Números 24:18 - Chayahuita (Shahui)

¹⁸ Itomoroꞌsanta misëapon. Inimiconën Sëir itopisoꞌ noꞌpanën, mataton huaꞌanëntapon huachi. Israiroꞌsasoꞌ ahuëtohuachinaꞌ, canatëraꞌpiaponaꞌ. Napopisoꞌ, nisha nisha parti nahuinapon.

Números 24:18 ပူးပေါင်းရင်းမြစ်များ

Génesis 27:29

Huaꞌhuayátërahuë piyapiꞌsa camaiquëꞌ. Nacionoꞌsanta tëꞌhuatatënën natëinënquën. Iyaparinpitanta camaiquëꞌ. Tëꞌhuatatënën inapitanta natëinënquën. Noꞌhuitënën co huachi noya yaꞌhuëcamaso marëhuëꞌ shaꞌhuitohuachinën, Yosërinta inapotarin. Inpitasona noya yaꞌhuëcaso marëꞌ shaꞌhuitohuachinën, Yosërinta inapotarin,” itërin.

Génesis 32:3

Naporoꞌ Cacoposoꞌ, comisionoꞌsa Isao shaꞌhuitacaiso marëꞌ Sëir noꞌpaquë aꞌparin: “Iyaꞌhua huënantárin niꞌton, iso pochin nanan aꞌpatiarinquën: ‘Ca iya masho huënantárahuë. Maꞌsona quëma camaitëranso nisarahuë. Cato shonca piꞌipi api Napano yaꞌhuërinquë yacapatërahuë.

Isaías 63:1

Aꞌnara huëꞌsarinso nicato: —Itomoroꞌsa copirnonëna yaꞌhuërinso ninanoꞌ, Posora itopi. Inatohuaran aꞌnara quëmapi huëꞌsarin. Quëhuanën quëran aꞌshitahuatë aꞌmorëso pochin huëꞌsarin. Chiníquën nanantonaꞌpi aꞌmorinso pochin aꞌmorin. Co macari tëranta chinitochináchinhuëꞌ, yaꞌnorin. ¿Incha inaso nicaya? tënahuë. Napoasoco chachin: —Ca huëꞌsarahuë. Canatërahuësoꞌ, shaꞌhuitaranquëmaꞌ. Chiníquën nanantato nichaꞌëcaꞌhuasoꞌ nanitaparahuësontaꞌ, shaꞌhuitaranquëmaꞌ, itërinco.

Amós 9:11

Naquëranchin Sinioro taantarin: “Co huaꞌquiya quëranhuëꞌ israiroꞌsa noya acoantarahuë. Iráca Tapi copirnori huaꞌanëntapon naporinso pochachin acoantarahuë.

Amós 9:12

Naporoꞌ israiroꞌsanquëmasoꞌ, itomoroꞌsa minsërahuatomaꞌ, noꞌpanëna huaꞌanëntapomaꞌ. Aꞌnapita nacionoꞌsanta inapotapomaꞌ. Ca Sinioroco noꞌtëquën shaꞌhuitaranquëmaꞌ,” tënin.

Números 20:18

Copirnoriso nipirinhuëꞌ, itapon: —¡Co naporinhuëꞌ! Co noꞌpanëhuëitaëchin naꞌhuëcamaso yaꞌhuërinhuëꞌ. Co natëtohuatamahuëꞌ, sontaronëhuëpitaroꞌco chachin anaꞌintaranquëmaꞌ, itërin.

Números 24:19

Ina copirnosoꞌ, Cacopo shiin nisarin. Inasoꞌ, inimicoroꞌsa minsëapon. Ninanoroꞌsaquë yaꞌhuëpisoꞌ, yaꞌipi noyá tiquiapon,” tënin.