Números 24:5 - Chayahuita (Shahui)

⁵ Cacopo shinpitanquëma ninamasoꞌ: ¡Ma noyápiachincha nëꞌmëtë pëinëmaso paya! Israiroꞌsanquëma ninamasoꞌ: ¡Ma noyápiachincha yaꞌhuëramaso paya!

Números 24:5 ပူးပေါင်းရင်းမြစ်များ

Salmos 84:2

Ina iꞌiratëquë canconaꞌhuaso marëꞌ co napion cancantarahuë. Quëma nohuanton Sinioro nanpirai. Yaꞌipi cancanëhuë quëran quëma cantanën cantararahuë.

Levítico 23:42

Ina canchisë tahuëriꞌsa chachin canpitaso israiroꞌsanquëmaꞌ, chinotatomaco imënamëroꞌsaquë yaꞌhuëaramaꞌ.

Malaquías 2:12

Inapoapomarahuë canpitasoꞌ: “¿Onpoatoncha Siniorosoꞌ maꞌsha ina marëꞌ quëshipirëhuahuëꞌ, co noya cancantaton maꞌparinpoahuëꞌ?” toconamaꞌ. ¡Maꞌchaꞌ naporamasopita yaꞌhuërëhua quëran, Sinioro yaꞌipi nanitapaton ataꞌhuantërinquëmahuë paya! Ina quëtacaso marëꞌ maꞌsha quëshipiramahuëꞌ, artaronënquë naꞌnëmiatopiramahuëꞌ, inapotërinquëma naporini, noya niitonhuëꞌ. Yaꞌipi naporamasoꞌ, nani Sinioro niꞌninquëmaꞌ. Huiꞌnapitasëma sanapi macacaso marëꞌ anoyatëramaꞌ: “Chiminaquë huarëꞌ aꞌpoaranquën,” itëramaꞌ. Napopiramahuëꞌ, saꞌama tëꞌyatatatoma aꞌna manamaꞌ.

Números 24:2

Yaꞌipi israiroꞌsa yaꞌhuëpiquë, aꞌna huënton aꞌna huënton nëꞌmëtë pëinëna ótënaꞌpiapi quënanin. Naporo chachin Yosë ispiritonëni, yaꞌcoancantërin huachi.

Números 24:4

Yosë ispiritonën yaꞌcoancantohuachincora, noya noya nitotërahuë. Yosë chachin nanan anitotërinco. Co huëꞌëporahuëꞌ, huaꞌnarëso pochin quënanahuë. Ina Yosëso yaꞌipi nanitaparin.

Números 24:6

Palmeraroꞌsa panshinquë shaꞌpiso pochin yaꞌhuëramaꞌ. Yanco iminoꞌsa iꞌ yonsanquë shaꞌpiso pochin yaꞌnoramaꞌ. Sinioro shinparotërinso pochin ninamaꞌ. Nonara iꞌ yonsanquë huaniáporinso pochin yaꞌhuëramaso yaꞌnorin.

Deuteronomio 33:29

¡Mainacha canpoasoꞌ israiroꞌsanpoa ninëhua paya! Co inso nacion tërantaꞌ, canpoa pochin nininhuëꞌ. Sinioro chachin nichaꞌërinpoaꞌ. Ina chachin paꞌpoyarinpoaꞌ. Catahuarinpoaꞌ, napotërinpoaꞌ. Inimiconënpoapita, sahuëninënpoa quëran minsërëhuaꞌ. Ina pochachin Sinioronta catahuarinquëmaꞌ, inimicoroꞌsa minsëaramaꞌ. Inimiconëma ahuërapiramahuëꞌ, co nanitatonaraihuëꞌ moshaponëmaꞌ: ‘Ama huachi niahuëaꞌhuasohuëꞌ. Nohuantëramasoꞌ natancoi quëchinquëmaꞌ,’ itaponënquëmaꞌ. Inapotatoma atapanapoma huachi,” itërin Moisësë israiroꞌsa nontaton.

Josué 24:10

Inaso nipirinhuëꞌ, co caso nohuantërahuëꞌ inapotinëmasoꞌ. Co inapotatënquëmarahuëꞌ ca nohuanto noya yaꞌhuëcamaso marëꞌ shaꞌhuitërinquëmaꞌ. Inapotatënquëma nichaꞌëranquëmaꞌ.