Números 23:5 - Chayahuita (Shahui)

⁵ Napotohuachina Siniorori Paramo anitotërin maꞌsona taꞌcasoꞌ. Nani anitotahuaton itapon: —Paracotaquë paantarahuaton, carinquën anitotëranquënso chachin shaꞌhuitëquëꞌ, itërin.

Números 23:5 ပူးပေါင်းရင်းမြစ်များ

Éxodo 4:15

Yaꞌipi camairanquënsoꞌ, ina shaꞌhuitëquëꞌ. Inari quëma yaꞌhuërënamën israiroꞌsa nontarin. Quëma ca yaꞌhuërënamëhuë nonsaranso pochin, inanta quëma yaꞌhuërënamën nonsarin. Carinquëma catahuaponquëma nonacamasoꞌ. Maꞌsona nicacasonta anitotaranquëmaꞌ.

Jeremías 1:9

Ina quëran imirin ihuësahuaton cariananinco. Inapotahuatonco nontaantarinco:

Números 22:20

Naporo tashi Siniorori yaꞌnotantarahuaton, itapon: —Quëma marëꞌ huëꞌpachinasoꞌ, imaquë nipachin. Napoaponahuëꞌ, maꞌsona nohuantërahuësoráchin quëmasoꞌ nisaran, itërin.

Números 22:35

—Paquë imatëquëꞌ. Napoaponahuëꞌ, maꞌsona shaꞌhuitëranquënsoráchin nonsaran, itërin. Napotohuachina Paramosoꞌ, Paracori huaꞌanoꞌsa aꞌparinso imaquirin.

Números 23:16

Paꞌpachina Siniorori Paramo nacapiaton, maꞌsona taantacaso anitotaantarin. Ina quëran itapon: —Paracotaquë paantarahuaton, carinquën anitotëranquënso chachin shaꞌhuitonquëꞌ, itërin.

Números 23:4

Inaquë Yosëri yaꞌnotohuachina, Paramori itapon: —Canchisë artaro ninahuë. Aꞌnaya aꞌnayaquë aꞌnara toroaꞌhua nisahuaton aꞌnara carniro tëparahuato, quëma marëꞌ acorahuë, itërin.

Números 23:6

Paramosoꞌ huëantarahuaton, Paraco huaniárin quënanquiantarin. Artaroquë maꞌsha acopisoꞌ pirayan huaniárin. Moapo huaꞌanoꞌsantaꞌ, inaquë yamorapi.

Lucas 12:12

Naporoꞌ Ispirito Santo catahuaarinquëmaꞌ noya aꞌpanitacamasoꞌ,” itërin Quisosori.

Juan 11:51

Napoaponahuëꞌ, co inaora yonquinën quëran naporinhuëꞌ. Corto huaꞌan niꞌton, Yosë nohuanton, ninorin. Tëhuënchachin Quisoso cotioroꞌsa marëꞌ chiminarin.