Números 24:9 - Chayahuita (Shahui)

⁹ Israiroꞌsa chinotai marëꞌ quëhuënpachinara, paꞌpiniroꞌsa pochachin niconpi. Co macari tëranta ochinanaponhuëꞌ. Inpitarisona inapita noya yaꞌhuëcaiso marëꞌ shaꞌhuitohuachinaꞌ, inapitanta noya yaꞌhuëcaiso marëꞌ shaꞌhuitaponaꞌ. Inpitarisona ama huachi noya yaꞌhuëcaiso marëhuëꞌ shaꞌhuitohuachina, inapitanta inapotacaiso yaꞌhuërin,” tënin.

Números 24:9 ပူးပေါင်းရင်းမြစ်များ

Génesis 12:3

Inpitasona noya nicatënën catahuahuachinën, carinta inapita inapotarahuë. Inpitasona co huachi noya yaꞌhuëcamaso marëhuëꞌ shaꞌhuitohuachinën, carinta inapita napotarahuë. Quëmá quëran, yaꞌipi piyapiꞌsa nisha nisha nipisopita catahuararahuë,” itërin.

Génesis 27:29

Huaꞌhuayátërahuë piyapiꞌsa camaiquëꞌ. Nacionoꞌsanta tëꞌhuatatënën natëinënquën. Iyaparinpitanta camaiquëꞌ. Tëꞌhuatatënën inapitanta natëinënquën. Noꞌhuitënën co huachi noya yaꞌhuëcamaso marëhuëꞌ shaꞌhuitohuachinën, Yosërinta inapotarin. Inpitasona noya yaꞌhuëcaso marëꞌ shaꞌhuitohuachinën, Yosërinta inapotarin,” itërin.

Génesis 49:9

Quëmasoꞌ conpa masho, Cota itëranquën. Paꞌpiniaꞌhua pochin chinimiatëran. Mapintahuaton paꞌpiniꞌ pëꞌinihuachina, mónsho mónsho tërarinquëran quëhuënin huachi. Panca paꞌpiniꞌ pochin ninan. ¡Paꞌpiniꞌ chinotasoꞌ, co incari tëranta apisarinhuëꞌ! Inapochachin quëmanta inimiconënpita nitaponën.

1 Reyes 10:20

Aꞌnaya aꞌnaya achinanoꞌsaquëntaꞌ, cato cato paꞌpiniꞌ nonanpisoꞌ acoraꞌpiapi. Aꞌnatëran aꞌnatëran aꞌnara acopi. Yaꞌipiya quëran shonca cato yaꞌhuërin. ¡Co onporonta aꞌna parti ina shira pochin nichinpihuëꞌ!

Copo naporinso' 41:10

Insoari tëranta apipachin, inaso noꞌhuitarin. ¡Napoaton co insonta ina apicaso yonquiarinhuëꞌ!

Salmos 122:6

Quirosarinquë sano yaꞌhuëcaiso marëꞌ Yosë nontocoꞌ. Quirosarin paꞌyatërëhuasopitasoꞌ, noya yaꞌhuëaꞌahuaꞌ.

Salmos 2:12

Isonama quëran huiꞌnin chinotocoꞌ. Inapotatomaꞌ, apinorantëcoꞌ. Coꞌhuara noꞌhuiyátërasënquëmahuëꞌ, inapocoꞌ. Noꞌhuihuachinquëmasoꞌ, pahuayanpiramahuëꞌ chiminaramaꞌ. Coꞌsoꞌ chinotohuatamahuëꞌ, aꞌnanaya inaso noꞌhuiarinquëmaꞌ. Ina natëtoma chinotohuatamaso nipirinhuëꞌ, tëhuënchachin noya cancantaramaꞌ.

Isaías 31:4

Isontaꞌ, Sinioro naporinso shaꞌhuitaantaꞌinquëmaꞌ: “Paꞌpiniꞌ ohuica mapachina, noꞌhuitárin. Napoasoꞌ, co aꞌpainaꞌpiroꞌsa tëranta tëꞌhuatërinhuëꞌ. Notohuaroꞌ niyontonatona noꞌhuipirinahuë tërantaꞌ, co mapinën patarinhuëꞌ. Inapochachin caso Sinioroco nisarahuë. Yaꞌipi nanitapato, Quirosarin paꞌpoyaꞌhuaso marëꞌ oꞌmarahuë.

Miqueas 5:8

Naporoꞌ aꞌnapitanta nisha nisha nacionquë yacapatapirinahuëꞌ, paꞌpiniꞌ pochin nicaponaꞌ. Yaꞌipi maꞌsharoꞌsa quëran paꞌpinisoꞌ, chini chiníquën ninin. Inapochachin inapitanta nicaponaꞌ. Paꞌpiniri ohuicaroꞌsa yaꞌcontaton, tiquirinso pochin co aꞌnaya tëranta nichaꞌëponahuëꞌ.

Números 22:12

—Ama inapitarëꞌquën paquësohuëꞌ. Naporahuaton co ina piyapiroꞌsa inapotamaso yaꞌhuërinhuëꞌ. Inapitasoꞌ cari chachin noya yaꞌhuëcaiso marëꞌ nani shaꞌhuitërahuë, itërin Yosëri.

Números 22:6

Chini chiníquënoꞌsa niꞌton, maꞌshátërahuë quiyasoꞌ canaponacoi. Napoaton aꞌnaroáchin huëcaton, ama huachi noya yaꞌhuëcaiso marëhuëꞌ quëmari shaꞌhuitiiquëꞌ. Quëmasoꞌ noya yaꞌhuëcaiso marëꞌ shaꞌhuitohuatana, ina inachachin ninin. Naporahuaton ama huachi noya yaꞌhuëcaiso marëhuëꞌ shaꞌhuitohuatanantaꞌ, ina inachachin ninin. Quëmari inapotohuatan, tapona minsërahuatoi, yaꞌhuërai quëran yaaꞌparai,” itocoꞌ, itërin.

Números 23:24

Yosë piyapinënpita nani huanipi huachi. Paꞌpiniꞌ yamapintërinso pochin inahuaso niponaꞌ. Mapintaquë huarëꞌ paꞌpiniꞌ chinotërin. Ina pochin inahuasoꞌ nisapi. Mapinën huënaiꞌ oꞌóta huarëꞌ sanorinso pochin nisapi,” tënin Paramo.

Números 24:10

Paramo naporinso natanahuaton, Paracoso paꞌpi noꞌhuitërin. Noꞌhuitaton pinca tëcapon pochin tapon: —Inimiconëhuëpita ama huachi noya yaꞌhuëcaiso marëhuëꞌ shaꞌhuitëquëꞌ, taꞌto amatopiranquënhuëꞌ, nani cara cararo noya yaꞌhuëcaiso marëꞌ shaꞌhuitëran.

Mateo 25:40

‘Coꞌta, imarinacosopita parisitohuachinara, catahuaramaꞌ. Topinan piyapiꞌsaꞌ, saꞌahuaroꞌsaꞌ, inapita maꞌsha pahuantohuachinara, quëtëramaꞌ. Imatomaco, aꞌnapita catahuaramaꞌ niꞌton, cantaꞌ catahuaramacoso pochin niꞌnahuë,’ itarahuë.

Mateo 25:45

‘Coꞌta imarinacosopita parisitopirinahuëꞌ, co catahuaramahuëꞌ. Saꞌahuaroꞌsaꞌ maꞌsha pahuantopirinahuëꞌ, co quëtëramahuëꞌ. Co inapita nosororamahuëꞌ niꞌton, co cantaꞌ nosororamacohuëꞌ,’ itarahuë. Itahuato, aꞌpararahuë huachi.

Hechos 9:5

“¿Inquëntaꞌ quëmasoꞌ, Sinioro?” itërin Saonori. “Ca Quisosoco, aparisitarancosoꞌ.

Deuteronomio 30:7

Sinioronënpoasoꞌ Yosë niꞌton, yaꞌipi anaꞌintiinquëmaso shaꞌhuirinsoꞌ, inimiconëmasaꞌ anaꞌintapon. Co quëꞌyarinënquëmasopitasaꞌ inapotapon.