Números 24:3 - Chayahuita (Shahui)

³ Yaꞌcoancantohuachina, Yosë yonquirinso shaꞌhuiton naporin: “Caso Paramoco. Tatahuësoꞌ, Pioro itopi. Yosë nohuantërinsoꞌ nitotato, noꞌtëquën shaꞌhuitaranquën.

Números 24:3 ပူးပေါင်းရင်းမြစ်များ

1 Reyes 22:17

Naporoꞌ Micaiasë tapon: “Paꞌpatan maꞌsona onpocamasoꞌ nani ninorahuë. Ohuicaroꞌsa co huaꞌanëhuanhuë pochin Israiro sontaroꞌsa motopiroꞌsa yanquëëtopi. Napopi niꞌton, Sinioro shaꞌhuitërinco: ‘Inapitasoꞌ co huaꞌanëna yaꞌhuëtopihuëꞌ. Napoaton noya quëran yaꞌhuëpiꞌpaꞌ paantaꞌinaꞌ,’ tënin,” itërin.

1 Reyes 22:19

Ina quëran Micaiasësoꞌ, taantapon: —Naporanso marëꞌ Sinioro aꞌnotërincoso shaꞌhuichinquën natanquëꞌ: Sinioro huaꞌanëntacaso shiranënquë huënsëarin niꞌnahuë. Sontaronënpitantaꞌ, ina yaꞌcari huaniápopi. Inchinan quëran, ahuënan quëran huaniápopi.

Números 22:31

Naporoꞌ Sinioro nohuanton, Paramonta Yosë anquëninën quënanin huachi. Sahuëni sëꞌquëaton iraquë huaniárin quënanin. Ina quënanahuaton isonin. Isonin quëran noꞌpaquë huarëꞌ monshorahuaton, mosharin.

Números 23:18

Itohuachina, Paramosoꞌ Yosëri anitotërinsoꞌ, shaꞌhuiaantarin: “Paraco, quëmasoꞌ Sipor huiꞌninquën. Noya natanquë shaꞌhuichinquën:

Números 23:7

Naporoꞌ Paramosoꞌ, Yosëri anitotërinso shaꞌhuirin: “Moapo copirno Paraco itopisoꞌ, piꞌi pipirinso parti quëran amatërinco niꞌton, huëꞌnahuë. Aran motopiroꞌsa parti yaꞌhuëpirahuëꞌ: ‘Huëcaton israiroꞌsa ama huachi noya yaꞌhuëcaiso marëhuëꞌ shaꞌhuitiiquëꞌ. Cacopo shinpita co noyahuëꞌ yonquirapiton napotëquëꞌ,’ tënin, itërinaco.

Números 24:15

Naporoꞌ Paramo, Yosë yonquirinso shaꞌhuirin. “Caso Paramoco. Tatahuësoꞌ, Pioro itopi. Yosë nohuantërinsoꞌ nitotato, noꞌtëquën shaꞌhuitaranquën.

Números 24:16

Yosë ispiritonën yaꞌcoancantohuachincora, noya noya nitotërahuë. Yosë chachin nanan anitotërinco. Co huëꞌëporahuëꞌ, huaꞌnarëso pochin quënanahuë. Ina Yosëso chini chiníquën nanantaton yaꞌipi nanitaparin.

Números 24:4

Yosë ispiritonën yaꞌcoancantohuachincora, noya noya nitotërahuë. Yosë chachin nanan anitotërinco. Co huëꞌëporahuëꞌ, huaꞌnarëso pochin quënanahuë. Ina Yosëso yaꞌipi nanitaparin.