Números 23:30 - Chayahuita (Shahui)

³⁰ Ina natanahuaton, Paracosoꞌ ina inachachin ninin. Maꞌsha tëparahuaton, aꞌnaya aꞌnaya artaroquë aꞌnara toroaꞌhua, aꞌnara carniro acorin.

Números 23:30 ပူးပေါင်းရင်းမြစ်များ

2 Samuel 15:12

Naporahuaton Aitohuiro itopisonta amatërin. Inasoꞌ, copirno ayonquinaꞌpi. Quiro ninano itopiquë yaꞌhuërin. Maꞌsha Yosë marëꞌ tëparinso aꞌnosoꞌ, caꞌtanacaso marëꞌ amatërin. Napotohuachina inarinta imarin. Inapoatona naꞌcon naꞌcon israiroꞌsa Apësaron imasapi. Ina naꞌcon naꞌcon imatona chini chiníquën nanantapi huachi.

Números 22:40

Inaquë Paraco camaitërin ohuacaroꞌsaꞌ, ohuicaroꞌsaꞌ, inapita tëpacaisoꞌ. Paramo, huaꞌanoꞌsa imaquirinsoꞌ, inapita quëpatontacaiso marëꞌ naporin.

Números 23:1

Ina quëran Paramori Paraco itapon: —Isëquë chachin canchisë artaro nitoco. Inaquë ahuiquitacaso marëntaꞌ, canchisë toroaꞌhua, canchisë carniro, inapita quëquëꞌ, itërin.

Números 23:2

Ina natanahuaton, Paracosoꞌ ina inachachin ninin. Cato yaꞌpi chachin maꞌsha tëparahuatona Yosë marëꞌ acopi. Aꞌnaya aꞌnaya artaroquë aꞌnara toroaꞌhua, nisahuaton aꞌnara carniro acopi.

Números 23:29

Inaquë Paramori, Paraco itapon: —Isëquë chachin canchisë artaro nitoco. Inaquë ahuiquitacaso marëntaꞌ, canchisë toroaꞌhua, canchisë carniro, inapita quëquëꞌ, itërin.

Números 24:1

“Sinioroso nipirinhuëꞌ, israiroꞌsa noya yaꞌhuëcaiso marëꞌ shaꞌhuitaꞌhuasoráchin nohuantërin,” tënin Paramo yonquiaton. Napoaton co huachi iꞌhua pochin nininhuëꞌ. Iꞌhuasoꞌ, Siniorori maꞌsona anitotacaso marëꞌ amasha paꞌnin. Iporasoꞌ co paꞌninhuëꞌ. Ina quëranchin inotëro parti notëtërin.