Números 24:2 - Chayahuita (Shahui)

² Yaꞌipi israiroꞌsa yaꞌhuëpiquë, aꞌna huënton aꞌna huënton nëꞌmëtë pëinëna ótënaꞌpiapi quënanin. Naporo chachin Yosë ispiritonëni, yaꞌcoancantërin huachi.

Números 24:2 ပူးပေါင်းရင်းမြစ်များ

Números 24:5

Cacopo shinpitanquëma ninamasoꞌ: ¡Ma noyápiachincha nëꞌmëtë pëinëmaso paya! Israiroꞌsanquëma ninamasoꞌ: ¡Ma noyápiachincha yaꞌhuëramaso paya!

Mateo 10:4

Aꞌna Simontaꞌ acorin. Inasoꞌ, copirno noꞌhuinaꞌpiroꞌsaꞌ imapirinhuëꞌ, iporasoꞌ Quisoso imasarin huachi. Cotasë Iscariotintaꞌ acopirinhuëꞌ, aꞌna tahuëri inari shaꞌhuirapiarinsoꞌ.

Mateo 10:8

Caniaꞌpiroꞌsaꞌ aꞌnaroáchin anoyatocoꞌ. Chimipiroꞌsantaꞌ, ananpitaantacoꞌ. Chana caniori maninsontaꞌ quënanpatamaꞌ, anoyatocoꞌ. Aꞌnapitantaꞌ sopairoꞌsari yaꞌcoancantopi niꞌton, paꞌpi huaꞌyantopi. Quënanpatamaꞌ, sopairoꞌsaꞌ aꞌpatocoꞌ piyapiꞌsaꞌ noyachinaꞌ. Co mantaꞌ pahuërëtapomarahuëꞌ, Yosësoꞌ inaora nohuanton, catahuarinquëmaꞌ niꞌton, ama pahuërë nitocosohuëꞌ.

Mateo 7:22

Ayaroꞌ tahuëri nanihuachin, naꞌa piyapiꞌsaꞌ nontaponaco: ‘Quëma nanamën Sinioro shaꞌhuirai. Quisoso nanan quëtërincoi, taꞌtoi sopairoꞌsaꞌ aꞌparai. Quëma pochin sacaiꞌ nininsopita ninai,’ itaponaco.

Lucas 10:20

Sopairoꞌsaꞌ aꞌpapiramahuëꞌ, ama ina marëáchin noya cancantocosohuëꞌ. Imaramaco niꞌton, Yosëꞌpaꞌ paꞌsaramaꞌ. Inatohuaꞌ nininëmaꞌ nani ninshitërinquëmaꞌ. Ina marëꞌ tëhuënchinsoꞌ nóya cancantocoꞌ, itërin.

Apocalipsis 1:10

Iꞌhua Tomio tahuëri Yosë chinotasoco, Ispirito Santo nohuanton, huaꞌnarëso pochin quënanahuë. Co huëꞌëpirahuëꞌ, pinëhuë quëran chiníquën nontërinco, natanahuë. Tronpita pihuirinso pochin natanahuë.

1 Samuel 10:10

Ina quëran Saono piyapinënë chachin Quipiaquë canconpi. Canconpachinara, aꞌna huëntonaca pënëntonaꞌpiroꞌsari nacapirin. Yosë yonquirinso shaꞌhuirëꞌnachin, huëꞌsapi nacapirin. Naporoꞌ Yosë ispiritonëni noyá yaꞌcoancantërin. Napoaton Saononta inapita pochachin Yosë yonquirinsoꞌ shaꞌhuirarin.

1 Samuel 19:20

Ina natantaton, piyapinënpita inatohua aꞌpaantarin. Tapi macontacaiso marëꞌ aꞌparin. Canconahuatona niꞌpirinahuëꞌ, Samoiroso aꞌna huëntonaca pënëntonaꞌpiroꞌsa ichipënëntarin niꞌconpi. Aꞌnanaya Yosë ispiritonëni inahuanta yaꞌcoancantohuachina, caniaritopi pënëntacaisoꞌ.

1 Samuel 19:23

Ina natanaton inaquë paꞌsapirinhuëꞌ, Yosë ispiritonëni inanta yaꞌcoancantërin. Yaꞌcoancantohuachina, inanta pënëntërin. Pënëntochináchin Nayotoquë huarëꞌ canconin.