25 Yosë yonquirinso shaꞌhuirahuaton, Paramoso yaꞌhuërinꞌpaꞌ paantarin. Paraconta yaꞌhuërinꞌpaꞌ paꞌnin antaꞌ.
Noya nicatënquën naꞌcon yaacanapiranquënhuëꞌ, Sinioro yaꞌcopirinquën niꞌton, co inapotaranquënhuëꞌ. ¡Iporasoꞌ yaꞌhuëranquë paantaquë huachi! itërin.
Iporasoꞌ mini quëma naporanso chachin, yaꞌhuërahuëquë paantarahuë. Napoaponahuëꞌ, coꞌhuara paꞌshátërasocohuëꞌ, maꞌsona pasopita aꞌna tahuëri onpotiinquëmaso shaꞌhuichinquën.