Números 6:27 - Chayahuita (Shahui)

²⁷ Ina pochin corto huaꞌanoꞌsari, onpopinsona ninahuëso israiroꞌsa shaꞌhuitaponaꞌ. Inapohuachina carintaꞌ, inapita nosoroato catahuamiatarahuë,” itërin.

Números 6:27 ပူးပေါင်းရင်းမြစ်များ

Génesis 32:26

Quëmapi yaꞌnorinsosoꞌ, Cacopo itapon: —Aꞌpoco huachi, nani tahuëririarin, itërin. —Coꞌsoꞌ noya yaꞌhuëcaꞌhuaso marëꞌ shaꞌhuitohuatancohuëꞌ, co aꞌpoaranquënhuëꞌ, itërin inarintaꞌ.

Génesis 32:29

—Iporasoꞌ quëmantaꞌ nininën shaꞌhuitoco, itërin Cacopori. Napotopirinhuëꞌ, inariso itapon: —Co quëmasoꞌ nininëhuë natanancoso yaꞌhuërinhuëꞌ, itërin. Ina quëran inaquë chachin Cacopo noya yaꞌhuëcaso marëꞌ shaꞌhuitërin.

2 Samuel 7:23

Israiroꞌsacoisoꞌ, piyapinënpitacoi. Nishatërai niꞌton, co aꞌna nacion tëranta quiya pochin yaꞌhuërinhuëꞌ. Iquipito quëran nichaꞌërahuatoncoi, huaꞌanëntërancoi. Nisha nisha nacionoꞌsa isëquë yaꞌhuëpirinahuëꞌ, ocoiran. Inapitasoꞌ nisha nisha mamanshi moshapirinahuëꞌ, napotëran. Huëhuëpiro nitaton ocoiran niꞌton, sacóshin nahuinan.

Éxodo 6:3

Shimashonënpita iráca co nininëhuë chachin nohuitopihuëꞌ: “Sinioro,” co itërinacohuëꞌ: “Yosë yaꞌipi nanitaparinsoꞌ,” itërinaco topinan.

Isaías 43:7

Inapitasoꞌ ca pochachin ninintopi. Cari chachin inapitaso acorahuë. Catahuarahuëso nicatonaꞌ, yaꞌipiya quëran paꞌyatiinacoso marëꞌ acorahuë.

Jeremías 14:9

Catahuancoiso marëꞌ co manta ninanhuëꞌ niꞌton, quëmapi huaꞌyantërinso pochin yaꞌnoran. Ahuëtonaꞌpisoꞌ, noya paꞌpoyatërin. ¡Quëmaso nipirinhuëꞌ, co nanitërinsohuë pochin niconan! Quëmaso Sinioro napoaponahuëꞌ, yaꞌhuëraiso huáncana nisaran. Piyapinënpitacoi ninaisoꞌ, yaꞌipiya quëran nitotopi. Ama patocoisohuëꞌ, itërahuë.

Números 23:20

Nani Yosë camairinco israiroꞌsa noya yaꞌhuëcaiso marëꞌ shaꞌhuitaꞌhuasoꞌ. Yosëri chachionta nani inapita noya yaꞌhuëcaiso marëꞌ shaꞌhuitërin. Napoaton co nanitërahuëꞌ naponin yaꞌhuëcaiso marëꞌ shaꞌhuitaꞌhuasoꞌ.

Mateo 28:19

Napoaton canpita paatomaꞌ, yaꞌipi piyapiꞌsaꞌ aꞌchintocoꞌ. Nisha nisha nananquë nonpisopita aꞌchintocoꞌ imainaco. Insosona natëhuachinaco, iꞌquë aporintocoꞌ. “Tata Yosë, Huiꞌnin, Ispirito Santo inapita nanan quëtërincoi niꞌton, aporintaranquën,” itahuatomaꞌ, aporintocoꞌ.

Efesios 1:3

Ma noyacha Tata Yosëso paya. Sinioro Quisocristo paꞌpin inasoꞌ. Inápa quëran noya noya yonquirinpoaꞌ. Quisocristo imarëhuaꞌ niꞌton, naꞌcon catahuarinpoaꞌ noya noya cancantacaso marëꞌ. Oshanënpoaꞌ inquitatonpoaꞌ, anoyacancantërinpoaꞌ. Ina quëran nani tahuëri catahuarinpoaꞌ nohuantërinso chachin nicacasoꞌ. Co inápaquë yaꞌhuëyatërarihuarahuëꞌ, inatohuaꞌ yaꞌhuëarëhuaso pochin Yosë nohuitërëhuaꞌ. Ina yonquiatëhuaꞌ, “Yosparinquën Sinioro,” itahuaꞌ.