Números 23:21 - Chayahuita (Shahui)

²¹ Siniorori israiroꞌsasoꞌ, noyasáchin niꞌnin. Cacopo shinpita niꞌtonaꞌ, co manta yaonpotërinhuëꞌ. Napoaton inahuarintaꞌ, huaꞌanën pochin nicatona paꞌyatopi.

Números 23:21 ပူးပေါင်းရင်းမြစ်များ

Salmos 103:12

Piꞌi pipirin quëran, yaꞌconinquë huarëꞌ áquë tënëhuaꞌ. Ina quëran áquë áquë pochin Yosëso oshanënpoa inquitatonpoaꞌ, naniantërin.

Salmos 118:15

Sinioro imamiatopisopita pëinënaquësoꞌ, capa cancantatonaꞌ, cantarapi. Sinioro nohuanton Inimicoroꞌsa canapi niꞌton, napopi.

Salmos 23:4

Chiminchináchin nipirahuë tërantaꞌ, co manta tëꞌhuataꞌhuaso yaꞌhuërinhuëꞌ. Quëmasoꞌ Sinioro co patarancohuëꞌ. Ohuicaroꞌsasoꞌ, huaꞌanëni huaranën quëran paꞌpoyarin. Inapochachin canta noya niꞌsaranco niꞌton, chiníquën cancantarahuë.

Salmos 32:2

Oshanënpoa Yosë shaꞌhuitohuatëra, inquitërinpoaꞌ. Inquitërinpoa niꞌton, inaso co piꞌpian tëranta ina yonquirinhuëꞌ.

Salmos 32:5

Naporoꞌ oshanëhuë shaꞌhuitëranquën. Co noyahuëꞌ ninahuësopita noꞌtëquën shaꞌhuitëranquën. Inapohuatora, yaꞌipi oshanëhuë Sinioro inquitëranco huachi.

Salmos 46:11

Siniorosoꞌ yaꞌipi nanitaparin. Inasoꞌ, yacatahuarinpoaꞌ. Iráca Cacapori chinotërinsoꞌ, paꞌpoyararinpoaꞌ.

Salmos 46:7

Siniorosoꞌ, yaꞌipi nanitaparin. Inasoꞌ, yacatahuarinpoaꞌ. Iráca Cacapori chinotërinsoꞌ, paꞌpoyararinpoaꞌ.

Éxodo 13:21

Yosëri israiroꞌsa co piꞌpian tëranta patërinhuëꞌ. Tahuëri nipachina, chitoro naporopi nininso quëchitërarin. Tashi nipachinantaꞌ, ina chitoro chachin pën pochin huënarataton pacacaiso aꞌnotërarin. Napoaton onpohuachina, tashirë chachin noya paꞌpi.

Éxodo 3:12

—Coꞌta carinquën catahuaranquën. Caꞌtanaranquën niꞌton natëco. Catahuaranquënso nitotamaso marëꞌ, noꞌtëquën shaꞌhuitaranquën. Israiroꞌsa ocoirahuaton, iso motopiquë chachin chinotaramaco, itërin.

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Isaías 33:21

Inaquë Siniorosoꞌ, huënaráchin huënaráchin yaꞌnopon. Inaquëso naꞌa iroꞌsa yaꞌhuëapon. Pancairoꞌsanta yaꞌhuëapon. Inaquëso napoaponahuëꞌ, co onporo tëranta inimiconënpitari yaꞌcontaponahuëꞌ. Inapitasoꞌ chiníquën nancharoꞌsa yaꞌhuëtopi. Panca noꞌsoratëhuan nipirinahuëꞌ, co nanitapihuëꞌ.

Isaías 33:22

Siniorosoꞌ coisënënpoa niꞌton, maꞌpitaso nicacasoꞌ pënëninpoaꞌ. Inasoꞌ copirnonënpoa niꞌton, nichaꞌësarinpoaꞌ. Ina nohuanton inimicoroꞌsa nanchanënaquë pancara nara ahuanipisoꞌ, co chiniaponhuëꞌ. Sihuirinënpita ananahuatërin niꞌton, ihuani pihuicasoꞌ nëꞌmëtëntaꞌ, saꞌmoconin. Inapohuachina, inimicoroꞌsa maꞌshanëna osërëtarihuaꞌ. Somarayaroꞌsa quëran huarëꞌ maꞌsha macaponaꞌ. Sonpacharoꞌsanta maꞌsha mamiataponaꞌ.

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 8:10

Onpo ahuëtamaso yonquihuatamantaꞌ, topinan quëran yonquiaramaꞌ. Maꞌsona nicamasoꞌ nonpatamaꞌ, co napoarinhuëꞌ. Yosëso quiyarëꞌcoi chachin yaꞌhuëarin niꞌton, co inapoaramahuëꞌ.

Números 14:18

“Caso co aꞌnaroáchin noꞌhuitërahuëꞌ. Piyapinëhuëpita nosoromiatërahuë. Co noyahuëꞌ nipirinahuëꞌ, oshanëna inquitato nanan anoyatërahuë. Co natëtonacohuëꞌ oshahuanpachinantaꞌ, inapotërahuë. Tëhuëhuachinaso napoaponahuëꞌ, onpopionta anaꞌintarahuë. Huiꞌninpita, shinpita, inapitanta anaꞌintarahuë. Shiparina shinpita nicoantarinquë huarënta anaꞌintápo,” tënan.

Números 14:19

Ina pochin quëmasoꞌ piyapinënpita nosororan nichinapon chachin, nosoroquëꞌ. Iquipito quëran huarëꞌ naꞌcon tëhuëtërinën. Tëhuëtopirinënhuëꞌ, isëquë huarëꞌ nani quëꞌcanquiran niꞌton, co noyahuëꞌ nipiso inquitaton, noya niꞌquëꞌ, itërin.

Números 9:22

Aꞌna tahuërisoꞌ, chitoro cara tahuëriíchin chinotacaso pëi aipi yaꞌhuërin. Aꞌna tahuërisoꞌ, aꞌna yoquiraꞌ. Aꞌna tahuërintaꞌ, aꞌna piꞌiraꞌ yaꞌhuërárin. Inapohuachina, israiroꞌsa co huachi paꞌpihuëꞌ. Napoaponahuëꞌ, niotëantahuachina, israiroꞌsa paantapi.

Mateo 1:23

“Aꞌna tahuëri nanon inaora cayoapon. Co quëmapiri sëꞌhuapirinhuëꞌ, napoapon. Quëmapiaꞌhuaya huaihuachin, Imanino itapi,” tënin. Yosë chachin oꞌmaton, yacaparinpoaꞌ, tapon naporin. Ina pochin nasitimahuachina, iráca ninopisoꞌ nanirin huachi.

Romanos 6:14

Inapohuatamaꞌ, co huachi oshanëma huaꞌanëntatë pochin nitarinquëmahuëꞌ. Co yaꞌipi pënëntërinsoꞌ natëpiramahuëꞌ, inaora nohuanton, Yosë anoyacancantërinquëmaꞌ. Nosoroatënquëmaꞌ, catahuarinquëmaꞌ noya nicacamaso marëꞌ.

Romanos 8:1

Napoaton iporasoꞌ Quisocristo imapatëhuaꞌ, co huachi anaꞌintinpoasoꞌ yaꞌhuërinhuëꞌ.

2 Corintios 2:14

Ma noyacha Tata Yosëso paya, tënëhuaꞌ. Quisocristo imarëhuaꞌ niꞌton, nani tahuëri ina catahuarinpoaꞌ inimiconënpoapita minsëcasoꞌ. Inapitasoꞌ co nohuantopihuëꞌ Quisocristo nanamën aꞌchinaꞌhuaisoꞌ. Co nohuantopirinahuëꞌ, nisha nisha parti paatoi, nanamën aꞌchinárai. Pimóton huaꞌsaiꞌ pimoanahuaninso pochin Quisocristo nanamën nahuinarin. Aꞌchintatoi, naꞌa piyapiꞌsaꞌ anitotërai.

2 Corintios 5:19

Yosë nohuanton, huiꞌnin chiminin anoyacancantinpoaso marëꞌ. Anoyacancantohuachinpoaꞌ, co huachi oshanënpoaꞌ yonquirinhuëꞌ, inquitërinpoa huachi. Nani nanan anoyatohuachinpoara, quiyantaꞌ acorincoi paatoi aꞌnapita shaꞌhuitaꞌhuaiso marëꞌ.

2 Corintios 6:16

Yosë chinotërëhuaquë noyasáchin nicacasoꞌ yaꞌhuërin. Co inaquësoꞌ mamanshi moshacasoꞌ yaꞌhuërinhuëꞌ. Inapochachin canpoantaꞌ Yosë imapatëhuaꞌ, yaꞌcoancantarinpoaꞌ niꞌton, ina pëinën pochin ninëhuaꞌ. Yosësoꞌ nanpiárin. Quiricanën quëran naporin: “Imapatamaco, yaꞌcoancantaranquëmaꞌ. Canpitaroꞌco yaꞌhuarahuë. Chinotohuatamaco, noya aꞌpaiaranquëmaꞌ. Piyapinëhuëpita pochin niꞌsaranquëmaꞌ,” tënin.

Deuteronomio 31:23

Ina quëran Yosësoꞌ, Cosoi yaꞌhuërëꞌ tahuërëtahuaton itapon: “Ama tëꞌhuatonahuëꞌ, chiníquën cancantëquëꞌ. Israiroꞌsa noꞌpaꞌ quëtaꞌhuasoꞌ nani shaꞌhuitërahuë. Nani quëma huayonanquën israiroꞌsa ina noꞌpaquë poꞌmoamasoꞌ. Carinquën catahuaranquën inapotaran,” itërin.

Deuteronomio 32:5

Canpitaso paꞌpi co noyanquëmahuëꞌ. Yosë chachin nipirinhuëꞌ tëhuëtëramaꞌ. Co huiꞌninpita pochin nicaimaso yaꞌhuërinhuëꞌ.

Deuteronomio 33:5

Yaꞌipi Israiro huëntonoꞌsanpoa niyontonëhuaquë, pënëntërinso nanan quëtërinpoaꞌ. Huaꞌanënpoapitanta inaquë niꞌsoiꞌ, quëtërinpoaꞌ. Naporoꞌ Siniorosoꞌ, copirnonënpoa yaꞌconin,” tënin.

Deuteronomio 9:24

Yaꞌnan nohuitëranquëma quëran huarëꞌ, canpitaso co natantochináchinhuëꞌ cancantëramaꞌ. Ina pochin cancantatomaꞌ, co Sinioro natëramahuëꞌ.

Jueces 6:13

—¡Maꞌcha Sinioro napotaranquën paya! ¡Tëhuënchachin Sinioro catahuararincoi naporini, co poꞌsáitoihuëꞌ! Iráca shimashonëhuëipita Iquipito quëran ocoirin. Ocoicaso marëꞌ chiníquën nanantaton nani maꞌsha ninin. ¡Iporaso nipirinhuëꞌ co huachi inaporinhuëꞌ! Sinioro aꞌporahuatoncoi aparisitiincoiso marëꞌ matianoꞌsa catahuarin, itërin Quitionori.