Números 24:11 - Chayahuita (Shahui)

¹¹ Noya nicatënquën naꞌcon yaacanapiranquënhuëꞌ, Sinioro yaꞌcopirinquën niꞌton, co inapotaranquënhuëꞌ. ¡Iporasoꞌ yaꞌhuëranquë paantaquë huachi! itërin.

Números 24:11 ပူးပေါင်းရင်းမြစ်များ

Números 22:37

—Carinquën përapiranquënhuëꞌ. ¿Onpoatonta co yahuëntaranhuëꞌ? “Huëntaran naporini, noya nicatënquën noꞌtëquën pahuërëꞌitënquënhuëꞌ,” itërin.

Números 24:10

Paramo naporinso natanahuaton, Paracoso paꞌpi noꞌhuitërin. Noꞌhuitaton pinca tëcapon pochin tapon: —Inimiconëhuëpita ama huachi noya yaꞌhuëcaiso marëhuëꞌ shaꞌhuitëquëꞌ, taꞌto amatopiranquënhuëꞌ, nani cara cararo noya yaꞌhuëcaiso marëꞌ shaꞌhuitëran.

Números 24:12

—Coꞌta nani huaꞌanoꞌsa aꞌparansopita shaꞌhuitërahuë: “Paraco pëinënquë, oro, prata, inapita amëntatahuaton quëtopirincohuë tërantaꞌ, Sinioro camaitërinsoráchin nisarahuë. Caso caora yonquinëhuë quëran ama huachi noya yaꞌhuëcaiso marëhuëꞌ shaꞌhuitaꞌhuasoꞌ co nanitërahuëꞌ. Noya yaꞌhuëcaiso marëꞌ shaꞌhuicaꞌhuasonta co nanitërahuëꞌ,” itërahuë.

Hechos 8:20

Pitrorisoꞌ itapon: —Maꞌpitacha yonquiran paya. Coriqui marëꞌ Ispirito Santo ¿yamaꞌparanco ti? Co ina marëꞌ Yosë quëtërinpoahuëꞌ. Co inasoꞌ paꞌanëhuëꞌ. Ina pochin yonquihuatan, parisitopiquë paꞌsaran. ¡Coriquirëꞌquën chachin inaquë paꞌsaran!

Filipenses 3:8

Ina naꞌcon naꞌcon nohuantato, inasáchin yonquirahuë. Iráca cotioroꞌsaꞌ noya niꞌninaco. Huaꞌanoꞌsaquë huarëꞌ noya niꞌpirinacohuëꞌ, Quisocristo imapatëra, aꞌporinaco. Noꞌhuipirinacohuëꞌ, co ina yonquirahuëꞌ. Iráca yonquirahuësoꞌ amoro pochin nicato, co piꞌpisha tërantaꞌ nohuantërahuëꞌ. Quisocristo nohuitaꞌhuasoráchin nohuantërahuë. Ina nohuitacasoꞌ noya noya, tënahuë. Inasáchin huaꞌanëntërinco.

2 Juan 1:8

Niꞌcona nonpintochinënquëmaꞌ. Nani huaꞌqui Yosë imatomaꞌ, ina marëꞌ sacatopiramahuëꞌ. Inapita pochin cancantohuatamaꞌ, topinan quëran imapomaꞌ. Co Yosëꞌpaꞌ acanaarinquëmahuëꞌ. Nipirinhuëꞌ, yaꞌipi cancanëma quëran imapatamaꞌ, inatohuaꞌ Yosë noya noya nohuitatomaꞌ, yaꞌhuëmiataramaꞌ.