpaponahuëꞌ. Naꞌpiraꞌhuaroꞌsa Yosë nohuantërinsoꞌ nitotacaiso marëntaꞌ, co huachi yaꞌhuëaponhuëꞌ. Co huachi aꞌnaya tëranta corto huaꞌan yaꞌhuëaponhuëꞌ. Pëinënaquë mamanshiroꞌsa yaꞌhuëtopisopitantaꞌ, capa nisarin.

Juan 1:49

—Quëmasoꞌ Maistro, Yosë huiꞌninquën. Israiroꞌsaꞌ copirnonquën, tënahuë, itërin.

1 Samuel 8:7

Samoirosoꞌ co noyahuëꞌ cancantopirinhuëꞌ, Siniorori itapon: “Ina nohuantopi niꞌquëhuarëꞌ, acotëquë nipachin. Co quëma nocaninënhuëꞌ. Ama cari huaꞌanëntaꞌhuaso marëhuëꞌ ca nocaninaco.