Oseas 1:1 - Chayahuita (Shahui)

¹ Piiri huiꞌnin Osiasësoꞌ, pënëntonaꞌpi niꞌton, israiroꞌsa pënënacaso marëꞌ Yosëri anitotërin. Cota huënton israiroꞌsa yaꞌhuëpiquë Osiasë copirnoꞌton huaꞌanëntasoꞌ, anitotërin. Ina quëran Cotamo yaꞌhuërëꞌ, huaꞌanëntaantarin. Ina piquëran Acasontaꞌ, huaꞌanëntaantarin. Ina quëran, Isiquiasënta huaꞌanëntaantarin. Inapita copirnoroꞌsa Cota huëntonquë huaꞌanëntaponaꞌ, Yosëri anitotërin. Coasë huiꞌnin Quiropoamontaꞌ, Israiro huëntonquë naporo tahuëriꞌsa copirno nisarin.

Oseas 1:1 ပူးပေါင်းရင်းမြစ်များ

Isaías 1:1

Osiasë copirnoꞌton Cota huëntonquë huaꞌanëntasoꞌ, Isaiasë pënëntacasoꞌ caniaritërin. Ina quëran Cotamo yaꞌhuërëꞌ, huaꞌanëntaantarin. Ina piquëran Acasontaꞌ, huaꞌanëntaantarin. Ina quëran, Isiquiasënta huaꞌanëntaantarin. Inapita copirnoroꞌsa Cota huëntonquë huaꞌanëntasoiꞌ, Isaiasë pënëntërin. Inasoꞌ, Amosë huiꞌnin. Yosëri huaꞌnarëso pochin aꞌnotaton, Cota huënton israiroꞌsaꞌ, Quirosarin ninanoꞌ, inapita maꞌsona onpocaisoꞌ anitotërin.

Isaías 7:1

Osiasë copirno huiꞌninsoꞌ, Cotamo itopi. Ina huiꞌnintaꞌ, Acaso itopi. Ina yaꞌhuërë Cota huënton copirno nicasoꞌ, Siria copirnosoꞌ, Israiro copirnorëꞌ nicatahuatonaꞌ, Quirosarin ahuëcaiso marëꞌ huëcapaipi. Napoaponaraihuëꞌ, co nanitopihuë minsëcaisoꞌ. Siria copirnosoꞌ, Nisin itopi. Yaꞌhuërëꞌ Israiro copirnosoꞌ, Nimariasë huiꞌnin Pica itopi.

Jeremías 1:4

Aꞌna tahuëri Sinioro nontatonco:

Joel 1:1

Caso Coiroco. Tatahuësoꞌ, Pitoiro itopi. Iporasoꞌ Sinioro huaꞌnarëso pochin anitotërincosoꞌ, ninshitaranquëmaꞌ.

Amós 1:1

Cota huënton israiroꞌsa noꞌpanënaquë aꞌnara ninano yaꞌhuërin. Inasoꞌ, Ticoa itopi. Inaquë aꞌnara quëmapi Amosë itopiso yaꞌhuërin. Inasoꞌ, notohuaroꞌ ohuicaroꞌsa pëꞌtahuarin. Naporoꞌ Cota huëntonquë, Osiasë copirno huaꞌanëntarin. Israiroꞌsantaꞌ, Quiropoamo copirnori huaꞌanëntarin. Ina Quiropoamosoꞌ, Coasë huiꞌnin. Inapita copirnoroꞌsa huaꞌanëntasoꞌ, Yosëri yonquirinso Amosë anitotërin. Israiroꞌsa maꞌsona onpotacasoꞌ yonquirinsoꞌ, anitotërin. Naporoꞌ panca ocohua pacacasoꞌ, cato piꞌipi pahuanarin. Ina shaꞌhuicaso marëꞌ Amosë tapon: Quirosarin quëran Sinioro nonpachina, huira tënëntërinso pochin nisarin. Ina nohuanton Carmiro motopi huiꞌnimotënquë pasto yaꞌhuërinsoꞌ, ahuisarin. Naporahuaton yaꞌipi Israiro noꞌpaquë napoarin.

Jonás 1:1

Israiro noꞌpaquë aꞌnara pënëntonaꞌpi yaꞌhuërin, Conasë itopisoꞌ. Paꞌpinsoꞌ, Amitai itopi. Aꞌna tahuëri Conasësoꞌ, Siniorori camairin:

Miqueas 1:1

Caso Miquiasëco. Morisito ninanoquë huaꞌhuatërahuë. Inasoꞌ ninanoꞌ, Cota huënton israiroꞌsa noꞌpanënquë yaꞌhuërin. Sinioro huaꞌnarëso pochin aꞌnotatonco anitotërincosopita iso quiricaquë ninshitaranquëmaꞌ. Samaria, Quirosarin, inapita ninanoroꞌsa maꞌsona onpotacasoꞌ yonquirinsoꞌ, ninshitarahuë. Cotamo copirno Cota huëntonquë huaꞌanëntasoꞌ, anitotërinco. Ina piquëran Acasonta huaꞌanëntasoꞌ, anitotaantarinco. Ina piquëran Isiquiasënta huaꞌanëntaso anitotërincosopita, ninshitaranquëmaꞌ.

Juan 10:35

Yosëri chachin huaꞌanoꞌsaꞌ acorinsoꞌ yonquiaton, napotërin. Yaꞌipi Yosë quiricanënsoꞌ noꞌtëquën. Co piꞌpisha tërantaꞌ nonpininhuëꞌ.

Romanos 9:25

Inapochachin iráca Osiasë ninshitërin. “Aꞌnaquën iráca co piyapinëhuëpitahuëꞌ nipirinahuëꞌ, iporasoꞌ piyapinëhuëpita pochin niꞌnahuë. Iráca co nosoropirahuëꞌ, iporasoꞌ nosororahuë huachi,” tënin Yosë, itërin.

2 Pedro 1:21

Iráca co inahuara nohuanton, ninshitopihuëꞌ. Yosëri acorin nanamën anitotinpoaso marëꞌ. Ispirito Santo nohuanton, Yosë yonquirinso chachin ninshitopi.