Números 24:8 - Chayahuita (Shahui)

⁸ Tanan ohuacasoꞌ noꞌhuitohuachina, pomonën quihuirin. Inapochachin israiroꞌsantaꞌ, Yosëri chiníquën nanantaton Iquipito quëran ocoirin niꞌton, inasáchin quihuípi. Israiroꞌsasoꞌ, nisha nisha nacionoꞌsa canaponaꞌ. Maꞌsha capatë pëꞌyarëso pochin inimicoroꞌsa nitaponaꞌ. Nansëna paꞌqui paꞌquitatonaꞌ, pëꞌchinan shinërënëna quëran papito papitotaponaꞌ. Ina pochin inimicoroꞌsa nitaponaꞌ.

Números 24:8 ပူးပေါင်းရင်းမြစ်များ

Salmos 2:9

Huaꞌna huaraquë copirnoroꞌsa ataꞌhuantaran. Noꞌpaꞌ huëꞌëta nipatërëso pochin nitaran,’ itërinco,” tënin.

Daniel 6:24

Ina quëran copirnosoꞌ, camaitërin: “¡Naniri shaꞌhuirapipisopita huaꞌanoꞌsaꞌ, chirinchiroꞌsaꞌ, saꞌinaꞌ, huiꞌninaꞌ, inapita macoꞌ! ¡Nani mapatamaꞌ, paꞌpiniroꞌsa yaꞌhuërinquë tëꞌyatocoꞌ!” tënin. Napotohuachina, inapotopi. Inapitasoꞌ ipora tëꞌyatasoi chachin, paꞌpiniroꞌsari macatona paꞌsa paꞌsatopi.

Números 14:9

Napoaton Sinioro natëcoꞌ. Ama yaꞌhuëhuanoꞌsa tëꞌhuatocosohuëꞌ. Co oshatarihuahuëꞌ minsëcasoꞌ. Inahuaso co Yosë natëpihuëꞌ niꞌton, co incari tëranta catahuarinhuëꞌ. Canpoaso nipirinhuëꞌ, Sinioro chachin catahuararinpoaꞌ. ¡Ama manta tëꞌhuatocosohuëꞌ! itopi.

Números 21:5

Noꞌhuitatonaꞌ, Sinioro pinopi. Moisësënta itaponaꞌ: —¡Maꞌmarëcha Iquipito quëran ocoirancoi paya! ¿Iso inotëro parti chiminaꞌhuaiso marëꞌ quëntamarancoi ti? Capa iꞌsha, capa cosharo yaꞌhuërinhuëꞌ. Manaíchin capatoi nosorotarai, itopi.

Números 23:22

Tanan ohuacasoꞌ noꞌhuitohuachina, pomonën quihuirin. Inapochachin israiroꞌsantaꞌ, Yosëri chiníquën nanantaton Iquipito quëran ocoirin niꞌton, inasáchin quihuípi.

Números 23:24

Yosë piyapinënpita nani huanipi huachi. Paꞌpiniꞌ yamapintërinso pochin inahuaso niponaꞌ. Mapintaquë huarëꞌ paꞌpiniꞌ chinotërin. Ina pochin inahuasoꞌ nisapi. Mapinën huënaiꞌ oꞌóta huarëꞌ sanorinso pochin nisapi,” tënin Paramo.

Mateo 2:15

Irotisë chiminaquë huarëꞌ inaquë yaꞌhuëpi. Iráca Yosë nohuanton, pënëntonaꞌpi ninorin: “Huiꞌnahuë Iquipitoꞌpaꞌ yacapatopirinhuëꞌ, ina quëran ocoiarahuë,” tënin Yosë. Huiꞌnin chachin Iquipitoquë yacapatohuachina, ninorinsoꞌ nanirin huachi.

Deuteronomio 32:23

Pëꞌchinan camayo maꞌsha yatëpaton, inantërinso pochin nisarahuë. Naꞌcon parisitacaso aꞌpatimaranquëmaꞌ. Nani maꞌsha quëran parisitaramaꞌ.

Deuteronomio 32:42

Pëꞌchinan shinërëquë inimicoroꞌsa tëpahuatëra, huënaisáchin shinërëroꞌsa acorëꞌ. Inapochachin anaꞌintohuato co insonta chaꞌësarinhuëꞌ. Sahuëninëhuë quëran inapita tiquiarahuë. Acaniaꞌpitopisopita, topinan mapisopita, yaꞌipi inapita tëparahuë. Ainëna aꞌpamapisopitaquë huarëꞌ tëparahuë,’ tënahuë,” tënin.

Deuteronomio 7:1

Naquëranchin Moisësëri israiroꞌsa nontaantarin: “Sinioroso Yosënënpoa niꞌton, catahuarinquëma noꞌpaꞌ quëtarinquëmaquë yaꞌconacamasoꞌ. Ina marëꞌ canchisë nacionoꞌsa aꞌpararin. Canpita quëran naꞌcon naꞌcon niꞌtona chini chiníquën nanantopirinahuëꞌ, aꞌpararin. Cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, quiriquiroꞌsaꞌ, iporoꞌsaꞌ, quiposoroꞌsaꞌ, inapita itopisoꞌ aꞌpararin.

Josué 2:10

Canpita Iquipito quëran pipihuatamara, Yosëri Quëhuai marë ayanirin. Pëntonamaso marëꞌ napotërin. Naporahuaton cato amoro copirnoroꞌsa ataꞌhuantëramaꞌ. Piyapinënapitarë chachin napotëramaꞌ. Inapitasoꞌ Cortaniiꞌ aquëtëran yaꞌhuëpirinahuëꞌ, napotëramaꞌ.