Números 6:25 - Chayahuita (Shahui)

²⁵ Sinioro quëma marëꞌ noya cancanchin. Nosoromiatërinquënsoꞌ, aꞌnochinquën.

Números 6:25 ပူးပေါင်းရင်းမြစ်များ

Génesis 43:29

Cosiso yonquitopirinhuëꞌ, Mincamin quënanin. Inaso iyaꞌhuain. Ina yoꞌnanquëranchin nipisoꞌ. Ina tasatahuaton, natanin: —¿Isona: “Iyaꞌhua aꞌna huëshirai” tënamaso ti? itahuaton, iin itapon: “¡Yosë chachin huaꞌhua catahuainquën!” itërin. Napotaso chachin iin niꞌsahuaton, naꞌnëchináchin cancantërin. Napoaton aꞌnaroáchin patoananënquë yaꞌconahuaton, naꞌnërin.

Salmos 119:135

Caso piyapinënco. Noya nicatonco pënëntëransopita aꞌchintoco.

Salmos 80:19

Quëmasoꞌ Sinioronquën, yaꞌipi nanitaparan. Catahuacoi iráca pochachin niantaꞌi. Noya nicatoncoi nichaꞌëpatancoi, chaꞌësarai huachi.

Salmos 80:7

Quëmaso Yosënquën. Yaꞌipi nanitaparan. Catahuacoi iráca pochachin niantaꞌi. Noya nicatoncoi nichaꞌëpatancoi, chaꞌësarai.

Éxodo 33:19

—Noya niꞌnahuësopita nosoromiatërahuë. Napoaton naꞌhuëtohuatënquën, noya noya ninahuëso niꞌsaran. Naporoꞌ nininëhuë shaꞌhuiarahuë. Caora nohuanto piyapiꞌsa nosororahuë. Co noyahuëꞌ nipirinahuëꞌ, nosoroato catahuarahuë.

Daniel 9:17

Quëmaso Sinioro Yosënëhuëinquën. Caso piyapinënco nipirahuëꞌ nontaranquënsoꞌ natanco. Natanatonco pëinën nishinahuën acopisoꞌ yonquiquëꞌ. Catahuaantahuatancoi: ‘¡Ma noyacha Siniorori catahuarin paya!’ taꞌtonaꞌ, piyapiroꞌsa paꞌyatarinën.

Malaquías 1:9

Corto huaꞌanoꞌsanquëmaꞌ. Nosoroatënquëma catahuaꞌhuanquëmaso marëꞌ nontoco. Ina marëꞌ canpitaso yaꞌhuërama nipirinhuëꞌ. Ina pochin maꞌsha nininsopita aꞌnotëramaco. Ina pochin nipatamaꞌ, co carimanta noya nicaꞌhuanquëmaso yaꞌhuërinhuëꞌ. Caso Sinioroco yaꞌipi nanitapato shaꞌhuitaranquëmaꞌ:

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Romanos 1:7

Napoaton Nomaquë yaꞌhuëramasopita ninshitaranquëmaꞌ. Yosë paꞌpi nosororinquëmaꞌ. Nani acorinquëmaꞌ piyapinënpita nicacamasoꞌ. Niꞌton, inasáchin yonquicasoꞌ yaꞌhuërin. Tata Yosë inaora nohuanton, catahuainquëmaꞌ. Asanocancainquëmaꞌ. Quisocristontaꞌ inapochachin catahuainquëmaꞌ. Inasoꞌ huaꞌanëntërinpoaꞌ.