Números 27:21 - Chayahuita (Shahui)

²¹ Napoaponahuëꞌ, Cosoi huaꞌan yaꞌconaton maꞌsona yanipachin, Iriasaro corto huaꞌanquë paꞌsarin. Inari huachi Cosoi yaꞌhuërënamën shaꞌhuitaꞌhuaso marëꞌ Orin quëran natanaponco. Anitotërahuëso chachin Cosoiri israiroꞌsa camaiapon, itërin.

Números 27:21 ပူးပေါင်းရင်းမြစ်များ

Malaquías 2:7

Ina pochin mini corto huaꞌanoꞌsasoꞌ, piyapiꞌsa aꞌchintacaiso yaꞌhuërin. Aꞌchintohuachinaꞌ, nohuitarinaco huachi. Yaꞌipi piyapiꞌsa inapitari aꞌchintacaiso marëꞌ paapacaiso yaꞌhuërin. Ca Sinioroco yaꞌipi nanitaparahuësoꞌ, inapita quëran anitotaranquëmaꞌ.

Números 27:22

Siniorori camairinso chachin Moisësësoꞌ, yaꞌipi ninin. Cosoi masahuaton, Iriasaro corto huaꞌanquë quëparin. Naporahuaton yaꞌipi israiroꞌsa niyontonpiquë shaꞌhuitërin inari yaꞌhuërëtacasoꞌ. Ina quëran sëꞌhuamotorahuaton, ina marëꞌ Yosë nontërin. Inapotaton israiroꞌsa camaicaso marëꞌ acorin.

Deuteronomio 31:3

Napoaponahuëꞌ, Sinioronënpoaso Yosë niꞌton, quëchitahuaton quëpaarinquëmaꞌ. Paꞌnamaquë nacionoꞌsa quënanamasoꞌ, inari ataꞌhuantëraꞌpiapon. Canpitari noꞌpanëna macacamaso marëꞌ inapotapon. Siniorori nani huayonin niꞌton, piyapinëhuë Cosoi itërëhuasoꞌ, huaꞌanëma nisarin.

Deuteronomio 33:8

Nihui huënton israiroꞌsanta yonquiaton, tapon: “Orin, Tomin, inapitaso quëmaquën ninin Sinioro. Quëmari corto huaꞌanoꞌsa quëtëran. Inahuasoꞌ, quëmasáchin cancantërinën. Masa, itopiquë tënirahuaton, Miripa iꞌsha itopiquë chiníquën pënënan. Inaquë chachin piyapinënpita marëꞌ, iꞌsha naꞌpi quëran ocoitëran.

1 Samuel 14:19

Corto huaꞌan nontaton napotopirinhuëꞌ, huiristinoꞌsa yaꞌhuëapiquësoꞌ, aquë aquëtë paꞌyanapi. Huaꞌyantatonaꞌ, “yai,” tërëꞌnachin taꞌa taꞌarantapi. Ina nicaton Saonoso corto huaꞌan itapon: —Ama huachi quëquësohuëꞌ. Apiramiachin ahuëta marëꞌ pacacaso yaꞌhuërin, itërin.

1 Samuel 28:6

Napoaton Yosëri anitotacaso marëꞌ natanin. Natanpirinhuëꞌ, co inariso aꞌpanirinhuëꞌ. Huaꞌnarin quëran, Orin quëran, pënëntonaꞌpiroꞌsa quëran, inapita quëran anitotacaso nohuantopirinhuëꞌ, co anitotërinhuëꞌ.