Números 9:17 - Chayahuita (Shahui)

¹⁷ Chitoro Yosë chinotacaso pëi quëran inápaquë niotëhuachina, yaꞌipi israiroꞌsanta pacacaiso yaꞌhuërin. Insëquësona chitoro chiniconpachina, inaquë chinotapi.

Números 9:17 ပူးပေါင်းရင်းမြစ်များ

Salmos 32:8

Sinioronënpoa naporin: “Carinquën catahuaranquën noꞌtëquën yonquicasoꞌ. Anitotaranquën maꞌsona nicacasoꞌ. Noyasha pënënatënquën, noya ira aꞌnorëso pochin nitaranquën.

Salmos 73:24

Noya nicaꞌhuaso marëꞌ nani tahuëri ayonquiranco. Aꞌna tahuërintaꞌ, inápaquë quëpantaranco huachi.

Éxodo 17:1

Yaꞌipi israiroꞌsa Sin inotëro quëran pipiantapi. Yosëri camairinso natëtonaꞌ, oshaquëran paꞌsapi. Paꞌsápatona Rihuitin parti canconpi. Napoaponahuëꞌ, co iꞌsha yaꞌhuëantarinhuëꞌ oꞌocaisoꞌ.

Isaías 49:10

Co huachi tanaponahuëꞌ. Co huachi yamoroaponahuëꞌ. Co piꞌiri tëranta piꞌcaton aparisitaponhuëꞌ. Cari nosoroato insëchinsona pacacaisoꞌ, aꞌnotapo. Huinanoꞌsa yaꞌhuërinquë cari quëpapo.

Números 9:22

Aꞌna tahuërisoꞌ, chitoro cara tahuëriíchin chinotacaso pëi aipi yaꞌhuërin. Aꞌna tahuërisoꞌ, aꞌna yoquiraꞌ. Aꞌna tahuërintaꞌ, aꞌna piꞌiraꞌ yaꞌhuërárin. Inapohuachina, israiroꞌsa co huachi paꞌpihuëꞌ. Napoaponahuëꞌ, niotëantahuachina, israiroꞌsa paantapi.

Juan 10:9

Casáchin yaꞌcoana pochin ninahuë. Ca quëran yaꞌconpatamaꞌ, chaꞌësaramaꞌ. Ohuicaroꞌsaꞌ pipirahuatonaꞌ, noya coshatopi. Ina quëran yaꞌcoantapi. Inapochachin imarinacosopita noya paꞌsapi.