Números 24:20 - Chayahuita (Shahui)

²⁰ Amaricoroꞌsa yaꞌhuëpiquë notërahuaton, Yosë yonquirinso shaꞌhuiantarin: “Amaricoroꞌsasoꞌ, chini chiníquënoꞌsaꞌ. Napopirinahuëꞌ, israiroꞌsari noyá ataꞌhuantapon,” tënin.

Números 24:20 ပူးပေါင်းရင်းမြစ်များ

Génesis 36:12

Inapitasoꞌ Ata aminpita. Iripasisoꞌ, aꞌna cosonanën yaꞌhuëtërin Timona itopi. Inaquëya huiꞌnahuanpachina, Amarico itërin.

Éxodo 17:14

Ina quëran Yosëri, Moisësë itapon: —Quirica masahuaton, amaricoroꞌsapitarëꞌquëma niahuëramasoꞌ, inaquë ninshitëquëꞌ. Ama insonta naniantacaso marëhuëꞌ ninshitëquëꞌ. Cosointa shaꞌhuitëquëꞌ. Naporin Yosë: “Ca nohuanto amaricoroꞌsaꞌ, taꞌhuantaponaꞌ. Napoaton co huachi inso tëranta inapita yonquiapihuëꞌ,” tënin, itëquëꞌ.

Éxodo 17:16

Ina quëran taantarin: “Sinioro pantiranën sëꞌquëárahuë niꞌton, Yosëri amaricoroꞌsa shinpita ahuërápon,” tënin.

Éxodo 17:8

Amaricoroꞌsari, israiroꞌsa ahuëcaiso marëꞌ huëcapaipi. Rihuitinquë niahuëpi.

Números 24:19

Ina copirnosoꞌ, Cacopo shiin nisarin. Inasoꞌ, inimicoroꞌsa minsëapon. Ninanoroꞌsaquë yaꞌhuëpisoꞌ, yaꞌipi noyá tiquiapon,” tënin.

Números 24:24

Sontaroꞌsa Chipri quëran nancharoꞌsaquë huëꞌsapi. Asiriaroꞌsa minsërahuatona ataꞌhuantaponaꞌ. Ipiri itopisoꞌ naciontaꞌ, napotaponaꞌ,” tënin.

Números 24:7

Israiroꞌsasoꞌ, notohuaroꞌ iꞌsha yaꞌhuëtapi. Oꞌocaisoꞌ, shaꞌtopiso opotacaisoꞌ, inapita marëꞌ yaꞌhuëtapi. Copirnonënantaꞌ, chini chiníquën nanantapon. Napoaton Acaco copirno canamiatapon.

Jueces 6:3

Israiroꞌsa shaꞌtopisoꞌ nanitaso chachin matianoꞌsaꞌ, amaricoroꞌsaꞌ, piꞌi pipirinso parti yaꞌhuëroꞌsaꞌ, inapitari yáhuëcapaipi. Huëcapairahuatona ahuëipi.

1 Samuel 14:48

Panca huënton sontaroꞌsa yontonahuaton, Saonosoꞌ amaricoroꞌsanta minsërin. Inapoaton, israiroꞌsa ihuatë huëntonoꞌsa quëran nichaꞌërin.

1 Samuel 15:2

Siniorosoꞌ yaꞌipi nanitaparin. Ina chachin iso pochin nanan aꞌpatërinquën: “Quëmá quëran amaricoroꞌsa anaꞌintaꞌhuasoꞌ yonquirahuë. Iráca Iquipito quëran israiroꞌsa pipihuachinara, inapitari ahuëimapi.