Números 24:4 - Chayahuita (Shahui)

⁴ Yosë ispiritonën yaꞌcoancantohuachincora, noya noya nitotërahuë. Yosë chachin nanan anitotërinco. Co huëꞌëporahuëꞌ, huaꞌnarëso pochin quënanahuë. Ina Yosëso yaꞌipi nanitaparin.

Números 24:4 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

Génesis 15:12

Nani tashiahuachina, Apransoꞌ noyá huëꞌëtërin. Aꞌnanaya paꞌpi tashirori imotërin niꞌton, tëꞌhuatërin.

1 Reyes 22:17

Naporoꞌ Micaiasë tapon: “Paꞌpatan maꞌsona onpocamasoꞌ nani ninorahuë. Ohuicaroꞌsa co huaꞌanëhuanhuë pochin Israiro sontaroꞌsa motopiroꞌsa yanquëëtopi. Napopi niꞌton, Sinioro shaꞌhuitërinco: ‘Inapitasoꞌ co huaꞌanëna yaꞌhuëtopihuëꞌ. Napoaton noya quëran yaꞌhuëpiꞌpaꞌ paantaꞌinaꞌ,’ tënin,” itërin.

Salmos 89:19

Piyapinënpita huaꞌnatopiquë pochin yaꞌnotaton, shaꞌhuitëran: “Piyapinëhuëpita quëran aꞌnara quëmapi chiníquën cancantërinso huayonahuë. Cari catahuarahuë niꞌton, noya noya acorahuë.

Números 22:20

Naporo tashi Siniorori yaꞌnotantarahuaton, itapon: —Quëma marëꞌ huëꞌpachinasoꞌ, imaquë nipachin. Napoaponahuëꞌ, maꞌsona nohuantërahuësoráchin quëmasoꞌ nisaran, itërin.

Números 22:31

Naporoꞌ Sinioro nohuanton, Paramonta Yosë anquëninën quënanin huachi. Sahuëni sëꞌquëaton iraquë huaniárin quënanin. Ina quënanahuaton isonin. Isonin quëran noꞌpaquë huarëꞌ monshorahuaton, mosharin.

Números 24:15

Naporoꞌ Paramo, Yosë yonquirinso shaꞌhuirin. “Caso Paramoco. Tatahuësoꞌ, Pioro itopi. Yosë nohuantërinsoꞌ nitotato, noꞌtëquën shaꞌhuitaranquën.

Números 24:5

Cacopo shinpitanquëma ninamasoꞌ: ¡Ma noyápiachincha nëꞌmëtë pëinëmaso paya! Israiroꞌsanquëma ninamasoꞌ: ¡Ma noyápiachincha yaꞌhuëramaso paya!

Hechos 10:10

Tanaton, yacoshatopirinhuëꞌ. Aꞌna piyapiri cosharoꞌ nitasoꞌ, Pitro huaꞌnarëso pochin quënanin.

Hechos 10:19

Pitroso nipirinhuëꞌ co nataninhuëꞌ. Huaꞌnarëso pochin niꞌninsoꞌ yonquirárin. Yonquiasoꞌ, Ispirito Santori itërin: “Apira cara quëmapi yonisarinquën.

Hechos 22:17

Ina quëran Quirosarinquë paantahuatëra, Yosë chinotopiso pëiquë paꞌnahuë. Inaquë Yosë nontasoco, huaꞌnarëso pochin niꞌnahuë.

Apocalipsis 1:10

Iꞌhua Tomio tahuëri Yosë chinotasoco, Ispirito Santo nohuanton, huaꞌnarëso pochin quënanahuë. Co huëꞌëpirahuëꞌ, pinëhuë quëran chiníquën nontërinco, natanahuë. Tronpita pihuirinso pochin natanahuë.

Apocalipsis 1:17

Ina niꞌsahuato, paꞌyanahuë. Chimipi pochin anotërahuë. Nantën pirayan anotopirahuëꞌ, inchinan quëran sëꞌhuarahuatonco, nontërinco. —Ama tëꞌhuatocosohuëꞌ. Casoꞌ iráca quëran huarëꞌ yaꞌhuërahuë. Co onporontaꞌ taꞌhuantarahuëꞌ.

1 Samuel 19:24

Naporahuaton oꞌnanpiramantarin. Oꞌnanpirapi Samoiro notënanquë yaꞌipi tahuëri yaꞌipi tashi quëhuënárin. Napoaton piyapiꞌsa nonpachinara paꞌyatopi napocaisoꞌ: “¡Saononta pënëntonaꞌpi antaꞌ!” topi.