Oseas 13:1 - Chayahuita (Shahui)

^1-3 (-)

Oseas 13:1 ပူးပေါင်းရင်းမြစ်များ

Génesis 2:17

Anitotacaso nara nitërinsoíchin, co nohuantërahuë capamasoꞌ. Inaso caꞌpatan, noya nininso nitotaponahuëꞌ, co noyahuëꞌ nininsonta nitotaran. Ama ina nitërinso caꞌquësohuëꞌ. Ina caꞌpatan, tëhuënchachin chiminaran,” itërin.

1 Reyes 12:25

Quiropoamosoꞌ copirno yaꞌconahuaton, Siquimo ninano noyá acorin. Inaso ninanoꞌ, Iprain israiroꞌsa noꞌpanënquë yaꞌhuërin. Noyá acorapiton inaquë yaꞌhuërin huachi. Ina piquëran Pinoiro ninano itopisonta noyá acorapirin.

Isaías 66:2

Ca chachin yaꞌipi maꞌsha ninahuë. ¡Acohuatora, caniaritopi yaꞌhuëcaisoꞌ!” tënin. Ina quëran taantarin: “Napoaporahuëꞌ, caso Sinioroco shaꞌhuitaranquëmaꞌ. Insosona catahuacaꞌhuaso nohuantohuachin, nanamëhuë tëꞌhuataton natëpon. Oshahuaninso marëꞌ co napion cancantapon. Naporahuaton: ‘Caora co nanitërahuë noya nicaꞌhuasoꞌ,’ tëcapon. Naporinsopitaráchin, noya nicato catahuaarahuë,” tënin.

Isaías 7:8

Siria copirno ninanonënsoꞌ, Tamasco itopi. Inaquë Nisin copirno huaꞌanëntërin. Israiro copirno ninanonëntaꞌ, Samaria itopi. Inaquë Nimariasë huiꞌnin huaꞌanëntërin. Napopirinhuëꞌ, saota shonca aꞌnatërápo piꞌipiya quëran israiroꞌsaso co huachi nacion nicaponahuëꞌ. Coꞌsoꞌ canpitantaꞌ, cancanëma quëran huarëꞌ natëhuatamacohuëꞌ, inapita pochachin nisaramaꞌ,” tënin Sinioro, itërin Isaiasëri.

Oseas 11:2

Israiroꞌsaso naꞌaro përápirahuëꞌ, naꞌcon naꞌcon aquënanpirinaco. Inapitasoꞌ piyapinëhuëpita nipirinahuëꞌ, mamanshi moshacaiso marëꞌ maꞌsha tëpapi. Yonarin pochin nininsonta aꞌpërahuatona moshapi.

Oseas 2:10

Monshihuantë sanapisoꞌ, soꞌini anaꞌintërin. Anaꞌintaton monshinpita niꞌtonënquë aꞌmorinso matërin. Inapotaton, atapanin. Inapochachin carintaꞌ, israiroꞌsa atapanarahuë. Mamanshi camayo nacionoꞌsa niꞌtonënaquë atapanarahuë. Co incari tëranta anaꞌintërahuë quëran nichaꞌësarinhuëꞌ.

Oseas 2:8

Cari nosoroato trico, huino, tomaꞌ, inapita quëtërahuë. Napotopirahuë, inapitaso co yonquipihuëꞌ. Prata, oro inapitanta ca nohuanton naꞌcon naꞌcon yaꞌhuëtopi. Napohuachinara, ina quëran mamanshiroꞌsa nipitërapi.

Lucas 14:11

Inapochachin “Casoꞌ noya noyaco,” topatamaꞌ, Yosë atapanarinquëmaꞌ. Nipirinhuëꞌ, sano piyapi nipatamaꞌ, Yosë noya noya acoarinquëmaꞌ, itërin.

Romanos 5:12

Atanꞌton co noyahuëꞌ nicaton, oshahuanin. Ina marëꞌ chiminacasoꞌ yaꞌhuërin. Ina quëran yaꞌipinpoaꞌ co noyahuëꞌ nicatëhuaꞌ, chiminëhuaꞌ.

2 Corintios 5:14

“Quisocristo naꞌcon nosororinpoaꞌ,” taꞌtoi, nanamën aꞌchinárai. Canpoa marëꞌ inasoꞌ chiminin. Ina imapatëhuaꞌ, canpoantaꞌ chiminëhuaso pochin niꞌninpoaꞌ.

Josué 3:7

Naporoꞌ Siniorori Cosoi itapon: “Ipora tahuëri quëran huarëꞌ naꞌcon naꞌcon catahuaranquën. Napoaton, noya nicatënën israiroꞌsa natëponën. Inapohuato, inahuaso nitotapi huachi: ‘Moisësë catahuarinso pochachin Siniorori Cosoi yaꞌhuërëꞌ catahuarin,’ tosapi.

Jueces 8:1

Iprain huënton sontaroꞌsasoꞌ noꞌhuitatonaꞌ, Quitiono chiníquën nontopi: “Matianoꞌsa ahuëcaso yonquiaponahuëꞌ: ¿Onpoatonta quiyanta amatërancoi catahuarainquënhuëꞌ?” itopi.

1 Samuel 15:17

—Coꞌhuara copirno yaꞌconyántërasënquënhuëꞌ, noya cancantaton noya ninan. “Caora co nanitërahuëꞌ noya nicaꞌhuasoꞌ,” tënan. Sinioro chachin acorinquën yaꞌipi Israiro huëntonoꞌsa huaꞌanëntamaso marëꞌ. Napoaton inasáchin natëcamaso yaꞌhuërin.