Números 23:4 - Chayahuita (Shahui)

⁴ Inaquë Yosëri yaꞌnotohuachina, Paramori itapon: —Canchisë artaro ninahuë. Aꞌnaya aꞌnayaquë aꞌnara toroaꞌhua nisahuaton aꞌnara carniro tëparahuato, quëma marëꞌ acorahuë, itërin.

Números 23:4 ပူးပေါင်းရင်းမြစ်များ

Números 22:20

Naporo tashi Siniorori yaꞌnotantarahuaton, itapon: —Quëma marëꞌ huëꞌpachinasoꞌ, imaquë nipachin. Napoaponahuëꞌ, maꞌsona nohuantërahuësoráchin quëmasoꞌ nisaran, itërin.

Números 22:9

Naporo tashi Siniorori Paramo yaꞌnotahuaton, itapon:

Números 23:1

Ina quëran Paramori Paraco itapon: —Isëquë chachin canchisë artaro nitoco. Inaquë ahuiquitacaso marëntaꞌ, canchisë toroaꞌhua, canchisë carniro, inapita quëquëꞌ, itërin.

Números 23:16

Paꞌpachina Siniorori Paramo nacapiaton, maꞌsona taantacaso anitotaantarin. Ina quëran itapon: —Paracotaquë paantarahuaton, carinquën anitotëranquënso chachin shaꞌhuitonquëꞌ, itërin.

Números 23:3

Ina quëran Paramori, Paraco itapon: —Isëquë maꞌsharoꞌsa tëpatë acorëso pirayan ninataco. Caso amasha paꞌsarahuë tapona Sinioro oꞌmarin nicaincoso marëꞌ. Ina quëran maꞌsona anitotërincosoꞌ, shaꞌhuitaranquën, itërin. Ina tosahuaton Paramosoꞌ, aꞌna panënaꞌhuaya tomaroꞌtë nininquë pantarin.

Números 23:5

Napotohuachina Siniorori Paramo anitotërin maꞌsona taꞌcasoꞌ. Nani anitotahuaton itapon: —Paracotaquë paantarahuaton, carinquën anitotëranquënso chachin shaꞌhuitëquëꞌ, itërin.

Mateo 20:12

‘Pasopitasoꞌ, aꞌna oraíchin sacatopi. Quiyaso nipirinhuëꞌ, yaꞌipi tahuëri sacatërai. Tashiramiachin quëran huarëꞌ piꞌi piꞌcarincoi. Huaꞌquiꞌ sacatopiraihuëꞌ, napopianachin pahuërërancoi. Co noꞌtëquën pahuërërancoihuëꞌ,’ itërin aꞌnari.

Lucas 18:12

Nani simana catoroꞌ ayonarahuë. Yaꞌipi canarahuë quëran, diesmo quëma marëꞌ acorahuë,’ itërin Yosë nontaton.

Juan 16:2

Niyontonpiso pëiroꞌsa quëran ocoiarinënquëmaꞌ. Aꞌna tahuëri yatëparinënquëmaꞌ. ‘Co noyahuëꞌ nipi niꞌton, tëpahuatoi, Yosë noya niꞌsarincoi,’ taꞌtonaꞌ, aꞌnaquëmaꞌ tëpaarinënquëmaꞌ.

Romanos 3:27

Napoaton co inso tëranta nocanacasoꞌ yaꞌhuërinhuëꞌ, tënahuë. Co pënëntërinsoꞌ natërëhuaso marëꞌ Yosë noya niꞌninpoahuëꞌ. Quisocristo naporinsoꞌ natërëhuaso marëꞌ nichaꞌërinpoaꞌ niꞌton, co aꞌnapita nocanacasoꞌ yaꞌhuërinhuëꞌ.

Efesios 2:9

Co canpoara nanitërëhuahuëꞌ chaꞌëcasoꞌ. Napoaton co nocantacasoꞌ yaꞌhuërinhuëꞌ. “Casoꞌ noyaco niꞌto, Yosëꞌpaꞌ paꞌsarahuë,” co taꞌcasoꞌ yaꞌhuërinhuëꞌ.